DADKII FUDUDEEYEY WEERARKII HOTEL-KA DUSITD2 OO LA..
(SAWIRKA)-DUSITD2 HOTEL.
(NAIROBI)-Labo nin oo lala xiriiriyay weerarkii Argagixisanimo ee DusitD2 oo galaaftay nafta 21 qof laguna dhaawacay dhowr qof sanadka 2019 ayaa lagu helay dambi ah iney fududeeyeen weerar Argagixiso. Garsooraha Maxkamadda Sharciga ee Kahawa Diana Kavedza, ayaa mar ey soo saartay xukunkeeda waxa ey xustay in weerarka uu saameeyay Madax banaanida iyo Sharafta Kenyaanka. Waxay sheegtay in Kenyanku ey xasuusan yihiin xanuunka iyo khasaaraha eheladooda ka soo gaaray, xukunkiina ey isku dayday iney la hadasho dadkii ka badbaaday weerarka. Garsoore Kavedza ayaa mar uu xukunka ku ridayay Xuseen Maxamed Cabdille Cali iyo Maxamed Cabdi Cali waxa ey sheegtay iney jiraan cadeymo muujinaya in la fududeeyay weerarka. "Markii aan tixgeliyey caddaymaha i hor-yaalla, waxaan halkan ku helayaa labada eedaysane eedaysanayaasha ah iney fududeeyeen qorshayaashii iyo kuwii weeraray DusitD2. Maxkamaddu waxay xustay inkastoo uu markaas Cabdille Cali ahaa arday heerka 8-aad ah, haddana uu aqoon dheeraad ah u lahaa da'diisa isticmaalka iyo diiwaangelinta aqoonsiga. Kavedza ayaa intaa ku daray in aqoonsiga ey isticmaaleen eedaysanayaasha koowaad ey xiriir la leeyihiin weerarka Argagixisanimo. Intii ey xukuntay Maxamed Cabdi oo ah Eedeysanaha labaad, waxa ey Maxkamaddu sidoo kale sheegtay in uu isticmaalay SIM Card-ka lacagta lagu diri jiray si loogu fududeeyo Argagaxisada.Waxay intaas ku dartay in cadaymaha ay caddeeyeen markhaatiyadu wax kala beddelashada 836,000 Sh. Maxkamada ayaa sidoo kale sheegtay in kooxda weerarka geysatay ey ku sugnaayeen guriga Cabdi ka hor inta uusan weerarka dhicin. Maxamed Cabdi ayaa sidoo kale lagu helay dambiga been abuurka ah. Maxkamada ayaa sidoo kale xustay in mid ka mid ah eedeysanayaasha uu qirtay dambiga lagu soo oogay afar dacwadood ka dib markii uu aqbalay heshiis qirasho ah oo uu la galay xeer ilaalinta. Waxa ey Maxkamaddu xukuntay bishii Janaayo. Waxa uu qirtay in uu adeeg internet-ka u fidiyo qorshayaasha DusitD2 iyo weeraryahannada, isaga oo ku hadlay kaarka aqoonsiga been-abuurka ah iyo soo bandhigid been ah si uu u helo baasaboor. Bishii Abriil, Agaasimaha Xeer Ilaalinta (DPP) ayaa ku booriyay Maxkamadda iney xukunto labadan qof. Cabdille Cali iyo Maxamed Cabdi Cali ayaa si wada jir ah loogu eedeeyay iney maleegayeen fal dambiyeed ka hor imaanaya sharciga.
ISHA-EV.
