MASAR IYO QADAR OO XARAKADA XAMAAS U GUDBIYEY….

(SAWIRKA)-MARINKA GAZA.

(DOHA/QATAR)-Dalalka Masar iyo Qatar ayaa fiidnimada Isniinta maanta ah wakiillada Xamaas u gudbiyay Qorshaha Nabadeed ee Madaxweynaha Mareykanka Donald Trump ee Gaza, waxaana xarakadu ey billowday iney daristo. Inkastoo mas’uuliyiin badan oo Xamaas ka tirsan ey si cad u shaaciyeen ineysan si rasmi ah u helin xogta qorshahan, haddana ilo-wareedyo dhowr ah ayaa xaqiijiyay in dhexdhexaadiyeyaasha Masar iyo Qatar ey nuqul ka mid ah soo jeedinta Mareykanka u gudbiyeen wakiillada dhaqdhaqaaqa. Hogaamiye Xamaas ka tirsan oo doorbiday in magaciisa la qariyo ayaa u sheegay Wakaalada Wararka ee AFP: "Weli ma aanan helin soo jeedinta Trump, waanu daraasayn doonaa, kana jawaabi doonaa marka aan helno." Dhankiisa, Hogaamiyaha Xamaas Maxamuud Mardaawi ayaa u sheegay TV-ga AL-Aqsa ee Xarakada in Xamaas eysan helin nuqulka rasmiga ah ee qorshahan, iyadoo la tixgelinayo qodobbada ey soo saartay “oo u dhow aragtida Isra’iil”. Wuxuu tixgaliyay qodobbada lagu shaaciyay qorshaha Trump “mid aan caddayn oo aan la hubin,” isagoo intaa ku daray in Xamaas ey dib u eegis ku sameyn doonto soo jeedinta Mareykanka oo ey kala hadli doonto kooxaha Falastiiniyiinta. Dhankeeda, warbaahinta rasmiga ah ee Israel ayaa sheegtay in Masar iyo Qatar ey si rasmi ah u gaarsiiyeen qoraalka qorshaha Trump Xamaas. Ilo amni oo mas'uul ka ah ayaa xaqiijiyay in "Masar iyo Qatar ey gudbiyeen hindisaha xabbad-joojinta Mareykanka ee Xamaas," isagoo raaciyay "dhaqdhaqaaqa wuxuu xaqiijiyay inuu si wanaagsan u daraaseynayo soo jeedinta." Sidoo kale, Wakaaladda Wararka ee Reuters oo soo xiganaysa “Madax aqoon u leh wadahadallada” ayaa sheegtay in Raysal Wasaaraha Qatar iyo Madaxa Sirdoonka Masar ey Xamaas uga warbixiyeen qorshaha Trump. Sargaalka ayaa intaas ku daray in wadahadalada Xamaas ey ku wargeliyeen dhexdhexaadiyayaasha iney "si niyad wanaag ah u daraaseyn doonaan qorshaha jawaabna ka bixin doonaan." Sarkaal u hadlay Wakaaladda Wararka ee France-Presse ayaa warkan u xaqiijiyay, isagoo sheegay in Raysal wasaaraha Qatar Sheikh Mohammed bin Cabdulrahman AL-Thani iyo Agaasimaha sirdoonka Masar Maxamoud Rashad “mar kaliya ey la kulmeen wada xaajoodayaasha Xamaas, eyna u gudbiyeen qorshaha 20-ka qodob ka kooban.Horaantii Isniintii, Aqalka Cad ayaa soo saaray qorshaha Trump ee lagu joojinayo dagaalka Marinka Gaza, ka dib wadahadal uu la yeeshay Raysal Wasaaraha Isra’iil Benjamin Netanyahu. Trump ayaa shir jaraa’id oo uu qabtay ku sheegay in Netanyahu uu oggolaaday qorshahaas, balse ey weli u baahan tahay oggolaanshaha Xamaas. Qorshaha Trump ayaa dhigaya in Madaxweynaha Mareykanka uu guddoomin doono Guddiga kormeeraya Marxaladda ku meel gaarka ah ee Gaza, iyada oo aan qofna ku qasbin dadka deegaanka iney ka baxaan Marinka. Qorshahan ayaa ku baaqaya in si deg deg ah loo joojiyo dagaalka socday tan iyo 7-dii Oktoobar 2023, iyo in ciidamada Israa’iil si weji ah looga saaro Gaza. Waxa kale oo ey ku baaqaysaa in la sii daayo dhammaan Maxaabiista. Trump ayaa guddoomin doona "guddi nabadda" oo uu ku jiro Raysal Wasaarihii hore ee Britain Tony Blair. Arrimaha Falastiin waxa maamuli doona guddi Falastiini ah oo aan “Siyaasadeed ahayn, Teknooloji ah”, marka laga reebo Xamaas. Marka loo eego qodobbada kale ee qorshaha, Maraykanku wuxuu la shaqayn doonaa "Arab iyo saaxiibada caalamiga ah si loo dhiso ciidan xasilin caalami ah si deg deg ah loo geeyo Gaza." Ciidankan ayaa tababari doona oo taageeri doona "ciidamada booliska falastiiniyiinta ee lagu heshiiyey”iyagoo la tashanaayo Urdun iyo Masar.

XIGASHO-AL-CARABIYAH.

MUDAAHARAAD CULUS OO KA DHACAY CAASIMADA TRIPOLI.

(SAWIRKA)-MUDAAHARAAD.

(TRIPOLI/LIBYA)-Wararka laga helaayo caasimadda dalka Liibiya ee Tripoli ayaa sheegaayo in Boqolaal qof oo Liibiyaan ah ey ka qeybgaleen banaanbax looga soo horjeedo soo Galootiga Sharci Darrada ah Jimcaha maanta ah, dadkaasoo dalbanayay in maamullada dalkooda ey diidaan in dib u dejin loo sameeyo dadka soo galootiga ah, waxaana ey ku baaqayaan in la dedejiyo Masaafurinta. Magaalada caasimadda ah ee Tripoli, tiro dad ah mudaaharaad sameyneysay ayaa isugu soo baxay fagaaraha Shuhadada, kuwaasoo kor u qaaday halku dhigyo ey ku muujinayeen sida ey u badan yihiin dadka sharci darrada ku jooga magaalooyinka dalkaas. Halkudhigyadaas waxaa ka mid ahaa "Liibiya ma ahan meel Qaxooti," "Maya in la dejiyo Muhaajiriinta Liibiya," "Liibya waxaa loogu talagalay Liibiya," iyo "Maya in la beddelo Aqoonsiga Liibiya." Waxay ugu baaqeen maamulka iney go’aan cad ka qaataan arrintan. Magaaladda Misrata, mudaaharaad la mid ah midkii Tripoli ayaa ka dhacay, laakiin waxa uu watay rabshado badan. Dibad-baxayaashu waxay burburiyeen Suuq macmal ah oo Afrikaan ah, waxa eyna ka eryeen dadkii ku sugnaa. Waxa ey dalbadeen in la xiro oo laga Musaafuriyo, iyagoo ku sababeeyay waxa ey ku tilmaameen fal dambiyeedka oo kordhay iyo hubka oo ku batay Tahriibayaasha qaarkood. Waxay sidoo kale dhaleeceeyeen aan la xakameynin, khatarta ah, iyo shirarka shakiga leh ee Muhaajiriinta ee aaggooda. Dhaqdhaqaaqyadan caanka ah ayaa ku soo beegmaya xilli dalka Libya uu wajahayo cadaadis gudaha iyo dibadda ah oo la xiriira socdaalka aan caadiga ahayn, ka dib markii ey bateen tirada dadka sharci darrada ah, taasoo keentay walaac xooggan oo laga qabo dhibaatooyinka ka dhalan kara ammaanka iyo xasilloonida gudaha. Liibiyaanku waxay ka baqayaan in joogitaanka muhaajiriinta aysan hadda ahayn ku-meel-gaar ah oo Yurub ah, balse ey noqdeen degenaansho joogto ah oo khatar ku ah aqoonsiga iyo qaab-dhismeedka bulshada ee waddanka, gaar ahaan Suuqayada aan rasmiga ahayn iyo xaafadaha ey iyagu leeyihiin, oo ka baxsan gacanta dawladda. Sida laga soo xigtay Wasiirka Arrimaha Gudaha ee Dowladda Midnimada Qaran, Cimaad AL-Tarabulsi, waxaa Liibiya ku sugan ku dhawaad ​​2.5 milyan oo ajaanib ah, ku dhawaad ​​80 boqolkiiba dadkaas ayaa si sharci darro ah ku soo galay dalka, mana u diiwaan gashaneyn daganaanshaha, canshuuraha, ama biilasha korontada iyo biyaha.

XIGASHO-AL-CARABIYA.

LA TALIYAHA MADAXWEYNE DONALD TRUMP OO SHEEGAY IN SUUDAAN EY DHIBAN TAHAY…

(SAWIRKA)-DAGAALKA SUUDAAN.

(WASHINGTON/USA)-La taliyaha Madaxweynaha Mareykanka Donald Trump ee Arrimaha Afrika ayaa xaqiijiyay in khadka isgaarsiinta ee dhinacyada isku haya Suudaan ey furan yihiin.

Muscid Boolos oo Khamiista maanta ah Waraysi siiyay ATv-ga Caalmiga ah ee AL-Carabiya isagoo jooga New York ayaa sheegay in Washington ey rajo ka qabto suurtagalnimada wadahadal dhexmara Ciidamada Suudaan iyo Xoogaga Taageerada Deg dega ah.

GARGAARKA EL-FAASHIR:

Boolos waxa uu intaa ku daray in masiibada bini’aadantinimo ee ka jirta Sudan ey tahay tii ugu darnayd ee soo marta caalamka, waxaanu intaa ku daray “Waxaan ku qabanay magaalada New York kulamo aanu wax kaga qabanayno xaalada cakiran ee EL Fashir” ee Gobolka Darfur ee Galbeedka Sudan, kaasoo ey go’doomiyeen Ciidamada deg dega ah ee taageera muddo sanad ka badan. Isagoo hadalkiisa sii wata ayuu yiri “Waxaan dejinay hannaan fududeynaya in gargaarka bini’aadantinimo la gaarsiiyo EL-Fashir,” isagoo ku macneeyay iney bilaaban doonto saacado gudahood. Wuxuu carabka ku adkeeyay in sida ugu dhaqsiyaha badan gargaar loo gaarsiiyo EL-FashIr, isagoo xusay in, in ka badan 100,000 oo caruur ah oo ku nool magaalada ey la ildaran yihiin macaluul. Laga soo bilaabo Xerada Abu Shook ee dadka barokacay ee duleedka EL- Fashir

LAGA SOO BILAABO ABRIIL 2023.

