TAHRIIBAYAAL LAGA SOO BADBAADIYEY XEEBAHA DALKA MURITAANIYA.
(SAWIRKA)-DOON SIDA MUHAAJIRIIN AFRIKAAN AH.
(MAURITANIA)-Ugu yaraan 75 tahriibayaal ah oo ka yimid Galbeedka Afrika ayaa laga soo badbaadiyay Xeebaha dalka Muritaaniya ka dib markii doonidii ey la socdeen ey cilad ka soo gaaray Matoorka horaantii bishan. Markabka ey wateen ayaa mar horeba halis ugu jiray inuu quuso/dego markii ey soo direen baaq murugo leh.
Wasaaradda Kalluumeysiga ee Muritaniya ayaa u sheegtay wakaaladda wararka ee France Press (AFP) in ugu yaraan 75 qof oo Afrika Galbeed ah ey saarnaayeen doon yar oo matoor ah, taasoo " qarka u saarneed iney degto," markii ey ciidamada ammaanku soo dhexgaleen oo badbaadiyeen muhaajiriinta. Doontan ayaa la sheegay iney ka soo shiraacatay magaalada Kamsar ee dalka Guinea 15-kii bishaan Luuliyo, iyadoo rajada muuqata ey ka qabto iney gaarto Jasiiradaha Canary ee dalka Spain, taasoo ku taal in ka badan 2,000 oo kilomitir dhanka Waqooyi. Wasaaradda Kalluumeysiga ee Muritaaniya ayaa sheegtay in matoorka doonta uu ku ciladoobay gudaha badda, taasoo keentay in dadka rakaabka ah ey waday kuwa hadda socda muddo labo maalmood ah ka hor intaysan soo saarin qaylo-dhaan. Markab ka ag dhawaa ayaa soo farageliyay sida ey sheegayaan wararka AFP si loo badbaadiyo nafta qof walba. Waxay markii dambe ku wareejiyeen rakaabkii ilaalada xeebaha Muritaaniya. Kooxdan oo ka kooban ugu yaraan 75 muhaajiriin ah ayaa ku haray dalka Mauritania Axadii (July 27). Ilaha Guinea ayaa dhanka kale sheegay in tirada dhabta ah ee rakaabka ee saarneyd markabkan ciladeysan ey kor u dhaaftay 100-qof oo ey ku jiraan rakaab ka kala yimid Guinea, Senegal iyo Gambia oo ku safrayay doonta xilliga ey la socotay.
JIDKA BADDA EE TAHRIIBAYAASHA UGU KHATAR BADAN:
Tobanaan kun oo muhaajiriin ah ayaa weli isku dayaya iney doonyo ku gaaraan Midowga Yurub, iyadoo qaar badan oo ka mid ah ey safarro badda ka soo galeen Waqooyiga iyo Galbeedka Afrika iyagoo rajo ka qaba iney gaaraan dalka Isbeeyn. Kumanaan, si kastaba ha ahaatee, ayaa dhintay intii lagu jiray isku daygaas sannadihii la soo dhaafay gaar ahaan jidka caanka ah ee Jasiiradaha Isbaanishka ee Jasiiradaha Canary, oo ku taallo Badweynta Atlaantigga. Sida laga soo xigtay NGO-ga Isbaanishka ee Caminando Fronteras, in ka badan 10,000 oo qof ayaa ku dhintay badda iyagoo isku dayaya iney gaaraan dalka Isbeeyn 2024. Qiyaasta hay'adaha kale, oo ey ku jiraan Hay'adda Socdaalka Qaramada Midoobay ee IOM Mashruuca Muhaajiriinta maqan ayaa aad uga hooseeya, laakiin waxay ku tiirsan yihiin oo kaliya tirinta meydadka la helay, ama la xaqiijiyay warbixinnada kuwa maqan. Waxay qirteen in dad badan ey waayi doonaan oo ey dhiman doonaan iyadoon cidina ka warhayn iney markii hore badda ku soo degeen. Qiyaasta Caminando Fronteras waxay ka dhigan tahay ku dhawaad rubuc ka mid ah 46,800 muhaajiriin Afrikaan ah oo si guul leh ku yimid Jasiiradaha Canary 2024, sida lagu sheegay tirooyinka rasmiga ah. Bilihii la soo dhaafay, Muritaaniya ayaa noqotay meesha keliya oo ey ka dhoofaan muhaajiriinta ka tagaya Galbeedka Afrika.
ISHA-IM.
