ALSHABAAB OO LAGU HALAAGAY DEGAANKA BURJEED.
(SAWIRKA)-CIIDAMADDA XOOGA DALKA SOOMAALIYEED.
(BAYDHABO)-Ciidanka Xoogga dalka Soomaaliyeed ayaa guulo la taaban karo ka gaaray AL-Shabaab subaxnimadii hore ee Axadda, ka dib markii ey iska caabiyeen weerar lama filaan ah oo ey ku qaadeen meel u dhow Baydhabo, sida ey xaqiijiyeen saraakiisha. Weerarka oo waabarigii hore dhacay ayaa lala beegsaday tuulada Burjeed oo dhowr kiilo mitir dhanka bari kaga beegan magaalada Baydhabo ee xarunta kumeel gaarka ah ee maamulka Koonfur Galbeed, ayaa waxaa jawaab deg deg ah oo sababtay dhimasho iyo dhaawac ey ALshabaab kala kulmeen cutubyo ka tirsan ciidanka XDS oo horay loogu sii sheegay in ALshabaab ku soo fool leeyahay. Ciidanka Xoogga dalka Soomaaliyeed oo leh sirdoon lagu kalsoonaan karo, ayaa ka hortagay weerar qorsheysan oo AL-Shabaab ey ku doonayeen iney ku galaan Burjeed. Saraakiisha Ciidamada Xoogga Dalka oo goobta ku sugnaa ayaa horkacayay difaacyada, iyadoo ey taageerayaan cutubyo ka tirsan ciidamada sida deg dega ah u gurmaday oo fariisimo ka sameystay hareeraha Baydhabo. Sida ey sheegeen saraakiisha ciidamada, dagaalyahannada AL-Shabaab ayaa saaka waabarigii ku soo dhawaaday tuulada, iyagoo doonaya iney la wareegaan gacan ku heynta deegaanka. Si kastaba ha ahaatee , ciidamada oo filaya in weerarka lagu soo qaado, ayaa waxay sameysteen dhufeysyo kuwa adag ah, waxayna qaadeen weerar rogaal celis ah, isla markii ey maleeshiyada soo gaareen. Iska horimaadka ayaa waxaa ku dhintay tobaneeyo ka tirsan AL-Shabaab, iyadoo aan la xaqiijin karin khasaaraha soo gaaray ciidamada dowladda xilliga uu soo baxay. Ciidanka XDS ayaa hadda wada howlgalo lagu baacsanayo haraadiga kooxda nabad-diidka ah ee ku sugan dhulka miyiga ah ee ku xeeran. Weerarku wuxuu billowday wax yar ka hor waaberiga Juun 23, 2025, iyadoo hawlgallada ka hortagga ah ey socdeen subaxdii oo dhan. Dagaalka ayaa ka dhacay deegaanka Burjeed, oo ah deegaan yar oo istiraatiiji ah oo ku yaala duleedka bari ee magaalada Baydhabo, halkaasi oo ey ku soo badanayeen dhaq dhaqaaqa maleeshiyooyinka bilihii la soo dhaafay, iyadoo AL-Shabaab ey isku dayeyso iney dib u soo celishadaan gacan ku heynta wadooyinka gobolka iyo dadka reer miyiga ah. Falanqeeyayaasha ayaa rumeysan in weerarka AL-Shabaab uu qeyb ka yahay dadaallo ballaaran oo lagu doonayo in lagu qalqal geliyo magaalada Baydhabo iyo deegaanada ku dhow dhow, oo weli ah xarun muhiim u ah ciidamada dowladda Federaalka, isla markaana xarun u ah isku xirka bini’aadantinimada iyo siyaasadda ee maamulka Koonfur Galbeed. Kooxda waxa soo gaaray khasaare weyn oo dhuleed sanadkii la soo dhaafay, weerarada goosgooska ah ee sidaan oo kale ah waxa ey ka dhigan yihiin quus iyo xeelad dagaal oo lagu ilaalinayo dagaalka. Jawaabta deg dega ah ee XDS ayaa suurta galisay xogo sirdoon oo horudhac ah, taasoo hoosta ka xariiqday wada shaqaynta sii kordhaysa ee ka dhaxaysa ciidamada iyo bulshada deegaanka kuwaasoo inta badan masuuliyiinta u sheega khataraha soo socda. Saraakiisha ayaa sheegay in weerarka gaadmada ah loo fuliyay si sax ah , iyadoo la isku haleeyay labada ciidan ee lugta iyo kuwa guurguura oo si deg deg ah uga soo baxay mintidiinta. War qoraal ah oo ka soo baxay sarkaal sare ayaa lagu sheegay in guushani ey daliil cad u tahay in mawjado ka dhan ah AL-Shabaab ey ka wadaan gobolka Baay. Magaalada Baydhabo ayaa in muddo ahayd goob dagaal oo ey dowladda Federaalka Soomaaliya kula jirto AL-Shabaab. Inkastoo marar badan ey kooxdu isku dayday iney cabsi ku abuurto oo ey khalkhal galiyaan maamulka, gobolku waxa uu si joogto ah isaga caabiyay xakamaynta maleeshiyada, taas oo ey ugu wacan tahay wada shaqaynta ka dhaxaysa ciidamada XDS, ciidamada dawladda iyo saaxiibada caalamiga ah. Guusha maanta laga gaaray Burjeed ayaa ka tarjumeysa isbedel ballaaran oo dhanka xawliga ah iyadoo ciidamada Soomaaliya ey sii wadaan soo celinta dhulalka iyo soo celinta maamulkii dowladnimo ee dhulka miyiga ah.
ISHA-DALSAN.