Waxaa xusid mudan in dagaalka u dhexeeya Ciidamada Suudaan iyo Xoogaga taageerada deg dega ah uu Qarxay bishii Abriil 2023.

Iskahorimaadka ayaa ilaa hadda dilay tobanaan kun, barokiciyay in ka badan 13 milyan, waxaana burburiyay kaabayaasha rayidka, sida ey sheegtay Wakaaladda Wararka ee France-Presse. Dagaalkan oo hadda galay sanadkii saddexaad ayaa waxa uu sababay wax ey Qaramada Midoobay ku tilmaantay “dhibaatooyinka bini’aadantinimo ee ugu xun adduunka”. Waqooyiga Darfur oo kaliya, in ka badan hal milyan oo qof ayaa la il daran macluul,sida uu sheegay Ururka Caalamiga ah.

XIGASHO-AL-CARABIYA.

ISRA’IIL OO WEERARTAY CAASIMADA YEMEN EE SANCA KUNA TUURTAY 65-BAMBO.

(SAWIRKA)-DADKII KU DHAAWACMAY WEERARKII ISRA’IIL EE SANCA YEMEN.

(SANA’A/YEMEN)-Ka dib weerar ey diyaarad Drone ah ku qaaday magaalada Eilat ee koonfurta Israa’iil oo eyna ku dhaawacmeen 22 qof, diyaaradaha Israa’iil oo gaaraayo ilaa 20-diaayardood ayaa 13 weerar oo cirka ah ku qaaday Xarumaha Xuutiyiinta ee caasimadda Yemen ee Sanca, kuwaasoo lala beegsaday Xarumaha Ammaanka iyo Sirdoonka ee fagaaraha Sabciin iyo Bab AL-Yemen, sida laga soo xigtay AL-CARABIYA. Wariyaha AL-Carabiya ayaa sheegay in weerarkaas uu sababay dhimashada 2 qof iyo dhaawaca 48 kale,kuwaaso qaarkood ey aad u liidato xaaladooda,waxaane Isbiltaada Sanca ka jirto dhiig la’aan. Duulaankan ayaa kusoo beegmaya xilli uu khudbad ka jeedinayay Hogaamiyaha Xuutiyiinta Cabdulmalik AL-Xuuti, inkastoo aan wali la helin xog la xaqiijiyay oo la xiriirta inta uu le'eg yahay khasaaraha Nafeed iyo midka Hantiyeed. Warbaahinta Israa’iil ayaa ku warantay in duqeymaha ey ku bartilmaameedsadeen Xarumaha Taliska Xuutiyiinta iyo bakhaarrada hubka ee magaalada caasimadda ah ee Sanca.

XERADA TALISKA GUUD:

Dhankiisa,Wasiirka Difaaca Israa’iil Yisrael Katz ayaa sheegay in diyaaradaha dagaalka ee Israa’iil Ey duqeymo xooggan ku qaadeen Goobaha iyo Xerooyinka Xuutiyiinta ee caasimadda Yemen ee Sanca, oo ey ku jirto Xerada Taliska Guud ee kooxda. Xuutiyiinta. Waxa uu intaa ku daray bartiisa Tweeter-ka ee X in duqeymahaasi ey sababeen in la cirib tiro tobanaan canaasiir ah oo Xuutiyiinta ah, isagoo carabka ku adkeeyay in Israa’iil “ey sii wadi doonto beegsiga wax kasta oo khatar ku ah ammaankeeda gobolka,” waa sida uu hadalka u dhigaye.

“WEERAR DARAN OO XANUUN BADAN”.

Raysal Wasaaraha Israa’iil Benjamin Netanyahu ayaa ugu hanjabay Xuutiyiinta “Dharbaaxo xanuun badan oo xanuun badan” fiidnimadii Arbacada ka dib markii diyaarad Drone ah oo Xuuthiyiinta ey beegsatay goob loo dalxiis tago oo ku taal magaalada Eilat ee koonfurta Isra’iil, halkaas oo ay ku dhaawacmeen 22 qof. Muddo toddobaadyo ah, millatariga Israa’iil waxa ey xoojiyeen weerarrada ka dhanka ah Xuutiyiinta oo ey Iraan taageerto, iyaga oo tobannaan qof ku dilay toddobaadkii hore caasimadda Sanca, ka dib markii la dilay Raysal Wasaarahooda iyo ku dhawaad ​​kala bar Golahoodii 28-kii Agoosto.

WEERARADA SII XOOGEYSANAYA:

Waxaa xusid mudan tan iyo markii uu qarxay dagaalka Marinka Gaza ee u dhaxeeya Israa’iil iyo Xamaas 7-dii October 2023 Xuutiyiintu waxay si joogto ah u duqeeyeen gantaalaha ballistic-ga ah iyo diyaaradaha aan duuliyaha lahayn ee Israa’iil, kuwaas oo inta badan la qabto.

WEERARAKII ISRA’IIL EE SANCA SEBTEMBAR 10,2025:

Israa'iil ayaa ku jawaabtay duqaymo ey la beegsatay goobaha Xuutiyiinta, kaabayaasha dhaqaalaha iyo hoggaamiyeyaasha Yemen oo dhan, halkaasoo ey ku dileen boqolaal qof. Dhanka kale, kooxda Xuutiyiinta ayaa wacad ku martay iney sii wadi doonaan duqeymaha ey diyaaradaha aan duuliyaha lahayn iyo gantaallada ku beegsanayaan Israa'iil, "ilaa go'doominta Gaza iyo dagaalka dhiigga badan ku daatay ee halkaas ka socdo uu dhammaanayo”. Dhinaca kale,Goobaha maanta weerarka lala beegsaday ayaa waxaa ka mid ah Buurta Nuqum, Sawaad, Degmada Sanxaan oo ah halka uu ka soo jeedo Madaxweynihii ee dalka Yemen AUN-Cali Cabdalla Saalax, Bani Bahluul, Khawlaan, Bilaada Ruus,dhammaan Goobahaan waxa ey Caasimadda Sanca kaga beegan yihiin Koonfurta, haka Goobaha Caasimadda laga beegsaday ey ka mid yihiin,Xerada Ciidamada ee Nahdeyn una dhaw Madaxtooyadda Sanca, Taliska Amni Siyaasi ee ku yaalo wada Sabciin Koonfurta Sanca,waxaane la soo werinayaa in Sabciin uu ku geeriyooday wiil yar oo toban jir ah ka dib markii et dhacday duqeynta diyaardaha Isra’iil. Weerarka maanta dhacay ayaa lagu burburiyey Xarunta Dahbeyn ee dabka siineysay magaaladda caasimada ah ee Sanca. Dhinaca Isbitaalada Sanca, waxaa hadda ka taagan dhiig yari waxa eyna dadka u baahan yihiin in dhiig lagu shubo sida ey soo sheegeen warbaahinta Maxaliga,Goobaha ey kooxda Xuutiyiinta u asteeyeen in dadku dhiiga ku bixin karo ayaa waxaa ka mid ah”Isbitaal Ribaadh, Wadooyin Haayil iyo Riqaasa iyo Bangiga Dhiiga”.

XIGASHO WAKAALADDO.

MADAXWEYNIHII HORE EE FARANSIISKA OO LA XUMAY.

(SAWIRKA)-MADAXWEYNAYAASHA QADAAFI I YO SARKOZY.

(PARIS/FRANCE)-Horumar la taaban karo oo dhinaca Garsoorka ah ayaa gilgilay saaxadda Siyaasadda dalka Faransiiska, Maxkamad ku taal magaaladda caasimadda ah ee Paris ayaa ku xukuntay Madaxweynihii hore ee Faransiiska Nicolas Sarkozy shan sano oo xarig ah maanta oo Khamiis ah ka dib markii ey ku heshay danbi ah inuu si sharci darro ah u maalgeliyay Ololihiisa Doorashada oo uu ka helay lacag Liibiyaan ah. Waa markii ugu horeysay oo Madaxwaynihii hore ee Faransiiska uu la kulmo xukun sidan oo kale ah kiis la xiriira Musuqmaasuq iyo dhaqaale Siyaasadeed. Xukunka ayaa yimid maanta kadib markii maxkamada Paris ay ku heshay danbi ah inuu Liibiya la galay dambiyo la xiriira inuu si sharci darro ah u maalgelinayay ololihiisa doorashada. Sarkozy oo mar walba diidi jiray eedeymaha lagu soo oogay ayaa lagu eedeeyay inuu heshiis la galay Mucamar Al-Qadaafi si uu dhaqaale ugu helo ololihiisa doorashada isagoo ku bedelaya inuu taageero caalami ah u fidiyo dowladdii Liibiya ee xilligaas jirtay. Xaakimka oo dambiyo kale ku waayay Sarkozy, sida Musuq-maasuq ayaa sheegay inaysan jirin wax cadeyn ah oo muujinaya in Sarkozy uu heshiis caynkan oo kale ah la galay Madaxweynihii hore ee dalka Liibiy Col.Macamar AL-Qadaafi, sidoo kalena lacagta laga soo diray Liibiya ey ku dhacday khasnadda Ololaha Sarkozy. Xukunka Sarkozy ayaa la macno ah in Xabsiga la dhigi doono iyada oo aan loo eegin in uu racfaan ka qaadanayo. Garsooraha ayaa sidoo kale ku amray Sarkozy inuu bixiyo Ganaax dhan 100,000 oo Yuuro,una dhiganta $116,739.24 doolarka Maraykanka ah. Dacwad oogayaasha ayaa ku eedeeyay Sarkozy oo mar walba diidi jiray eedeymahaas in uu heshiis la gaaray Qadaafi sanadkii 2005-tii, xilligaas oo uu ahaa Wasiirka Arrimaha Gudaha, si uu dhaqaale ugu helo Ololihiisa doorashada, si uu taageero caalami ah ugu helo dowladdii xilligaasi jirtay ee Liibiya.

MAALGELIN SHARCI DARRA AH:

Sarkozy, oo xilka Madaxweynenimo soo qabtay sannadihii 2007 ilaa 2012, ayaa lagu eedeeyay inuu Malaayiin doollar oo olole sharci darro ah ka qaatay taliskii hore ee Liibiya. Madaxweynihii hore oo ey weheliyaan 12 eedaysane ayaa loo haystaa dacwado la xiriira dhaqaale sifo sharci darro ah oo olole doorasho, lunsi hanti dadweyne iyo laaluush. Eedeysanayaasha ku lugta leh kiiska waxaa ka mid ah Wasiirkii hore ee Arrimaha Gudaha Claude Guéant iyo Brice Orte-Foy, iyo sidoo kale Wasiirkii hore ee Shaqada Eric Woerth.

