WASAARADDA DIFAACA SURIYA OO BAAREYSA WIXII KA DHACAY SWEYDA.

(SAWIRKA)BAR KOONTAROOL SURIYA.

(SYRIA)-Wasiirka Difaaca Suuriya Murhaf Abu Qasra ayaa ku nuuxnuuxsaday Talaadada maanta ah in aan loo dulqaadan doonin cid kasta oo xadgudub ka geysatay koonfurta magaalada Sweyda , xitaa haddii ey xiriir la leeyihiin Wasaaradda Difaaca. Agaasinka Warbaahinta iyo Isgaarsiinta ee Wasaaradda Gaashaandhigga ayaa ku dhawaaqay in Wasaaradda oo uu wakiil ka yahay Abu Qasra ey daba gal ku sameeyeen warbixinnada ku saabsan "Xadgudubyo naxdin leh oo halis ah oo koox aan la garaneyn oo xiran dareeska ciidamada ey ka geysteen magaalada Sweyda." Agaasinka Warfaafinta iyo Isgaarsiinta ee Wasaaradda Difaaca Suuriya ayaa sidoo kale bayaan uu soo saaray ku sheegay in lagu daabacay akoonka X ee Wasaaradda in "Iyada oo laga duulayo awaamiirta adag ee Wasaaraddu soo saartay ee mamnuucaya in qaab kasta oo aan xiriir la lahayn ey soo galaan aagga howlgallada militari, waxaa la sameeyay guddi si ey ula socdaan xadgudubyada ka dhacay magaalada Sweyda oo baaritaan ku sameeya xiriirka iyo asalka shaqsiyaadka geystay." Waxay intaas ku dartay in ciqaabta ugu badan lagu soo rogi doono shaqsiyaadka xadgudubyada ka geystay magaalada Sweyda , marka la aqoonsado.

"HAWLAHA AARGOOSIGA"

Waaxda Warfaafinta iyo Isgaarsiinta ee Wasaaradda Difaaca Suuriya ayaa sidoo kale intaa ku dartay in Abu Qasra uu si toos ah ula socon doono baaritaannada ey wadaan Guddiga Xadgudubyada Milateriga. Waxay sii wadataa: "Waxaan ku xaqiijinay hadaladii hore in dhowr kooxood oo goboleed ey joogeen magaalada Sweyda oo ey ka fuliyeen hawlgallo Aargoosi ah." Waxay hadalkeeda ku soo gabagabaysay, "Baaritaannada waxaa ka mid noqon doona qof kasta oo ka mid ah warbixinnada naxdinta leh iyo kuwa naxdinta leh, waxaana natiijada la soo bandhigi doonaa marka ey dhammaato shaqada guddiga."

DEGANAAN BUUXDA IYO IS DHAAFSI MAXAABIIS:

Ilaha ammaanka ee Suuriya ayaa daaha ka qaaday horaantii Talaadada maanta ah in heshiiskii xabad joojinta ee Sweyda laga hirgaliyay inta badan aagagga iyadoo eysan jirin wax xadgudub ah.

ISHA-AA.