NIN GAARI DAD JIIRSIIYEY WAQOOYIGA FARANSIISAKA.

(SAWIRKA)-POLCE-KA FARANSIISKA.

(PARIS)-Wararka laga helaayo dalka Faransiiska ayaa sheegaayo in Nin uu si ula kac ah baabuurkiisa ugu dardarsiiyey dad badan oo ku sugnaa bannaanka Baar khamriga laga cabo oo ku yaalo Waqooyiga dalka Faransiiska ka dib markii uu gacan ka hadal ka dhacay subaxnimadii Sabtida, halkaasoo uu ku dilay hal qof shan kalena uu ku dhaawacay, sida ey dacwad oogayaasha u sheegeen Wakaaladda Wararka ee AFP. Dhacdadan ayaa ka dhacday magaalada Evreux ee Gobolka Normandy ee Waqooyiga Faransiiska abaarihii 4:00 subaxnimo ee maanta oo Sabti ah. Baaritaan ayaa la furay ah dil iyo isku day dil, sida ey sheegeen dacwad oogayaasha, kuwaasoo meesha ka saaray in falkaan xiriir la leeyahay "Argagixiso" ama ujeeddooyin cunsuriyadeed. "Nasiib darrose, khasaaruhu aad buu u culus yahay," ayuu yiri Xeer ilaaliyaha Guud ee Evreux Remi Coutin. Hal nin ayaa ku dhintay goobta, ayuu raaciyay, Shan qof oo kalane waa ey ku dhaawacantay, labo ka mid ahna xaaladooda waa halis. Coutin waxa uu sheegay in "Ey isku dhaceen" gabadh yar iyo rag dhawr ah. Shaqaalaha baarka ayaa soo galbiyay dhammaan macaamiishii bannaanka, ayuu yiri xeer ilaaliyaha. "Hal qof ayaa aaday halka gaarigu yiilay si uu baabuurka u soo qaato" wuxuuna "si ula kac ah ugu rogay xawli sare oo uu ku galay dadkii badnaa ee ka soo baxay dhismaha", Coutin ayaa raaciyay hadalkiisa, isagoo sheegay in dhacdadan ey sii korortay oo ey ku dhammaatay masiibo aad u xun. Arrinkan ayaa loo soo qabtay Labo nin iyo haweeney waxaane la dhigay Xabsiga.

ISHA-AA.