ISRA’IIL OO WEERAR QORSHEYSAN KU DISHAY HOGAAMIYE XUUTI AH.

(SAWIRKA)-SANCA-YEMEN.

(SANA’A)-Wararka laga helaayo caasimadda Jamhuuriya Yemen ee Sanca ayaa sheegaayo in Wasaaradda Gaashaandhigga ee Xukuumadda Afgambiga ee aan caalamiga ahayn ee Xuutiyiinta ayaa waqti yar ka hor waxa ey hadashay wararka sheegaya in Hoggaamiyeyaasha Xuutiyiinta lagu bartilmaameedsaday magaalada Sanca intii uu socday duullaanka dhinaca cirka ah ey Israa’iil ku qaadday caasimadda galabnimada maanta ah. Wakaalladda Wararka Saba ee Xuutiyiinta oo soo xiganeysa ilo ey ku tilmaameen “Illo ka tirsan Wasaaradda Gaashaandhigga” ayaa xaqiijisay in wararkaasi ey yihiin kuwo been abuur ah. Ilahan ayaa yiri “Waxa dhacaya waa beegsiga goobo rayidka ah iyo in la bar tilmaameedsado guud ahaan dadka Yemen, sababtoo ah mowqifkooda taageerada ah ee Gaza, oo lagu hayo xasuuq iyo gaajo taaso adduunyo oo dhan uu arkaayo maqlaayane”. Ilaha militariga Xuutiyiinta ayaa ku tilmaamay wareega cusub ee weerarada dhinaca cirka ah ee Isra’iil uu yahay mid "fashil ku dhacay sidii kuwii ka horeeyey" wuxuuna sheegay in wax uu ku tilmaamay hawlgalada lagu taageerayo Gaza iyo iska caabinta "ma joogsan doonaan ilaa duulaanka uu joogsado, lagana qaado go'doominta Gaza. " Ciidanka Gumeysiga Isra’iil ayaa ku dhawaaqay wax yar ka hor iney fuliyeen wax ey ku tilmaameen "duqeymo sax ah" oo ey ku sheegeen iney yihiin "duqeymo toos ah oo cirka ah" oo ey ku sheegeen iney duqeeyeen goob militari oo Yemen ah. Wasiirka difaaca Israa’iil Israel Katz ayaa sheegay in hawlgalkani uu jawaab u yahay hanjabaado hore uga imanayey kooxdaasi, waxaanu yiri “Sidii aanu hore uga digaynay Xuutiyiinta waxaanu ka jari doonaa gacan kasta oo u fidsan Israa’iil”. Sida uu sheegay. Dhankeeda, maamulka Warbaahinta Israa’iil ayaa shaaca ka qaaday in bartilmaameedka weerarku uu ahaa “Hoggaanka sare ee milatariga xuutiyiinta oo uu ku jiro Madaxa guud ee ciidamada,” howlgal lagu tilmaamay mid tayo leh oo ka hortag ah. Telefishinka Channel 12 oo soo xiganaya ilo wareedyo dhanka ammaanka ah ayaa sheegay in duqeynta lala beegsaday tiro ka mid ah Hogaamiyayaasha siyaasadda iyo ciidamada xilli ey ku shirsanaayeen goobta la beegsaday. Warbaahinta Isra’iil ayaa shaaca ka qaaday in qorshaha dilka la ansixiyay horaantii isbuucaan, iyadoo ogolaansho laga helay Wasiirka Difaaca Katz, Taliyaha Ciidamada Zamir, iyo taliska ciidamada, halka Raysal Wasaare Benjamin Netanyahu uu faahfaahin ka siiyay amniga "khadka cas". Telefishinka Channel 14 ayaa sheegay in tiro ka mid ah Hogaamiyaasha Xuutiyiinta ey ku sugnaayeen gudaha goobta xilliga uu weerarku dhacayay, halka ilo-wareedyo ka tirsan militariga Israa'iil ey sheegeen in howlgalkan uu qeyb ka ahaa mowjado hore oo weeraro ah, waxaane uu yimid ka dib isku dubarid Sirdoon oo si heer sare ah loo soo agaasimay, loona fuliyey siduu ahaa. Dhinaca kale,wararka ey baahinayaan warbaahinta Isra’iil ayaa sheegaayo in weerarka Isra’iil ee maanta uu hadafku ahaa in lagu dilo Hogaamiyaha Xuutiyiinta Yemen Cabdul-Malik AL-xuuti waqti uu jeedinaayey khudbad si toos ah uga bexeysay Tv-ga ey maamulaan Xuutiyiinta ee AL-Masiirah ee magaaladda Sanca. Tv-ga SKY ee London ayaa isagan soo sheegay in goobta la beegsaday ey ahayd Madaxtooyadda Sanca iyo xero Mileteri ey Xuutiyiintu ku leeyihiin magaaladda Sanca. Baraha Bulshada ey ku kulmaan Yemeniyiinta ku sugan gudaha dalka Yemen ayaa soo qoraay in weerarka Isra’iil lala beegsaday Hogaamiyeyaal sare kan tirsan Hogaanka Xuutiyiinta uuna ka mid yahay NASRUDIIN CAAMIR.

ISHA-SUUQBACAAD MEDIA/YEMEN.

Next
Next

RW-XAMSE CABDI BARRE OO KHUDBAD TAARIIKHI AH KA JEEDIYEY…