TOBAN SANO OO XARIG AH:

Eedeysaneyaal dhowr ah oo ku lug lahaa kiiska ayaa wajahaya xukun gaaraya 10 sano oo xarig ah. Faransiiska ayaa 21 waddan ka codsaday kaalmo sharci, taasoo qayb ka ah baaritaanka balaaran ee kiisa Liibiya.

XIGASHO-AL-CARABIYA.

XUUTIYIINTA YEMEN OO WEERAR CIRKA AH KU QAADAY ISRA’IIL.

(SAWIRKA)-HALKA EY KU SOO DHACDAY DRONES-KII YEMEN.

(SANA’A/YEMEN)-Wariyayaasha u shaqeeya Tv-ga caalamiga ah ee AL-Carabiya ayaa ku soo waramaya in tirada dadka ku dhaawacmay diyaarad nooca aan duuliyaha lahayn ee Drones-ka ah oo ku soo dhacday magaalada Eilat ey kor u dhaaftay 22 qof. Xuutiyiinta dalka Yemen ayaa sheegtay mas’uuliyadda weerarka diyaarada aan duuliyaha lahayn ee lagu qaaday magaalada Eilat. Sida laga soo xigtay militariga Israa’iil, digniin dhanka cirka ah ayaa laga soo saaray magaalada Eilat, sababo la xiriira duullaanka ey diyaaradaha aan duuliyaha lahayn ee Drones-ka ey ku galeen hawada Israa’iil. Ciidanka ayaa yiri: "Waxaa la isku dayay in la qabto, waxaana hadda goobtii uu shilku ka dhacay ka socda gurmad iyo baadi goob. Sida uu qoray website-ka Ynet diyaaradan oo aan duuliye lahayn ayaa ku soo dhacday meel ku dhow Hotel Eilat. Ciidamada Cirka ee Isra’iil ayaa ku macneeyay in ey isku dayeen in ey ka hortagaan diyaaradaasi ka hor inta eysan dhicin, balse diyaaradaasi waxa ey ku guulaysteen iney gudaha u gasho hababka difaaca hawada ee lakabyada badan waxa eyna gaartay meel ey dadku ku badan yihiin. Laamaha ammaanka ayaa sheegay inuu socdo baaritaan lagu ogaanayo sida ey ugu suuragashay in diyaarada aan duuliyaha laheyn ey ka gudubto difaacyada. Qaraxan oo ka dhacay meel ku dhow mid ka mid ah xarumaha Ganacsiga ee ugu mashquulka badan Eilat, ayaa argagax ku abuuray dadka deegaanka, iyadoo firirka laga maqlayay magaalada oo dhan, goob joogayaal ayaa sheegay iney maqleen qaraxyo badan. Warbaahinta Isra’iil ayaa ku warantay in dhowr qof ey ku dhaawacmeen ka dib markii diyaarada aan duuliyaha lahayn ey ku burburtay magaalada Badda Cas ee ku taal xadka Urdun iyo Masar. Taas waxaa ka sii horeeyay in ciidamada Isra’iil ey ku dhawaaqeen in firirka hawada laga maqlay Eilat ka dib markii ey ogaadeen diyaarad ka soo duushay Yemen. Eilat, oo ah magaalo loo dalxiis tago oo caan ah una dhow xuduudka Isra’iil la wadaagto Masar, ayaa waxaa soo buux dhaafiyay dad badan Arbacada maanta ah, xilli ey u yimaadeen fasaxa sanadka cusub ee Yuhuuda. Ka dib markii uu dagaal ka qarxay Qaza October 7, 2023, Xuutiyiintu waxa ey bilaabeen in ey gantaalo iyo diyaarado aan duuliye lahayn ku garaacaan Isra’iil oo ey weeraro ku qaadaan Maraakiib Ganacsi oo ey ku sheegeen in ey ku xiran yihiin xeebaha Yemen. Isra’iil oo ka jawaab celineysa ayaa duqeymo dhanka cirka ah ku qaaday goobaha ey maamulaan Xuutiyiinta, waxaana ey beegsatay Dekedaha,Xarumaha Korontada iy Garoonka Diyaaradaha ee caasimadda Sanca.

XIGASHO AL-CARABIYA.

TRUMP OO LA KULMAY CARABTA IYO ISLAAMKA HOGAANKOODA QAAR.

(SAWIRKA)-KULANKA TRUMP IYO CARABTA,ISLAAMKA.

(NEW YORK)-Madaxweynaha Mareykanka Donald Trump ayaa mar uu la kulmay Madaxda Carabta iyo kuwa Islaamka sida Amiirka Qatar Sheikh Tamim bin Hamad AL Thani iyo Madaxweynaha Turkiga Recep Tayyip Erdogan, waxa uu sheegay in dalkiisa uu ka shaqeyn doono sidii loo soo afjari lahaa dagaalka ka socda Marinka Gaza. Trump ayaa intaa ku daray in kulankan oo ka dhinac socday shirarkii Golaha loo dhan yahay ee Qaramada Midoobay ee ka dhacay New York Talaadadii uu ahaa mid aad u wanaagsan oo uu matalay "kulankii ugu muhiimsanaa ee aan abid yeesho." Bilowgii kulanka ayuu Trump ku macneeyay “Kulankan wuxuu noqon doonaa mid muhiim ah, waxaana ka wadahadli doonaa joojinta dagaalka, waxaana laga yaabaa inaan hadda soo afjarno”. Intii uu socday kulanka, Erdogan ayaa laga soo xigtay talefishinka TRT oo sheegay in uusan dagaal ka dhicin Gaza, balse uu yahay Duullaan iyo Xasuuq, isagoo carabka ku adkeeyay in waxa ka socda Marinka ey yihiin “dil, burburin, iyo barakicin qasab ah oo lagu hayo Falastiiniyiinta”. Intii uu kulanka socday ayaa Amiirka dalka Qatar Sheekh Tamim Bin Xamad waxa uu u sheegay Madaxweynaha Mareykanka in xaaladda Marinka Gaza ey aad u liidato.

TRUMP WUXUU SOO BANDHIGAY HINDISE NABADEED OO LOOGU TALAGALAY MARINKA GAZA:

Afhayeen u hadlay Aqalka Cad ee Mareykanka, Caroline Levitt ayaa maanta oo isniin ah saxaafadda u sheegtay in Trump uu kulan la qaadan doono dalalka Sacuudiga, Imaaraadka, Qatar, Masar, Urdun, Turkiga, Indonesia iyo Pakistan. Ilo xog ogaal ah ayaa sheegay in kulanka looga hadli doono xaaladda Gaza. Warbaahinta Axios ayaa horey u sheegay in Trump uu hordhigi doono hogaamiyayaasha kooxdan wadamada hindise nabadeed iyo mustaqbalka maamulka Gaza dagaalka ka dib. Marka laga soo tago sii deynta Maxaabiista Isra’iil ee Gaza iyo soo afjarida dagaalka, Wargauska Axios wuxuu rajeynayaa in Trump uu kala hadlo mabaadi'da ka bixitaanka Isra’iil ee Marinka iyo mustaqbalka maamulka halkaas ka dib marka uu dhammaado dagaalka, iyada oo aan ka qaybgelin Xamaas. Shabakadda ayaa sheegtay in Maraykanku uu sidoo kale doonayo in dalalka Carabta iyo Islaamka iney ku heshiiyaan iney ciidamo milateri u diraan Gaza si ey gacan uga geystaan ​​bixitaanka Israa’iil iyo iney Carabta iyo Islaamka dhaqaale ku bixiyaan marxaladda KMG ah iyo dib u dhiska. Trump ayaa khudbad ka jeediyey Golaha loo dhan yahay ee Qaramada Midoobay maanta oo Talaadada ah, maalin ka dib markii tobanaan hoggaamiyeyaal caalami ah ey isugu soo baxeen Qaramada Midoobay si ey u taageeraan dawladda Falastiin. Tani waa isbedel diblomaasiyadeed oo taariikhi ah ku dhawaad ​​laba sano ka dib dagaalkii Gaza, laakiin waxay wajahaysaa iska caabin adag oo uga imaanaya Isra’iil iyo Mareykanka. Waddamadan ayaa sheegay in xalka labada dal uu yahay waddada kaliya ee lagu gaari karo nabad, balse Israa’iil waxay sheegtay in “in la aqoonsado dowlad Falastiini ah ey abaal-gud u tahay xagjirnimada”. Weerarkii Israa'iil ee Marinka Gaza tan iyo bishii Oktoobar 2023 ayaa lagu dilay in ka badan 65,000 oo Falastiiniyiin ah iyo macaluul. Khubaro badan oo xuquuqul insaanka ah, cilmi-baarayaal, iyo baaritaan ey Qaramada Midoobay samaysay ayaa qiimeeyay in weerarkani uu yahay "xasuuq." Trump ayaa ballan qaaday inuu si deg deg ah u soo afjari doono dagaalka Gaza, balse xalku waa mid aan la aqbali karin siddeed bilood ka dib markii uu xilka la wareegay. Muddada Trump ayaa ku biloowday xabbad joojin laba bilood ah oo u dhaxaysay Israa'iil iyo Xamaas, taasoo ku dhammaatay duqeymo ey Israa'iil ku dishay 400 oo Falastiiniyiin ah 18-kii March. Sawirrada Falastiiniyiinta oo ey ku jiraan caruur, ayaa dhawaanahan ka dhaliyay carro caalami ah oo ku aaddan weerarka Israa'iil ey ku hayso Gaza. Bishii Febraayo, Trump wuxuu soo jeediyay in Mareykanka uu maamulo Gaza iyo in Falastiiniyiinta laga barokiciyo dhulka. Khubarada xuquuqul insaanka iyo Qaramada Midoobay ayaa hindisahan ku tilmaamay mid " isir sifayn." Barakaca qasabka ah waa sharci darro marka loo eego sharciga caalamiga ah. Trump ayaa qorshahan ku tilmaamay mid dib u dhis ah.

XIGASHO-AL-CARABIYA.

HAYADDA CUNTADA ADDUUNKA WFP OO ISAGA BAXADAY WAQOOYIGA YEMEN.

(SAWIRKA)-CUNTO QEYBINTA YEMEN.

