WAR CUSUB OO KA SOO KORDHAY NINKII DILKA KA GEYSTAY….
(SAWIRKA)-ILAALADDA QARANKA EE MATAYKANKA.
(WASHINGTON)-Xoghayaha Amniga Gudaha ee Mareykanka Kristi Noem ayaa Axada maanta ah ku dhawaaqday in mas’uuliyiinta wadankeeda ay rumeysan yihiin in soogalootiga Afgaanistaan ah ee lagu eedeeyay in uu weerar gaadmo ah ku qaaday laba xubnood oo ka tirsan Ilaalada Qaranka ee Washington, D.C., uu noqday mid xagjir ah ka dib markii uu yimid Mareykanka. Noem waxay ku dartay NBC in mas'uuliyiintu ay rumeysan yihiin in Rahmanullah Lakkanwal, oo ah qofka toogashada lagu tuhunsan yahay, uu horay ugu noolaa Gobolka Washington markii uu noqday xagjir. Waxay intaas ku dartay in baarayaashu ay raadinayaan macluumaad dheeraad ah xubnaha qoyskiisa iyo kuwa kale, iyadoo leh: "Waxaan aaminsanahay inuu noqday xagjir ka dib markii uu yimid waddankan (Mareykanka) ... Waxaan aaminsanahay in tani lagu sameeyay xiriirkiisa bulshada maxalliga ah iyo gobolka (Washington), waxaana sii wadi doonaa inaan la hadlo kuwa isaga ku xiran ee qoyskiisa."
CODSIYADDA MEGENGALYADDA MA LA HAKIN DOONAA MUDDO DHEER?
Dhankiisa, Madaxweyne Donald Trump ayaa saxafiyiinta u daaha ka qaaday hawada Air Force One in maamulkiisu uu joojin karo qabashada codsiyada magangalyada ee Maraykanka muddo dheer. Isagoo hadalkiisa sii wata ayuu yiri: "Ma jiro waqti xaddidan, laakiin waxay qaadan kartaa waqti dheer, waxaan haysanaa dhibaatooyin nagu filan, ma rabno dadkan." Waxaa xusid mudan in mas’uuliyiinta ay shaaciyeen in Lakanwal (29 jir, oo ka shaqeynayay cutub ay taageerto CIA-da Mareykanka ee Afgaanistaan) uu yahay tuhmanaha toogashada ka dhacday Arbacadii la soo dhaafay dhowr baloog oo ka tirsan Aqalka Cad taasoo keentay dhimashada haweeney ka tirsan Ciidanka Qaranka iyo dhaawac halis ah oo soo gaaray mid kale. Dhacdadan ka dib, maamulka Trump ayaa farta ku fiiqay in baadhis la’aan lagu sameeyay dadka reer Afgaanistaan iyo ajaaniibta kale intii uu xilka hayay Madaxweynihii hore ee Joe Biden, inkastoo Lakanwall uu magangelyo ka helay Trump, sida ay sheegtay Wakaaladda Wararka ee Reuters. Waxa uu soo galay Maraykanka 2021-kii, taas oo qayb ka ahayd daadgureyntii tirada badnaa ee ay fuliyeen maamulka Biden ee Afgaanistaan oo gacan siinayay ciidamada Maraykanka intii lagu jiray dagaalkii labaatanka sano ahaa ee Afgaanistaan ka dib markii Taliban ay la wareegeen awoodda. Maamulka Trump ayaa magangelyo siisay bishii Abriil, sida ku cad dacwad dawladda.
XIGASHO-AA.
