MARAYKANKA OO DHIMAAYO SHAQAALAHA KA HAWLGALO…
(SAWIRKA)-SAFAARADDA MARAYKANKA EE CIRAAQ.
(WASHINGTON)-Mareykanka ayaa ku amray shaqaalaha dheeraadka ah ee ka howlgala Xafiisyadooda Diblumaasiyadeed ee Ciraaq iyo Lubnaan iney isaga baxaan dalalkaas, iyadoo Washington ey Axaddii duqeymo ka geysatay Xarumaha Nukliyeerka ee Iran. Shaqaale diblomaasiyadeed oo dheeri ah ayaa Ciraaq ka dhoofay Sabtidii iyo Axaddii taasoo qayb ka ah dadaallada socda ee lagu dhimayo shaqaalaha safaaradda "xasaradaha gobolka," sarkaal Mareykan ah ayaa u sheegay AFP, ka dib markii hore loo dhimay. Dhanka Lubnaan, Safaaradda Mareykanka ayaa sheegtay in Wasaaradda arrimaha dibadda ey amartay Axaddii in xubnaha qoyska iyo shaqaalaha aan deg dega ahayn ee dowladda Mareykanka ey bexeen. Sarkaalka Maraykanka ah ayaa sheegay in dhimashadu ey qayb ka tahay dadaalkayaga socda ee lagu hagaajinayo hawlgallada, shaqaale dheeraad ah ayaa ka ambabaxay Ciraaq 21-kii iyo 22-kii June. Ka bixitaankii Ciraaq waxay ahayd sii socoshada hannaan soo billowday usbuucii hore "taxaddar badan awgeed iyo xiisadaha gobolka oo sii kordhay," ayuu raaciyay.
SAFAARADDA IYO QUNSULIYADDA AYAA WELI SII SHAQEYNAYA:
Horaantii Axadii, Washington waxay ku biirtay dagaalka Isra’iil ey kula jirto Tehraan iyadoo Madaxweyne Donald Trump uu ku dhawaaqay duqaymaha Mareykanka ee xarumaha Nukliyeerka ee Iran. Dalka Iran ayaa ku hanjabtay iney beegsan doonto saldhigyada ciidamada Mareykanka ee gobolka, haddii uu dagaal dhaco. Waxaa sii kordhaya cabsida laga qabo Ciraaq iney suurtagal tahay iney faragelin ku sameeyaan kooxo hubeysan oo Iran taageerto, kuwaas oo u hanjabay danaha Washington ee gobolka haddii ey ku biirto Isra’iil dagaalka ey kula jirto Iran. Ciraaq, oo sannado badan ku guda jirtay dhaqdhaqaaq dheellitiran oo jilicsan oo u dhexeeya xulafadeeda, Tehran iyo Washington, waxay muddo dheer ahayd dhul barwaaqo ah oo lagu dagaallamo wakiillada. Axadii, dawladda Ciraaq waxay ka digtay "walaaca qotoda dheer iyo cambaaraynta xooggan ee bartilmaameedka xarumaha nukliyeerka" ee Iran, afhayeen u hadlay Basim AL-Cawadi ayaa yiri. "Kordhinta militariga waxay ka dhigan tahay khatar weyn oo ku wajahan nabadda iyo ammaanka Bariga Dhexe waxayna halis weyn ku tahay xasilloonida gobolka," ayuu raaciyay. AL-Cawadi waxa uu ka digay in "Sii socoshada weerarada noocan oo kale ah ey khatar gelinayso kororka khatarta ah iyo cawaaqib xumada ka baxsan xuduudaha waddan kasta." Lubnaan, bayaan lagu daabacay bogga Safaaradda Mareykanka ayaa lagu yiri “22-kii Juun, 2025, Waaxda Arrimaha Dibadda ee Mareykanka waxay amartay in xubnaha qoyska iyo shaqaalaha aan deg dega ahayn ee dowladda Mareykanka ey ka baxaan Lubnaan sababo la xiriira xaaladda ammaan ee aan xasilloonayn oo aan la saadaalin karin ee gobolka.” Washington waxay leedahay la-talin ah "ha u safrin" Dalka Lubnaan, halkaasoo ey taageerto Tehran oo Hezbollah ey la kulantay dharbaaxo culus iska horimaadkii ugu dambeeyay ee Isra’iil sannadkii hore. Hezbollah ma aysan sheegin wax rabitaan ah oo ey ku doonayso iney faragelin militari ku sameyso dhanka Iran, laakiin Madaxa Ururka Naciim Qaasim ayaa todobaadkii hore sheegay in kooxdu ey u dhaqmi doonto "sida aan u aragno xaalka."
ISHA-AA.