(YEMEN)-Hay’adda Cunnada Adduunka ee WFP ayaa ku dhawaaqday iney joojisay dhammaan dhaqdhaqaaqyadii ey ka waday deegaannada ey Xuutiyiintu ka taliyaan ee Waqooyiga Yemen, ka dib markii kooxdu ey xirtay koox dheeraad ah oo ka tirsan shaqaalaha Qaramada Midoobay dabayaaqadii bishii hore. Warbixin ku saabsan xaaladda bini'aadantinimo ee Yemen, oo la sii daayay Talaadadii, barnaamijka ayaa lagu yiri, "Mas'uuliyiinta ammaanka ee Xuutiyiintu waxay si sabab la'aan ah u xireen tiro ka mid ah shaqaalaha Qaramada Midoobay, oo ey ku jiraan 15 ka mid ah shaqaalaheenna, tan iyo Agoosto 31. Sidaa darteed, waxaan go'aansanay inaan joojino dhammaan dhaqdhaqaaqyadayada Waqooyiga dalka." Warbixintu waxa ey intaa ku dartay in Xoghayaha Guud ee Qaramada Midoobay António Guterres iyo Agaasimaha Fulinta ee Hay’adda Cunnada Adduunka, Cindy McCain ey ku baaqeen in si deg deg ah oo shuruud la’aan ah loo sii daayo dhammaan shaqaalaha la xiray, balse ilaa hadda ma jirto wax jawaab ah oo ka soo baxay kooxda. Barnaamijka Qaramada Midoobay waxa uu tilmaamay in ey soo gebagebeeyeen wareeggii labaad ee barnaamijkeedii gargaarka deg degga ahaa ee cunto qaybinta deegaannada ey Xuutiyiintu haystaan ​​dabayaaqadii Agoosto, taasoo lagu beegsaday ku dhawaad ​​803,000 oo qof oo ku nool 25 degmo oo ey sida weyn u saamaysay cunto yarida. Barnaamijku wuxuu intaas ku daray "in aysan hadda bixinayn wax gargaar ah oo cusub." Warbixintu waxay tilmaantay in hannaanka beegsiga iyo diiwaangelinta ka-faa'iidaystayaasha cunnada gargaarka ah ey weli hakad ku jirto deegaannada ey Xuuthiyiinta ka taliso, sidoo kale barnaamijkii quudinta dugsiyada oo ey ugu wacan tahay dhaqaale yari daran. Hay'adda Cunnada Adduunka ee WFP waxay xaqiijisay in hawlaheeda Yemen ey weli soo food saartay farqi lacageed oo ballaaran, oo lagu qiyaasay ku dhawaad ​​77% wadarta guud ee shuruudaha maalgelinta saafiga ah ee $432 milyan lixda bilood ee soo socota (Oktoobar 2025 - Maarso 2026).

XIGASHO-AL-CARABIYA.

WADAMADDA UK,AUSTRALIA IYO KANADA OO AQOONSADAY FALASTIIN.

(SAWIRKA)-FALASTIIN.

(NEW YORK)-Wadamada Canada, Australia, iyo UK ayaa si rasmi ah u aqoonsaday Dawladda Falastiin Axada maanta ah, tallaabadaas oo kicisay abaabulka Isra’iil, waxayna keentay in dhowr Wasiir oo Israa'iil ah ey ku baaqaan ku biirista Daanta Galbeed. Halka maamulka Falastiiniyiinta ey ku tilmaameen dhacdadan maalin taariikhi ah, iyagoo u mahad celiyay saddexda dal.

MAXAY KA DHIGAN AQOONSIGA FALASTIIN?

Falastiin waxa loo arkaa dawlad "aan jirin" dad badan oo indha indheeya. Waxay ku raaxaysanaysaa Aqoonsi Caalami ah oo ballaaran, waxay ilaalisaa ergada diblomaasiyadeed ee dibadda, waxayna ka qaybgashaa dhacdooyinka isboortiga, oo ey ku jiraan Ciyaaraha Olombikada. Si kastaba ha ahaatee, colaadda sii socota ee Falastiin iyo Israa'iil awgeed, ma laha Xuduud Caalami ah oo lagu heshiiyey, inkastoo Qaraarka Qaramada Midoobay uu qeexayo Xuduudaha dawladda (xuduudaha 1967). Ma laha ciidan, iyo dhaqaale Madax bannaan oo awood u leh inuu iskii u istaago, iyadoo Israa’iil ey maamusho alaabteeda. Sababo la xiriira qabsashadii militariga Israa'iil ee Daanta Galbeed, Maamulka Falastiin oo la sameeyay ka dib heshiisyadii nabadeed ee 1990-meeyadii si buuxda uma maamusho dhulkeeda iyo dadkeeda. Marka la eego heerkan, Aqoonsiga Dawladda Falastiin si lama huraan ah ayuu u xambaarsan yahay muhiimad astaan ​​oo muhiim ah. Waxay ka dhigan tahay mawqif akhlaaqeed iyo mid siyaasadeed oo xoog leh, gaar ahaan ka dib dagaalkii burburay ee Isra’iil ee Gaza iyo xaqiijinta caalamiga ah ee "xasuuqa" ee go'doominta Falastiiniyiinta. Waxa kale oo ey furdaamineysaa furista safaaradaha iyo isdhaafsiga Safiirada Falastiin iyo dalalka Aqoonsan, waxayna sare u qaadaysaa joogitaanka dawladda Falastiin ee Golayaasha Caalamiga ah. Waxa ey sidoo kale cadaadis caalami ah saaraysaa dowladda Israa’iil ee uu Madaxweynaha ka yahay Benjamin Netanyahu, kaasoo durba la kulmaya dhaleecayn iyo cadaadis badan oo gudaha Israa’iil ah.

BAAAQ BALFOUR:

Astaantu waa mid awood badan, gaar ahaan marka la eego Aqoonsiga UK ey siisay dowladda Falastiin, oo soo saartay baaqii caanka ahaa ee “Balfour Declaration” 1917kii. Sida Xoghayihii hore ee arrimaha dibadda ee UK David Lammy uu tilmaamay mar uu khudbad ka jeedinayay Qaramada Midoobay bishii July ee la soo dhaafay, "UK waxaa ka saaran mas'uuliyad gaar ah si ey u taageerto xalka labada dal." Lammy wuxuu soo xigtay 1917 Bayaankii Balfour - oo uu saxiixay Xoghayihii Arrimaha Dibadda ee Ingiriiska Arthur Balfour kaasoo markii hore muujiyay taageerada uk ee "samaynta Falastiin ee guri qaran oo loogu talagalay dadka Yuhuudda ah." Si kastaba ha ahaatee, sida uu sheegay, ballan-qaadkan waxaa weheliyay ballan-qaad rasmi ah "inaanay qaadin tallaabo kasta oo wax u dhimaysa xuquuqda madaniga ah iyo diinta ee bulshooyinka aan Yuhuudda ahayn ee Falastiin," sida ey sheegtay BBC-da. Laakiin aagga hore loo yaqaan Falastiin, oo ey maamusho Ingiriiska oo hoos imanaya waajibaadka Ururka Qaramada Midoobay 1922 ilaa 1948, ayaa muddo dheer loo arkaa iney tahay arrin caalami ah oo aan dhammaan. Israa'iil waxaa la aas aasay 1948-kii, laakiin dadaalladii lagu doonayay in lagu dhiso dowlad isbar-bar-tag oo Falastiiniyiin ah ayaa burburay sababo badan dartood.

“XALKA LABA DAWLADOOD”:

Soo jeedinta "xalka labada dawladood" ee soo taxnayd sannado badan, ayaa ku baaqaysa in la dhiso dawlad Falastiiniyiin ah oo laga dhiso Daanta Galbeed iyo Marinka Gaza, isla markaana la mid ah kuwii jiray ka hor dagaalkii 1967-kii, caasimadna u ahayd bariga Quddus oo Israa'iil ey qabsatay dagaalkaas. Si kastaba ha ahaatee, dadaallada caalamiga ah ee lagu doonayo in lagu gaaro xal laba dowladood ah ayaa guul dareystay ilaa dhawaan, waxaana Israa’iil ey sii waday ballaarinta deegaameynta iyo ku darista qeybo badan oo ka mid ah Daanta Galbeed, taasoo sharci darro ah marka loo eego sharciga caalamiga ah. Si kastaba ha ahaatee, hindisihii dhawaan Sacuudiga iyo Faransiiska ayaa dib u soo nooleeyay geeddi-socodkan oo ey ku taageereen Qaramada Midoobay, tallaabadaas oo ka dhigan dadaal xooggan oo lagu doonayo in lagu xalliyo labada dal iyo soo nooleynta nabadda.

YAA FALASTIIN U AQOONSAN DAWLAD?

147 ka mid ah 193-da waddan ee Xubnaha ka ah Qaramada Midoobay ayaa u Aqoonsaday Dawladda Falastiin. Falastiin waxay Qaramada Midoobay ku leedahay meeqaam goobjooge joogto ah, taasoo u oggolaanaysa iney ka qaybgasho iyadoon xuquuq codayn ah lahayn. Horaantii Axada maanta ah ayey dawladaha Canada, Australia, iyo UK waxay si rasmi ah u Aqoonsadeen Dawladda Falastiin, taasoo tirada dalalka ka dhigaysa 150-wadan.

XIGASHO-AL-CARABIYA.

MADAXA SIRDOONKA SUUDAN OO KA HADLAY WEERARADA RSF EE DAARFUUR.

(SAWRKA)-BARAKACAAYSHA SUUDAAN.

(DARFUR/SUDAN)-Agaasimaha guud ee Sirdoonka Sudan, Sareeye Guud Axmed Ibraahim Mufadal, ayaa ka digay in ciidamada Rapid Support Forces ( RSF ) ey keensadeen wax uu ku tilmaamay Calooshood u shaqeystayaal ka socda Gobolka iyo Caalamka, kuwaasoo ka faa'iideysanaya taageero dhaqaale iyo mid milateri oo dibadda ah. Arintan ayaa sii kordhisay dhibaatada haysata dadka reer Suudaan, waxayna halis galisay Xasiloonidooda iyo Amnigooda, halka 7,500 oo qof ey ku barakaceen AL-Fashir saddex maalmood gudahood. "Calooshood u shaqeystayaasha waxay galeen dambiyo waa-weyn, oo ey ku jiraan iney xoog ku galeen Saldhigyada Booliiska iyo Xabsiyada waxayna sii daayeen Maxaabiis khatar ah oo ku takhasusay Argagixisanimada, ka Ganacsiga hubka, iyo ka Ganacsiga Daroogada," Wakaaladda Wararka Suudaa ee SUNA ayaa ka soo xigatay Mufadal mar uu ka qayb galayay Madasha Amniga ee Baku ee dalka Asarbayjan. Mufadel waxa uu ku nuuxnuuxsaday in khatarahani ey dhaafsiisan yihiin Suudaan, isaga oo tilmaamay khatarta fidinta Argagixisada iyo dembiyada abaabulan ee caalamiga ah. Waxa uu ugu baaqay beesha caalamka in ey taageeraan dalkiisa, isla markaana ey diidaan cid kasta oo taageero u fidineysa Ciidamada Taageerada Deg degga ah, kuwaasi oo Ururada Gobolka iyo kuwa Caalamiga ah ey si rasmi ah ugu Aqoonsadeen Argagixiso. Madashan oo lagu qabtay Caasimadda dalka Asarbayjaan ee Baku 21-kii ilaa 23-kii Sebtembar ayaa hal-ku-dhegeedu ahaa “Doorka Iskaashiga Ammaanka ee Ka-hortagga Xasaradaha Bini’aadantinimo ee Xilliga Colaadaha iyo Masiibooyinka,” iyadoo ujeeddadu tahay in la kobciyo iskaashiga caalamiga ah iyo is-dhaafsiga khibradaha si wax looga qabto caqabadaha Amniga ee xuduudaha.

