DEGMADA GAARIISA OO LA DAALAA DHECEYSO TAHRIIBINTA DHALLINYARADA.
(SAWIRKA)-XARUN WAXBARASHO.
(GARRISA/KENYA)-Iyada oo Degmada Gaarisa ey la daalaa dhacayso kor u kaca tahriibinta dhalinyarada reer Gaariisa ee Liibiya, NEP College of Health Sciences ayaa la soo galaysa jawaab xoog leh oo ah Waxbarasho iyo awood. Wacyigelin geesinimo leh oo usbuuca dhamaadkii, kuleejku waxa uu bilaabay olole lagu beegsanayo ardayda fasalka afaraad ee dugsiga Sare, iyada oo ujeedadu tahay in lagu qalabeeyo hagitaan shaqo, la-talin, iyo macluumaadka naf-badbaadinta ee ku saabsan khatarta ka Ganacsiga Dadka. Hindisaha, oo ey Hogaaminayaan Ardayda, Shaqaalaha, iyo Maamulka NEP, ayaa doonaya iney dhalinyarada Gaarisa ka fogeeyaan dhiig-miiratad oo ey u jiheeyaan xirfado daryeel caafimaad, halkaasoo ey maalin uun ugu adeegi karaan bulshadooda. Ololahan waxaa udub dhexaad u ah Safiya Sheekh Cumar oo ah Maareeyaha Kuliyada, oo Muxaadaro Qiiro leh u jeedisay ardayda wax ka barata dugsiga sare ee degmada iskuul wali la daalaa dhacaya la’aanta saddexdii arday ee fasalka labaad ee dugsiga sare, oo dhawaan la xaqiijiyay in loo tahriibiyay Liibiya. "Waxaad leedahay mustaqbal ifaya si aad u noqoto Kalkaaliyayaal, Dhakhaatiir, iyo Hoggaamiyeyaasha bulshadaada," ayey u sheegtay ardayda. "Ha u ogolaan kuwa wax tahriibiya iney mustaqbalkaaga xadaan. Feejignow, nabadgeli." Sophia ayaa ka digtay in dadka wax tahriibiya ey bartilmaansadaan ardayda jilicsan, iyaga oo ku sasabta balamo been abuur ah, ugu dambeyntiina madax furasho ka dalbadaan waalidiinta quustay”. "Waxaan ku luminayna Dhakhaatiirta mustaqbalka iyo Kalkaaliyayaasha mustaqbalka ee badda iyo qolalka lagu jirdilo ee Liibiya. Waalidiinta waxay iibinayaan wax kasta oo ey leeyihiin si ey carruurtooda dib ugu soo ceshadaan," ayay u tiri si qiiro leh. Wacyigelinta Kuleejka waxa ka mid ahaa safarro la hagayay oo lagu tagay Xarunta, Warbixino shaqo oo caafimaad, iyo fariin adag oo ka hortagga ka Ganacsiga. Ardayda ayaa sidoo kale wax lagu baray wacyiga HIV/AIDS-ka, ku xad-gudbida Maandooriyaha, iyo maaraynta walbahaarka arrimaha si qoto dheer ugu xiran baylahnimada dhalinyarada. Gabadha kalkaalisada ah ee sanadka saddexaad Agatha Sharllotte ayaa hogaaminaysay cashar ku saabsan kor u qaadida caafimaadka iyo fayoobida dhimirka, halka saaxiibkeed Yaasiin Maxamed uu ka warbixiyey waxbarashada HIV/AIDS ardayda soo booqatay. La-talinta cilmi-nafsiga Aamina Ciise waxay ku nuuxnuuxsatay asalka dhibaatada iney tahay la'aanta hagitaan xirfadeed. "Dhallinyaradani way jaahwareersan yihiin oo baylahda dugsiga sare ka bacdi, waa isla marka ey mukhalafiintu shaqo sameeyaan," ayey tiri. "Waa inaan siinaa ujeedo iyo waddo," ayay raacisay. Aamina ayaa sheegtay in Machadku uu hindisaha u fidin doono ardayda dhigata fasallada hoose. Macalinka dugsiga sare ee degmada Phineas Mwiringi oo ardayda la socday ayaa bogaadiyay hindisahaan, isagoo shaaca ka qaaday in dugsigiisa uu sidoo kale lumiyay ardaydii wax ka baraneysay tahriibinta. "Saddex ka mid ah ardaydayada faslka labaad ee dugsiga sare waligood dib uma soo laaban fasaxii ka dib, waxaan markii dambe ogaanay in loo tahriibiyay Liibiya, waalidkood hadda waxay ku nool yihiin riyo xun," ayuu yiri.
XIGAHSO-EV.
