DIYAARADDA AMERICAN AIRLINE OO LOOGA SHAKIYEY IN…
(SAWIRKA)-SHIRKADA DIYAARADAHA MARAYKANKA.
(ROME)-Diyaarad ey leedahay Shirkadda American Airlines oo ka soo duushay New York kuna socotay New Delhi ayaa loo weeciyay Rome galabnimadii Axadda ka dib "cabsi bam oo lagu eedeeyay", ayuu yiri afhayeen u hadlay Garoonka Diyaaradaha ee Talyaaniga. Diyaaradaan oo fadhigeedu yahay dalka Maraykanka ayaan wax tafaasiil ah ka bixin nooca waxa uu ku tilmaamay "Walaac dhanka Ammaanka ah oo suurtagal ah" oo saarnaa diyaarada siday 199 rakaab ah iyo shaqaalihii diyaarada, taasoo ey galbinayeen laba diyaaradood oo Talyaani ah ka hor inta eysan soo degin. "Diyaaraddu waxay si nabad ah ugu degtay garoonka FCO ee magaaladda caasimada ah ee Rome, waxeyna ciidamada Ammaanka ey kormeereen oo ey nadiifiyeen Diyaaradda si ey dib ugu ambabaxdo," ayaa lagu yiri bayaan ka soo baxay shirkadda American Airlines. Mahesh Kumar, oo ah lataliye dhanka IT-ga ah oo diyaaradda saaran, ayaa sheegay in duuliyuhu uu ku dhawaaqay u weecida Rome "sababo Ammaan" saddex saacadood ka hor inta uusan soo degin. “Qof walba wuu baqay, qof walba wuu aamusnaa oo wuxuu addeeci jiray Amarrada," 55-jirka Texas ka yimid ayaa u sheegay AFP. “Waxay naga codsadeen in aan fadhiisano oo aanan dhex mushaaxin inta ey diyaaradaha dagaalku nagu soo dhawaadeen,” ayuu yidhi Kumar, isaga oo intaa ku daray in booliska Talyaanigu ey rakaabka u galbiyeen si ey u baaro Ammaanka Garoonka markii ey soo degeen. Duulimaadka ayaa ka soo duulay Garoonka Caalamiga ah ee John F. Kennedy ee magaalada New York Sabtidii abbaare 8:11 pm wakhtiga maxaliga ah (01:11 GMT Axadii), sida uu sheegay raadraaca duulimaadka ee FlightAware. Waxa ey si xoog leh u rogtay iyada oo dul heehaabaysay badda Caspian, mareegaha ayaa muujiyay. Sarkaal ka tirsan shirkadda American Airlines ayaa sheegay in diyaaradda ey ku degtay Rome sababo la xiriira shurudaha hab-maamuuska Hindiya. "Arrinta suurtagalka ah waxaa lagu go'aamiyey in aan la aamini karin, laakiin sida uu dhigayo borotokoolka Garoonka DELHI, kormeer ayaa loo baahnaa ka hor inta uusan ka soo degin DELHI," ayuu yiri sarkaalka oo ka hadlayay magaciisa."Duullimadku waxa uu joogi doonaa FCO habeenkii si ey loogu oggolaato nasasho shaqaalaha loo baahan yahay ka hor inta eysan u sii wadin DELHI sida ugu dhakhsaha badan berri." Howlaha garoonka Rome ayaan wax saameyn ah ku yeelan dhacdada, afhayeen u hadlay Garoonka Diyaaradaha ee Talyaaniga ayaa sheegay. Maamulka Duulimaadyada Federaalka ee Mareykanka (FAA) ayaa xaqiijiyay in diyaaradda ey si nabad ah ku degtay "kadib markii shaqaalihii diyaaradda ey soo sheegeen arrin amni." American Airlines, oo ka mid ah diyaaradaha ugu waa weyn Mareykanka, waxay xarunteedu tahay Fort Worth, Texas. Shaqadeeda Caalamiga ah waxay u adeegtaa in ka badan 60 waddan, sida lagu sheegay website-ka shirkadda.
ISHA-RFI