HORUMARKA GOOBAHA DAGAALKA:

Dhinaca dhilka,Masuuliyiinta Suudaan waxay ku dhawaaqeen maanta oo Axad ah,in Gobolka Daarfuur lagu dilay Sarkaal ka tirsan maamulka iyo xaaskiiska. Mas’uuliyiinta Suudaan ayaa sheegay in Xoghayihii Guud ee Dowladda Waqooyiga Darfur, Mohameday Cabdullah, iyo Xaaskiisa lagu dilay EL-Fashir, ka dib markii gurigooda lala beegsaday Gantaal ey soo rideen diyaaradaha aan duuliyaha lahayn(DRONES) ee Ciidamada Taageerada deg degga ah. Guddoomiyaha Gobolka Waqooyiga Darfur AL-Xafiz Bakhit Maxammed iyo xubno ka tirsan dowladdiisa ayaa u baroor diiqay Cabdullah iyo Xaaskiisa, sida ey sheegtay Wakaaladda wararka ee Sudan. Maxamed waxa uu sheegay in Cabdullah iyo Xaaskiisa la dilay ka dib markii gurigooda lagu bartilmaameedsaday Gantaal nooca aan duuliyaha lahayn ee aan duuliyaha lahayn fiidnimadii Sabtida oo ey fuliyeen Ciidamada Taageerada deg dega ah ee EL Fashir. Dhinaca kale, Hay’adda Socdaalka Adduunka(IOM) ayaa shaacisay in 7,500 oo qof ey ka barakaceen Eerooyinka Abu Shuuk iyo magaalada EL-Fasher ee Galbeedka Sudan sababo la xiriira Amni darro saddexdii maalmood ee la soo dhaafay. Hay'adda ka tirsan Qaramada Midoobay ayaa warbixin ey soo saartay ku sheegtay in kooxaha goob-joogga ah ee daba-galka u ah barakaca ey ku qiyaaseen in 7,500 oo qof ey ka barakaceen Xerada Abu Shuuk ee dadka gudaha ku barakacay iyo magaalada EL-Fashir sababo la xiriira Ammaan-darro oo sii xumaanaysa intii u dhexeysay 17-kii ilaa 19-kii September. Waxay sharaxday Hayadda in dadka barakacay ey u guureen meelo kale oo ka tirsan magaalada EL-Fashir, ee xarunta Gobolka Waqooyiga Darfur, xaaladduna ey weli tahay mid aad u kacsan oo aan deganeyn magaalada. Ciidamada Taageerada Deg dega ah ayaa ku soo rogay EL-Fashir go'doomin tan iyo May 10, 2024, inkastoo digniino caalami ah ey ka bixiyeen khatarta dagaalka ka socda halkaas, marka loo eego sida ey tahay xarunta hawlaha bini'aadantinimo ee shanta Gobol ee Darfur. Tan iyo bartamihii bishii April 2023, ciidanka dawadda Sudaan iyo xoogaga Taageerada deg dega ah waxay wadeen dagaal kaasoo dadaallo badan oo dhexdhexaadin heer gobol iyo heer caalami ah ey ku guuldareysteen iney soo afjaraan, inkastoo ey dalka ka jiraan masiibo bini'aadantinimo ka baxsan. Dagaalka ayaa waxaa ku dhintay in ka badan 20,000 oo qof waxaana ku barakacay ku dhawaad ​​15 milyan, sida ey sheegeen Qaramada Midoobay iyo maamulada maxalliga ah.

XIGASHO ALJAEERA/ARABIC.

ISRA’IIL OO DUQEYN KA GEYSATAY KOONFURTA LUBNAAN.

(SAWIRKA)-GAARIGA LA DUQEEYEY.

(BEIRUT)-Wararka aan ka heleyno caasimada dalka Lubnaan ee Beyruut ayaa sheegaayo in hal qof uu Sabtida maanta ah ku dhintay duqeyn ey Israa’iil ka geysatay koonfurta Lubnaan, Wasaaradda Caafimaadka Lubnaa ayaa sidaas sheegtay, in kasta oo xabbad joojin muddo dhowr bilood ah ka jirtay Israa’iil iyo Ururka Xizbullah. Wasaaradda Caafimaadka ayaa bayaan ey soo saartay ku sheegtay in duqeyn diyaaradeed oo Israa’iil ey ku qaaday baabuur marayay wadada AL-Khardali uu sababay dhimashada hal qof. Israa’iil ayaa si joogto ah duqeymo ka geysata dalka Lubnaan, iyadoo ku andacoonaysa iney beegsanayso Xizbullah, inkastoo xabbad joojin la gaaray November 2024 ka dib in ka badan hal sano oo dagaal. Duqeymaha Israa’iil ee Jimcihii ayaa lagu dilay laba qof koonfurta . Ciidamada Israa’iil ayaa bayaan ey soo saareen ku sheegay iney dileen hoggaamiyihii Xizbullah, Camaar Haayil Quseybani, marka laga soo tago xubin ka tirsan xisbiga “Radwan Force”. Tani waxay timid maalin uun ka dib markii Isra’iil ey duqaymo la beegsatay shan tuulo oo ku yaalla koonfurta Lubnaan, sida ey sheegtay Wakaaladda Wararka Qaranka ee rasmiga ah, ka dib digniino ey Israa'iil u jeedisay dadka deggan iney ka guuraan dhismayaasha la duqeeyay. Lubnaan ayaa cambaareysay duullaanadan. Bayaan uu soo saaray, Madaxweyne Joseph Aoun waxa uu ku dhaleeceeyay "Amusnaanta dawladaha kafaala qaaday" heshiiska xabbad joojinta, isaga oo ku tilmaamay "fashil khatar ah oo dhiirigelinaya weerarradan." Wuxuu intaas ku daray, "Waxaa la joogaa xilligii si deg deg ah loo joojin lahaa xadgudubyadaas." Cadaadiska Mareykanka, dowladda Lubnaan ayaa bishii hore ka codsatay ciidamada iney dejiyaan qorshe hubka looga dhigayo Xizbullah oo si weyn u wiiqay dagaalkii dhawaan ey la gashay Israa’iil. Wasiirka arrimaha dibadda Youssef Rjei ayaa xaqiijiyay in ciidanku ey ku soo gabagabeynayaan hub ka dhigista dagaalyahannada ku sugan aagga xadka muddo saddex bilood ah. Ciidanka Lubnaan ayaa sheegay in weeraradii Khamiista ey ka dhigeen tirada "xadgudubyada" Isra’iil ee xabbad joojinta 4,500, iyagoo caddeeyay iney caqabad ku yihiin dadaalkooda ku aaddan hirgelinta qorshaha hub ka dhigista.

XIGASHO-AL-CARABIYA.

ISRA’IIL OO KOONFURTA LUBNAAN DAD KU DISHAY.

(SAWIRKA)-GAARIGA LA BEEGSADAY.

(BEIRUT)-Wararka laga helaayo caasimadda dalka Lubnaan ayaa sheegaayoin duqaymo ey Israa'iil ka geysatay Koonfurta dalka Lubnaan Jimciha maanta ah, weerarada ayaa lagu dilay 2 qof 11 kalena waa lagu dhaawacay, Wasaaradda Caafimaadka ee Lubnaan ayaa sheegtay, weeraradii ugu dambeeyay in kasta oo ey xabbad-joojin dhexmartay Israa'iil iyo Xezbullah. Wasaaraddu waxay sheegtay in “Weerar dhinaca cirka ah oo ey Israa’iil ku qaaday baabuur” bannaanka cisbitaalka dadweynaha ee Tibnin uu ku dilay hal qof, laguna dhaawacay 11, halka weerar kale oo lagu qaaday baabuur ku sugnaa Ansaar uu ku dhintay hal qof. Ciidamada Israa’iil ayaan si deg deg ah uga hadlin duqeyntaasi. Weerarkan ayaa imaanaya maalin ka dib markii Israel ey duqeysay shan magaalo oo ey u sheegtay dadka deegaanka iney isaga guuraan. Milateriga Israa’iil ayaa sheegay in ey duqeeyeen dhowr xarumood oo hubka lagu keydiyo oo ey leeyihiin xoogaga sare ee Xezbullah ee Radwan.
Madaxweynaha dalka Lubnaan Joseph Cawn ayaa dhaleeceeyay weerarada iyo "amusnaanta dalalkii kafaala qaaday" xabbad joojinta, taasoo uu yiri "waxay dhiirigelinaysaa gardarrada dheeraadka ah." "Waxaa la gaaray waqtigii si deg deg ah loo soo afjari lahaa xadgudubyadan bareerka ah ee lagu hayo Madax-banaanida Lubnaan," ayuu yiri. Ciidamada nabad ilaalinta Qaramada Midoobay ee ku sugan koonfurta Lubnaan ayaa sheegay in weeraradu "Ey halis galiyeen xasiloonida jilicsan ee la dhisayey tan iyo bishii November ee sanadkii hore" waxayna ugu baaqeen Israa'iil "iney ka fogaato weeraro kale oo ey si buuxda uga baxdo dhulka Lubnaan." Israa’iil ayaa marar badan duqeymo ka geysatay dalka Lubnaan inkastoo xabbad joojin ey dhacday bishii November taasoo la doonayay in lagu soo afjaro colaadda ey kula jirtay Ururka Xisbullah in ka badan hal sano. Ciidamada Lubnaan ayaa sheegay in weeraradii Khamiista ey Israa’iil ka dhigeen “xadgudubyo” xabbad-joojin ah 4,500, iyagoo intaa ku daray iney caqabad ku yihiin dadaallada hubka looga dhigayo Xisbullah. Cadaadiska Mareykanka, Beyrut ayaa ku amartay ciidamada Lubnaan iney dejiyaan qorshe hubka looga dhigayo kooxda ey taageerto Iran ee ku sugan deegaanada u dhow xadka Isra’iil dhamaadka sanadka. Wasiirka arrimaha dibadda Youssef Raggi ayaa todobaadkii hore sheegay in ciidamada Lubnaan ey si buuxda hubka uga dhigi doonaan Ururka Xisbullah ee u dhow xadka muddo saddex bilood gudahood ah.

