DAWLAD GOBOLEEDKA WAQOOYI-BARI OO DOORTAY MADAXWEYNE IYO KU XIGEEN.
(SAWIRKA)-MADAXDA WAQOOYI BARI SOOMAALIYA.
(MUQDISHO)-Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa hambalyo u diray Madaxweyne Cabdulqaadir Axmed Aw-cali(Firdhiye) iyo Madaxweyne Ku-xigeen Cabdirishiid Yuusuf Jibriil oo loo doortay Hoggaaminta Dowlad-goboleedka Waqooyi Bari Soomaaliya. Madaxweynaha oo bogaadiyey bisaylka ey muujiyeen Xildhibaannada, Guddoonka iyo Musharraxiinta Madaxtinimada ee ku loollamay Dawlad Goboleedka Waqooyi Bari Soomaaliya ayaa Alle uga rajeeyey Hoggaanka la doortay inuu u fududeeyo gudashada masuuliyadda culus ee hortaalla. “Waxaan u rajeynayaa Madaxweyne Cabdulqaadir Axmed Aw-cali iyo Ku-xigeenkiisa Mudane Cabdirishiid Yuusuf Jibriil inuu ka yeelo hoggaan mideeya bulshada Waqooyi Bari, kana shaqeeya nabadda, horumarka iyo dowladnimada. Dowladda Federaalka Soomaaliya waxay diyaar u tahay iney garab istaagto Dowlad-goboleedka si wadajir loogu xaqiijiyo dhammaystirka Federaaleynta”. Madaxweynaha Jamhuuriyadda ayaa ku adkeeyey bulshada iyo hogaanka cusub ee Dowlad-Goboleedka Waqooyi Bari iney adkeeyaan midnimada, wadajirka iyo iskaashiga, si looga gudbo caqabadaha jira loona gaaro horumar waara. Madaxweyne C/qaadir Firdhiye ayaa ninkii la tartamaayey kaga adkaaday 62-cod,halka Madaxweyne Ku-xigeenka lagu doortay nidaam gacan taag ah,maamul aWaqooyi-Bari Soomaaliya ayaa ka kooba Goboladda Sool ey caasimadiisu tahay Laascaanood iyo Gobolka Sanaag ey caasimadiisu tahay Ceerigaabo. Waa Dawlad Goboleed dib u helay xuquuqdiisii Dastuuriga ahayd ee uu u baahnaay waayo Dastuurka DFS ee KMG ah ayaa dhigaayo in wixii ka badan laba gobol ey noqon karaanDawlad Goboleed ka tirsan DFS. DG Puntland iyo Somaliland ayey arrinkaan dhabar jab xoogan ku tahay waayo shacabka dega labadaan gobol ayaa loo qeybiyey maamuladda Puntland iyo Somaliland,wax kastane waxa ey u soo mari jireen maamuladaas balse hadda waxa ey noqon doonaan kuw aiyaga la siman lehne xuquuq u dhiganta.
ISHA-SNTV.
