RW-KU-XIGEENKA SOOMAALIYA JIBRIIL OO SI RASMI AH ISAGA CELIYEY BAASBOORKA KENYA.

(MUUQAALKA)-RW-JIBRIIL.

(MUQDISHO/SOMALIA)-Raysal Wasaare Ku-xigeenka Labaad ee Soomaaliya ayaa ku dhawaaqay inuu si iskiis ah ugu celiyey Dowladda Kenya baasaboorkii Kenya ee horay loo siiyey. Wuxuu sheegay in baasaboorkaasi uu ahaa dukumenti safar oo si sharci ah loo bixiyey, isla markaana si waafaqsan shuruucda iyo habraacyada Kenya loo helay loona isticmaalay. Raysal Wasaare Ku-xigeenka ayaa sheegay in go’aanka uu ku celiyey baasaboorka uu yahay tallaabo maamul oo uu isagu si ikhtiyaari ah u qaaday, ayna jirin khilaaf ama codsi uga yimid hay’ad dowladeed oo ku qasbay. Wuxuu sidoo kale uga mahadceliyey Dowladda iyo shacabka Kenya taageerada iyo martigelinta ay muddo dheer u fidiyeen Soomaalida, isagoo xusay in xiriirka iyo saaxiibtinimada labada dal uu muhiim yahay. Mas’uulkan ayaa caddeeyey in xilka uu hayo uu ka dhigayo inuu si buuxda ugu heellan yahay Jamhuuriyadda Federaalka Soomaaliya, isagoo sheegay in celinta baasaboorka Kenya ay qayb ka tahay dadaalkiisa ku aaddan in si cad loo qeexo doorkiisa iyo mas’uuliyadda uu u hayo Soomaaliya. Ugu dambeyn, wuxuu sheegay inuu weli si weyn u ixtiraamayo Kenya iyo hay’adaha dowladdeeda, isla markaana uu ka shaqeyn doono xoojinta xiriirka taariikhiga ah ee Soomaaliya iyo Kenya. RW-Jibriil ayaa dalka Kenya ku galay Baasboor Kenyaan ah taariikhdu markeey ahayd June-24-2026 waxaane dalka Soomaaliya dib loogu soo celiyey taarokhdu markeey ahayd June-25-2026-ka maalin uun ka dib markii uu gaaray garoonka caalamiga ah ee Jomo Kenyatta.

ISHA-GJ.