ISHA-AN.

CIIDAMADDA SURIYA OO SOO QABTAY TUHMANE BAXSAD AHAA.

(SAWIRKA)-TUHMANE XUSEEN.

(LONDON)-Wararka laga helaayo dalka Suuriya ayaa sheegaayo in Maamulka Suuriya uu xiray tuhmane lala xiriirinayo weerar baabuur oo dhacay sannadkii 2020 kana dhacay magaalada Sajo, oo u dhow Cazaz ee Waqooyiga Suuriya, kaasoo ey ku dhinteen shan eyna ku dhaawacmeen 85-qof oo kale. Taliska Nabad Suggida ee Magaalada Xalab, ayaa wuxuu shaaca ka qaaday iney gacanta ku dhigeen Xuseen Xaaji Mowas, oo ka yimid tuulada Maraan oo ka tirsan baadiyaha Xalab. Saraakiishu waxay sheegeen inuu isku soo ekeysiiyay Dumar soona lebbistay dharka dheddigga isagoo isku dayaya inuu baxsado waxaane la xiray Khamiista maanta ah. Sida ey sheegtay Wasaaradda Arrimaha Gudaha, Mowas waxa uu Qaraxaas ku beddeshay lacag, waxaana uu shaqadiisa darawalnimo u isticmaalay hub iyo agabka mamnuuca ah. Qaraxii ka dhacay Saajo bishii Luulyo 2020 ayaa waxaa ku dhintay ugu yaraan shan qof, waxaana ku dhaawacmay 85 kale. Tan iyo markii la riday nidaamka Bashaar Asad bishii December ee la soo dhaafay, xukuumadda cusub ee Dimishiq waxay xirtay dhowr tuhmaneyaal iyo dembiilayaal, oo ey ku jiraan saraakiil ciidan, kuwaasoo loo haysto dambiyo ey galeen intii ey socdeen dagaallada sokeeye ee dalkaas.

XIGASHO-AN.

XUUTIYINTA OO FULIYEY WEERAR KHASAARA BA’AN GAARSIIYEY ISRA’IIL.

(SAWIRKA)-BURBURKA HUTEELKA EILAT.

(EILAT/ISRAEL)-Wararka laga helaayo Isra’iil ayaa sheegaayo in Diyaarad Drone ah oo ka soo duushay dalka Yemen ey Khamiista maanta ah ku Qaraxday meel u dhow albaabka Huteel ku yaala magaalada Eilat ee Koonfurta Isra’iil, sida ey sheegtay warbaahinta Isra’iil. Warbaahinta rasmiga ah ee Israa’iil ayaa sheegtay in diyaarad aan duuliye lahayn oo laga soo tuuray Yemen ey ku Qaraxday albaabka Huteelka Eilat, iyadoo aan la ogeyn khasaaraha ka dhashay. Dhanka kale, wargeyska Israa’iil laga leeyahay ee “Israel Hayom” ayaa sheegay in Huteelka ey ku Qaraxday diyaarada aan duuliyaha lahayn lagu magacaabo “Jacob”. Wargeyska gaarka ah ayaa sheegay in Qaraxa Drone-ka uu "Geystay khasaare nafeed." Sida laga soo xigtay wargeyska sida gaarka ah loo leeyahay ee Yedioth Ahronoth, bilaabashada socodku waxa ey sababtay in dhawaaqa seeriga hawada laga maqlo magaalada Eilat. Dhankooda, ciidamada Isra’iil ayaa bayaan ey soo saareen ku sheegay in "Diyaarad aan duuliye lahayn oo dhanka bari ka soo duushay ey ku burburtay deegaanka Eilat, kooxaha gurmadkana ey ka shaqaynayaan aagga." Dhanka kale, Raadiyaha Ciidanka Israa’iil ayaa ku dhawaaqay in Ciidanka Cirka ey qabteen diyaarad labaad oo aan duuliyaha lahayn iyo gantaal. Milateriga Israa’iil ayaa Khamiista maanta ah ku dhawaaqay iney qabteen gantaal laga soo tuuray Yemen, ka dib markii ey booliisku sheegeen in diyaarad aan duuliye lahayn oo ka soo duushay bariga ey duqeysay magaalada Koonfureed ee Eilat. Ciidanka ayaa bayaan ey soo saareen ku yiri “Ciidanka cirku waxay qabteen gantaal laga soo tuuray Yemen wax yar ka hor, taasoo qeylo dhaan ka soo yeertay meelo badan oo dalka ka tirsan”. Booliiska Israa'iil ayaa horay u xaqiijiyay in shaqaalahooda ey "xaqiijiyeen goobta saameynta" diyaarad Drone ah oo laga soo riday bariga magaalada Eilat ee badda cas. War kale oo ka soo baxay ciidanka ayaa lagu sheegay in “Kooxaha baadigoobka iyo samatabbixinta ey ka hawlgalayaan goobtii laga helay warbixinta shilka diyaaradeed”, iyagoo xusay in ciidamada cirku ey qabteen diyaarad labaad oo aan duuliye lahayn oo dhinaca bari ka timid. Warbaahinta maxalliga ah ayaa baahisay muuqaal muujinaya diyaarad Drone ah oo ku soo dhacday meel u dhow albaabka laga galo Huteel ku yaal magaalo xeebeedkaas oo ah goob dalxiis oo ey u dalxiis tagaan dad aad u tiro badan oo Israa’iiliyiin ah, si ey ugu tagaan fasaxa sanadka cusub ee Yahuudda oo billaabanaysa maalmaha soo socda.

XUUTIYIINTA OO SHEEGTAY WEERARAKA ISRA’IIL":

Kooxda Xuuthiyiinta ayaa fiidnimadii Khamiista sheegtay in “ay fuliyeen saddex hawlgal oo militeri, kuwaasoo mid ka mid ah lala beegsaday bartilmaameedka xasaasiga ah ee millatariga Israa’iil ee degaanka Jaffa ee la haysto ee Falastiiniyiinta 2 hypersonic ballistic missile, halka labada hawlgal ee kale lala beegsaday bartilmaameedyada deegaannada Umm al-Rashrash iyo Bir al-Sabca oo ey wateen afar diyaaradood.

ISHA-AA.

DALKA LIIBIYA OO BILAABAY ISKU SHAANDHEYN XAGA CIIDAMADA AH.

(SAWIRKA)-RW-DEBEYBAH.

(TRIPOLI)-Wararka laga helaayo caasimadda dalka Liibiya ee Tripoli ayaa sheegaayo in Raysal Wasaaraha Xukuumadda Midnimada Qaran ee Liibiya, Abdulxamid Dbeybah, ayaa Arbacada maanta ah qaaday tallaabooyin cusub oo uu dib ugu soo celinayo dhismaha Muceytaqiyah ee gacanta dowladdiisa, ka dib markii ey gacanta ku haysay sannado badan Hay'adaha ka hortagga iyo la-dagaalanka dambiyada iyo Argagixisada. Talaabadan ayaa ku soo beegantay iyadoo qayb ka ah fulinta heshiiskii amniga ee ey labada dhinac kala saxiixdeen. Heshiiska ayaa dhigaya in ciidamada “Xoogaga ka hortaga” laga saaro Garoonka Muceyteyqah, iyadoo guuto dhex dhexaad ah oo xiriir la leh Golaha Madaxtooyada ey la wareegeen Ammaanka Garoonka. Maamulka Xabsiga Muceyteyqah iyo Xabsiyo kale oo dhowr ah ayaa loo kala wareejin doonaa Wasaaradaha Cadaaladda iyo Booliska, iyadoo sidoo kale loo magacaabi doono Taliyaha cusub ee Booliska, shaqsi la isku raacsan yahay, iyo in shaqsiyaadka la baadigoobayo lagu wareejiyo Xafiiska Xeer Ilaalinta.

DHISMAHA LABA GUDI:

Sida ku cad heshiiska, Dbeybah waxa uu go'aansaday Arbacadia maanta ah inuu dhiso laba guddi. Midka koowaad waxa uu ku dhamayn doonaa kala qaybinta Garoonka rayidka ee Muceyteyqah iyo Saldhigga Milatariga Muceyteyqah muddo hal toddobaad gudaheed ah, halka kan labaadna uu la wareegi doono Xabsiyada Muceyteyqah iyo Ceyni Zaarah ee caasimadda Tripoli, lana tirin doono Maxaabiista, laguna wareejin doono Wasaaradda Caddaaladda. Sidaas si la mid ah, Sareeye Gaas AbdulFataax Dabuub, oo uu u magacaabay Dbeybah, ayaa Arbacada maanta ah si rasmi ah ula wareegay xilkiisa Taliyaha Ciidanka Booliska, inkastoo uu khilaaf ka dhashay arrinta u dhaxeeya isaga iyo Guddoomiyaha Golaha Madaxtooyada Maxamed Menfi, oo cid kale u xil saaray iney hogaamiso Ciidanka.

GALKA TUHMOOYINKA:

Waxaa xusid mudan in dhismaha Muceyteyqah oo ey ka mid yihiin Garoonka diyaaradaha,isbitaalka ciidamada iyo Xabsiga, ey muddo sanado ah gacanta ku hayeen ciidamada difaaca, kuwaasoo dhaleecayn gudaha iyo dibadda ah kala kulmayay xaaladda Maxaabiista. Xiriirka dhismahan ayaa waxa ey noqotay arin tuhun badan oo halgan ku jirta saamaynta ey ku yeelanayaan hay’adaha amaanka iyo kuwa milatariga ee caasimada Tripoli.

XIGASHO-AA.

CIIDAMADDA DAWLADDA YEMEN OO QABTAY HUB U SOCDAY XUUTIYIINTA.

(SAWIRKA)-HUB LAGU QABTAY YEMEN.

