DEG DEG: DENI IYO AXMED MADOOBE OO LOOGA YEERAY DALKA IMAARAATKA CARABTA.

(MUUQAALKA)-DENI IYO AXMED MADOOBE.

(NAIROBI/KENYA)-BREAKING NEWS:-Madaxweynaha Puntland Saciid Cabdullaahi Deni iyo Madaxweynaha Jubaland Axmed Madoobe, oo hadda ku sugan magaaladda Nayrobi ee dalka Kenya ayaa la filayaa inay u safraan magaaladda Abu Dhabi ee dalka Isutaga Imaaraatka Carabta si ay wadahadallo ula yeeshaan mas'uuliyiinta sare ee dalkaasi Imaaraadka Carabta oo ku saabsan Soomaaliya iyo xiriirka labada dhinac,booqashada la soo sheegay waxay ku soo beegantay iyadoo uu sii xumaanayo xiriirka Muqdisho iyo Abu Dhabi. Horraantii sanadkan, Dowladda Federaalka ayaa joojisay heshiisyo ay la gashay Imaaraadka oo ku saabsan dekedaha, iskaashiga amniga iyo difaaca, oo ay ku jiraan heshiisyo ku saabsan Bosaso iyo Kismaayo, iyadoo la tixraacayo walaacyada madaxbannaanida. Si kastaba ha ahaatee, Puntland iyo Jubaland waxay xiriir dhow la lahaayeen Abu Dhabi. Wadahadallada ayaa sidoo kale yimid iyadoo Deni iyo Madoobe ay weli isku khilaafsan yihiin DFS oo ku saabsan geeddi-socodka dastuurka iyo doorashada Soomaaliya, taasoo siinaysa shirarka Abu Dhabi muhiimad dheeraad ah iyadoo muranka siyaasadeed ee sii socda uu ka taagan yahay dalka. Hadaba labada masuul ee Soomaaliyeed maxaa laga filan karaa iney kala soo laabtaan dalka Isutaga Imaaraatka Carabta oo ey safarka u yihiin?

ISHA-DAILY SOMALIA.