(YEMEN)-Wararka laga helaayo dalka Yemen ayaa sheegaayo in Xubin ka tirsan Golaha Hoggaaminta Madaxweynaha, Dhaariq Saalax, iyo Wasiirka Difaaca, Sareeye Guud Muxsin AL-Daaciri, ayaa booqday bandhigga "Shixnad 750", oo ey ku jiraan nuucyo hubkii ugu waa weyn ee lagu soo sameeyey Iran kaaso dhawaan la qabtay, waxa uuna gaaraya 750-tan. Booqashadan ayaa daaha ka rogtay faahfaahino khatar ah, iyadoo khubarada Injineernimada milateriga ee ka tirsan iska caabinta Qaranka ey dib u eegis ku sameeyeen waxa ku jira shixnadda, oo ey ku jiraan Hubka Gantaallada Riddada Dheer iyo kuwa Gaaban, Diyaaradaha wax lagu weeraro iyo kuwa Sahanka, kuwa Basaaska iyo kuwa Ilaalada, marka lagu daro rasaas casri ah iyo qalab ciidan. Wasiirka Difaaca ayaa xaqiijiyay in dhammaan walxaha la qabtay ey muujinayaan tilmaamo cad oo muujinaya Warshadaha militariga Iran, isaga oo amaanay dadaalka tayada leh ee ey sameeyeen iska caabinta Qaranka ee daah-furka caddaymahan kama dambaysta ah ee xiriirka tooska ah ee u dhexeeya Xuutiyiinta iyo Tehran, taas oo daaha ka qaadaysa sheegashadooda ah in ey leeyihiin awoodaha wax soo saarka milatari ee maxalliga ah. Sareeya Guud AL-Daaciri waxa kale oo uu muujiyay sida uu ugu faraxsan yahay doorka muhiimka ah ee ey ciidamada iska caabinta qaranku ka qaateen iska hor imaadka ciidamada ilaalada kacaanka Iran ee hubka sharci darrada ah ku soo galiyay dalka Yemen, isagoo carabka ku adkeeyay in guulahani ey xoojinayaan dadaallada qaran ee dagaalka masiiriga ah ee lagula jiro maleeshiyaadka Xuutiyiinta.

ISHA-XARAF28.

GOBOLKA SUWEYDA EE SURIYA OO LOO DHISAY CIIDAMO GAAR AH.

(SAWIRKA)-CIIDAMADA AMAANKA SURIYA.

(SYRIA)-Wararka ka imaanayo dalka Suriya ayaa sheegaayo in Taliyaha ciidamada Ammaanka Gudaha ee magaalada Sweyda ee Koonfurta Suuriya, Sareeye Guuto Xisaam AL-Dhaxaan, ayaa Talaadadii ku dhawaaqay in go’aan lagu gaaray in dib u habeyn lagu sameeyo Ciidamada Ammaanka ee Gobolka iyo magacaabista kaaliyeyaasha. Waxa uu sharaxay in ka qayb qaadashada dadka degan SweYda ee xilalka hogaaminta Ey gacan ka gaysanayso in dadka degaanka iney ku soo laabtaan tuulooyinkii ey ka soo barakaceen, isaga oo intaa ku daray, "Waxaan marqaati ka nahay bilawga bilow cusub oo lagu xalinayo arinta gobolka Sweyda." Waxa uu intaa ku daray, "Waxaa jira xiriir lala yeesho hay'adaha adeegga si loo keeno cunto iyo shidaal iyada oo ujeedadu tahay soo celinta nolosha gobolka." Arrintan ayaa timid ka dib markii Wasiirka Arrimaha Dibadda ee Suuriya Ascad AL-Sheybaani uu ku dhawaaqay qorshe cad oo loo maro Gobolka Koonfureed ee Sweyda.

KA BIXITAANKA DAGAALYAHANADA TAYIDKA AH:

Wasaaradda Arrimaha Dibadda ee Suuriya ayaa sharaxday in shuruudaha ey ka mid yihiin ka bixitaanka dhammaan dagaalyahannada rayidka ah ee xuduudka Sweyda, in la geeyo ciidammo asluubaysan goobihii ey baneeyeen, iyo hirgelinta mashruuc qaran oo diiradda saaraya midnimada, kala-duwanaanta, iyo sinnaanta. Waxa kale oo ey ku dhawaaqday heshiis ey kula shaqaynayso Washington, Amman, iyo Sweyda qaybaheeda ku saabsan xilliga kala guurka ah ee horseedaya is-dhexgalka, marka lagu daro samaynta boolis maxalli ah oo ka kooban dhammaan qaybaha oo uu hoggaamiyo qof ka socda gobolka. Waxay intaas ku dartay in heshiiska uu sidoo kale ka mid yahay in la sameeyo gole deegaan oo ka kooban dhammaan qaybaha iyadoo ujeedadu tahay in la gaaro dib u heshiisiin qaran. Sweyda waxa ey goob joog ka ahayd iska horimaadyo rabshado wata oo socday muddo toddobaad ah oo bilaabmaya Luulyo 13, kaasoo dhex maray dagaalyahannada Druze iyo qabaa'ilka Bedwiyin. Ciidamada ammaanka ee dowladda ayaa soo farageliyay si ey u hakiyaan isku dhacyada, halka ku dhawaad ​​200,000 oo qof ey ku barakaceen iskahorimaadka, sida ey sheegtay Qaramada Midoobay. Si kastaba ha ahaatee, tan iyo 19-kii Luulyo, gobolku waxa uu goob joog ka ahaa xabbad-joojin ka dib isku dhacyo uu dhiig badani ku daatay oo ey ku dhinteen boqolaal qof, iyada oo ey bilaabatay dib u laabashada dadka barakacay.

ISHA-AA.

ISRA’IIL OO BILAWDAY INEY BURBURISO DHISMAYAAL DHAADHEER.

(SAWIRKA)-DHIMAYAAL LA BURBURIYEY.

(GAZA)-Wararka laga helaayo Marinka Gaza ee dhulka reer Falastiin ayaa sheegaayo in ciidamada Isra’iil ey balaariyeen howlgalada dhulka ee magaalada Gaza, ayaa wariye ka tirsan Tv-ga AL-Carabiya waxa uu soo sheegay in duqeymaha Isra’iil ey la beegsadeen daarta AL-Daafir 5 ee magaalada Tel AL-Hawa ee Koonfurta magaalada Gaza. Ciidamada Isra’iil ayaa burburiyay dhowr dhismo oo ku yaala magaalada Gaza maalmihii la soo dhaafay, sida daarta AL-Susi, Tower Mushtaahi, iyo taawarada la dego iyo kuwa Ganacsiga ee AL-Ru'uya. Milatarigu waxa uu sheegay in ey doonayaan in ey “xoojiyaan weeraradooda bartilmaameedka ah si loo waxyeeleeyo kaabayaasha dhaqaalaha ee Xamaas loona yareeyo khatarta ciidamadooda”.

“TALAABADDA AASAASIGA AH EE DHANKA MAGAALADDA GAZA”:

“Waxa aan xalay bilownay waa tallaabadii ugu horeysay ee ugu weyn ee loo qaado magaalada Gaza,” ayuu yiri sarkaal ka tirsan ciidamada Israa’iil oo la hadlay warbaahinta, isagoo xusay in ciidamadu ey ku qiyaaseen in 2,000 illaa 3,000 oo dagaalyahannada Xamaas ah ey ku sugan yihiin magaalada. Waxa uu xaqiijiyay in ciidamada ey ku sii siqayaan bartamaha magaalada oo dhowrkii toddobaad ee la soo dhaafay ey Israa’iil duqeymo xooggan ka geysaneysay. Waxa uu sidoo kale sharaxay, "Taliska koonfureed wuxuu ballaariyay hawlgalka dhulka ee Hamas ee ugu weyn ee magaalada Gaza." Dhankiisa, Wasiirka Difaaca Israa’iil, Yisrael Katz ayaa sheegay in magaalada Gaza ey “gubanayso,” isagoo xusay in ciidamadu ey gacan bir ah ku hayaan kaabayaasha Argagixisada, askartuna waxay si geesinimo leh ugu dagaallamayaan si ey u abuuraan shuruudo lagu sii dayn karo la haystayaasha iyo jabinta Xamaas. Ma joojin doonno ama dib uga noqon mayno illaa aan ka dhabeyno hadafkeenna. Inta badan magaalada Gaza ayaa laga dhigay burbur, ka dib duqeymaha ey Israa’iil ka geysanayso ku dhawaad ​​laba sano, sida ey sheegtay wakaaladda wararka ee France Press. Xiisadan ayaa timid iyadoo guddi Madax-banaan oo caalami ah oo baaritaanno ah oo Qaramada Midoobay ey ku eedeeyeen Israa’iil iney "xasuuq" ka geysatay Marinka Gaza intii lagu jiray dagaalkii ka billowday weerarkii Xamaas ee Oktoobar 7, 2023. Waa markii ugu horreysay oo guddi noocan oo kale ah uu soo gabagabeeyo in Israa'iil ey geysanayso xasuuq. Xoghayaha guud ee Qaramada Midoobay António Guterres ayaa sheegay in Israa’iil ey ka go’an tahay “inay waddo ilaa dhammaad” ololaheeda millatari ee Gaza oo eysan u furneyn wadahadallo nabadeed oo dhab ah. Ololaha militariga Israa’iil ee Gaza ayaa waxaa ku dhintay ugu yaraan 64,964 qof, oo u badan dad rayid ah, sida laga soo xigtay tirokoobyada Wasaaradda Caafimaadka ee Xamaas ey maamusho, oo Qaramada Midoobay ey u aragto in la isku haleyn karo.

ISHA-AA.

SHIRKII DOOXA OO LAGA SOO WAR SAXAAFADEED AAD U CULUS.

(SAWIRKA)-MADAXDA CARABTA IYO ISLAAMKA.

(DOHA)-Bayaanka kama dambaysta ah ee Shir Madaxeedka Carabta iyo Islaamka ayaa lagu xaqiijiyay in "gardarrada Israa'iil ee arxan-darrada ah" ee ka dhanka ah Dawladda Qatar, iyo sii wadida dhaqamada gardarrada ah ee Isra’iil, oo ey ku jiraan dembiyada Xasuuqa, Nadiifinta Qowmiyadaha, Gaajada, Xannibaadda, Hawlaha Dejinta, iyo Siyaasadaha is ballaarinta, waxay wiiqayaan fursadaha lagu gaaro nabadda gobolka. Sidoo kale, War-saxaafadeedka ayaa lagu sheegay in dowladda Qatar ey si buuxda ula garab taagan tahay gardarradan, taasoo ka dhigan gardarrada ka dhanka ah dalalka Carabta iyo Islaamka oo dhan, eyna ka taageerto dowladda Qatar dhammaan tillaabooyinka iyo tallaabooyinka ey qaadayso si ey uga jawaabto gardarradan khiyaanada leh ee Israa'iil, si ey u ilaaliso Ammaankeeda, Madax-bannaanideeda, Xasilloonida, iyo badbaadada Muwaadiniinteeda iyo dadka deggan dhulkeeda, iyadoo la raacayo waxa ey Qaramada Midoobay u dammaanad qaadayso. Waxa kale oo uu si adag u cambaareeyay weerarkii fulaynimada ahaa ee sharci darrada ahaa ee ey Israa’iil ku qaadday xaafad la deggan yahay oo ku taal caasimadda Qatar ee Dooxa, oo ey ku jiraan dhismayaal la deggan yahay oo dawladdu u qoondaysay iney martigeliso wufuud wada xaajood ah oo qayb ka ah dadaallada dhexdhexaadinta ee dhinacyada badan leh ee ey dawladda Qatar samaysay, marka lagu daro tiro Dugsiyo, Xanaano, iyo Xafiisyo Diblomaasiyadeed. Weerarkan ayaa waxaa ku shahiiday dad uu ku jiro muwaadin u dhashay dalka Qatar, waxaana ku dhaawacmay tiro dad ah oo shacab ah. Isla macnaha guud, bayaanku wuxuu xaqiijiyay diidmada qayaxan ee isku-dayga lagu doonayo in lagu caddeeyo gardarradan iyada oo la adeegsanayo marmarsiiyo kasta, iyada oo ku nuuxnuuxsatay in ey ka dhigan tahay xadgudub cad oo ka dhan ah Sharciga Caalamiga ah iyo Axdiga Qaramada Midoobay, oo si toos ah looga golleeyahay in lagu wiiqo dadaallada jira iyo dhexdhexaadinta looga golleeyahay in lagu joojiyo gardarrada Marinka Gaza, iyo in la joojiyo dadaallada Siyaasadeed ee lagu doonayo in lagu soo afjaro duullaanka. soo afjarida dhibaatada ey ku hayaan shacabka Falastiin, waxayna ilaalinayaan xuquuqdooda sharciga ah iyo kuwa aan la leexsan karin. Bayaanka kama dambaysta ah ayaa sidoo kale si cad u diidaya hanjabaadaha soo noqnoqday ee Isra’iil ee ku wajahan Qatar mar kale, ama waddan kasta oo Carab ah ama Islaami ah, iyada oo loo arko iney yihiin daandaansi khatar ah iyo kicin khatar ku ah nabadda iyo Ammaanka Caalamiga ah. Waxay sidoo kale u soo jeedinaysaa beesha caalamka iney si adag u cambaareeyaan oo ey qaadaan tallaabooyin ka hortag ah oo lagu joojinayo. Hogaamiyayaasha oo shir deg deg ah ku yeeshay magaalada Dooxa ee dalka Qatar ayaa shir madaxeedkii Carabta iyo Islaamka ee deg dega ahaa waxay isla qaateen in weerarkan uu yahay gardaro qaawan oo ka dhan ah dawlad Carbeed iyo mid Islaami ah, oo xubin ka ah Qaramada Midoobay, iyo xiisad khatar ah oo daaha ka qaadaysa gardarada xagjirnimada ah ee dawladda Israa’iil, isla markaana sii kordhinaysa dambiyada ay galayso oo khatar ku ah nabadda iyo ammaanka gobolka iyo caalamkaba. Sidoo kale, Madaxdii shirka isugu timid waxay soo dhaweeyeen go’aankii ka soo baxay Golaha Jaamacadda Carabta ee heer Wasiir ee “Aragtida Wadajirka ah ee Amniga iyo Iskaashiga Gobolka”, iyagoo ku nuux-nuux saday in xaaladdan ey tahay fikradda amniga guud iyo masiirka guud ee dalalka Carabta iyo Islaamka, loona baahan yahay in la midoobo, lagana hortago caqabadaha iyo khataraha ey wadaagaan. Marka laga soo tago muhiimadda ey leedahay in la bilaabo horumarinta hababka fulinta ee lagama maarmaanka ah ee arrintan, iyada oo xoogga la saarayo xaqiiqda ah in wax kasta oo xaddidaad ah oo loogu talagalay habaynta gobolka mustaqbalka waa in ey tixgeliyaan ilaalinta mabaadi'da sharciga caalamiga ah iyo Axdiga Qaramada Midoobay, xiriirka deris wanaagga, ixtiraamka Madax-bannaanida dawladaha, faragelin la'aanta arrimaha gudaha ee wadamada gobolka, sinaanta iyada oo aan loo eegin xuquuqda iyo waajibaadka kale ee gobolka, sinnaan la'aanta xuquuqda iyo waajibaadka kale in xoog loo adeegsado, iyada oo ey lama huraan tahay in la soo afjaro gumaysiga Israa’iil ee dhammaan dhulalka Carabta, in la dhiso dawlad falastiiniyiin ah 4-tii June 1967-kii, lagana xoreeyo Bariga Dhexe hubka Nukliyeerka ah iyo hubka kale ee wax gumaada.

WAXYEELEYNTA HABKA DHEXDHEXAADINTA:

Bayaanka ayaa ku celceliyay in gardaradan lagu hayo dhulka Qatar oo ah dal u adeegaya dhexdhexaadiyaha muhiimka ah ee dadaallada lagu xaqiijinayo xabbad joojinta, soo afjaridda dagaalka Gaza, iyo sii deynta la Haystayaasha iyo Maxaabiista ey tahay koror halis ah iyo weerar lagu qaaday dadaallada diblomaasiyadeed ee lagu soo celinayo nabadda. Waxay xustay in gardaradan, oo lala beegsaday goob dhexdhexaadin ah, eysan ahayn oo kaliya ku xad-gudbida Madax-bannaanida Dawladda Qatar, laakiin sidoo kale waxay wiiqaysaa dhexdhexaadinta caalamiga ah iyo geeddi-socodka nabadda, iyo in Israa'iil ey si buuxda u qaadato mas'uuliyadda weerarka. Qodobada ugu cad cad ee qoraalkan ka soo baxay waxaa ka mid ahaa Ammaanta ilbaxnimada, Xigmadda iyo Xilkasnimada leh ee ey dawladda Qatar ka qaadatay weerarkan “khiyaanada ah” iyo sida ey uga go’an tahay qodobbada qaanuunka caalamiga ah, waxayna ku adkaysanaysaa iney dhawrto Madax-bannaanideeda iyo Ammaankeeda, kuna difaacdo xuquuqdeeda si kasta oo sharciga waafaqsan. Waxa kale oo ey taageertaa dadaallada ey sameeyeen waddamada ciyaaraya doorka dhexdhexaadinta, oo ey ugu horreeyaan dawladda Qatar, Masar, Maraykanka, si loo joojiyo gardarrada marinka Gaza. Sidoo kale, wuxuu ku celceliyay doorka wax ku oolka ah ee Dowladda Qatar ey ku taameyso, dadaallada lagu ammaanayo ee ey ka geysatay dhinaca dhexdhexaadinta iyo saameynta wanaagsan ee ka dhalatay taageerada dadaallada lagu yagleelayo Amniga, Xasilloonida iyo Nabadda. Wuxuu kaloo bogaadiyay dadaallada kala duwan ee Dowladda Qatar ey ku tallaabsatay heer gobol iyo heer caalami, gaar ahaan dhinacyada gargaarka bini’aadantinimo iyo taageerada waxbarashada ee dalalka soo koraya iyo kuwa saboolka ah, sidaas darteedna ey sare ugu qaadayaan mowqifkooda ah xisbi firfircoon iyo taageere nabadda iyo horumarka heer gobol iyo heer caalami. Dhanka kale, Bayaanka ayaa sidoo kale ku nuux-nuux saday in Bariga Dhexe aan lagu gaari doonin nabad waarta oo cadaalad ah, loo dhan yahay, iyo in la hareer maro qadiyadda Falastiin ama la isku dayo in la iska indho tiro xuquuqda dadka reer Falastiin. Waxa kale oo ey soo dhawaysay ansixinta Golaha loo dhan yahay ee Qaramada Midoobay ee Bayaanka New York ee ku saabsan hirgelinta xalka labada dawladood iyo samaynta dawlad Madax-bannaan oo Falastiiniyiin ah, taas oo si cad u muujinaysa rabitaanka caalamiga ah ee lagu taageerayo xuquuqda sharciga ah ee dadka reer Falastiin, oo ey ugu horreyso xaqa ey u leeyihiin iney dhistaan ​​waddankooda Madax-bannaan ee ku aaddan 4-tii Juun 1967, oo Bariga Quddus ey tahay caasimaddeeda. Waxay kaloo bogaadisay dadaallada ey sameeyeen Boqortooyada Sacuudi Carabiya iyo Jamhuuriyadda Faransiiska, kuuwaaso gacan ka geystay qaadashada baaqan. Waxaase dhacday arrin dadka eysan ogayn oo ah in Hogaamiyeyaasha Imaaraatka Carabta, Baxreyn iyo Marooko oo saxiixay heshiiska Abraham ee lagu Aqoonsaday Isra’iil shan sano ka hor ayaan ka qeybgelin shirkii maanta ka dhacay Dooxa,waxa eyna direen wakiilo sar sare. Bayaanka ayaa sidoo kale ku booriyey dalalka Xubnaha ka ah Ururka Jaamicadda Carabta iyo Ururka Iskashiga Islaamka iney isku duba ridaan dadaaladda lagu doonaayo in lagu hakiyo Xubinimada Isra’iil ee Qaramada Midoobe.

XIGASHO-AL-CARABIYA.

ISRA’IIL OO DUQEYN KA GEYSATAY KOONFURTA LUBNAAN.

(SAWIRKA)-GAARIGA LA DUQEEYEY.

(BEIRUT)-Wasaaradda caafimaadka ee Lubnaan ayaa sheegtay in hal qof lagu dilay Axada maanta ah weerar ey Israa'iil ka geysatay Koonfurta dalkaas, halkaasoo Israa'iil ey inta badan beegsato Ururka Xisbullah. "Weerar ey cadawga Israa'iil ku qaadeen baabuur ku sugnaa magaalada Burj Qalawiyah ayaa dilay hal qof," ayey Wasaaraddu ku sheegtay bayaan ey soo saartay. Jimcihii, Wasaaraddu waxay sheegtay in hal qof lagu dilay weerar ey Israa'iil ka geysatay magaalada Caytaruun, oo sidoo kale ku taal Koonfurta Lubnaan. Milateriga Israa’iil ayaa sii waday duqeymaha Kooxda ey Iiraan taageerto ee Xisbullah inkastoo xabbad joojin la sameeyay bishii November ee la soo dhaafay taasoo soo afjartay in ka badan hal sano oo colaad u dhexeysay. Cadaadiska uga imaanaya Mareykanka iyo cabsida laga qabo iney sii kordhaan duqeymaha Isra’iil, dowladda Lubnaan ayaa hadda u dhaqaaqday iney hubka ka dhigto Ururka Xisbullah. Kooxdan oo markii hore gacanta ku haysay Siyaasadda Lubnaan oo loo haystay iney ka hubaysnaayeen milateriga, ayaa waxaa aad u wiiqay dagaalka ey kula jiraan Israa’iil. Sida laga soo xigtay Beyrut, ciidamada Lubnaan waa in ey ku dhameeyaan hub ka dhigista kooxda Xisbullah ee ku sugan deegaannada u dhow xadka Israa’iil muddo saddex bilood gudahood ah.

XIGASHO-AL-ARABIYA.