XUUTIYIINTA YEMEN OO DHUMIYEY DHUL ISTARAATIIJ AH EY HORAY HEYSTEEN.
(MUUQAALKA)-CIIDAMADDA DAWLADDA YEMEN.
(ADEN/YEMEN)-Ciidamada qalabka sida ee Yemen ayaa la wareegay magaalada Xays , oo koonfur-bari ka xigta Gobolka Xudeydah, taasoo qayb ka ah howlgallada milatari ee ka socda xeebta galbeed ee Yemen. Degmada Xays, oo ciidamada Yemen ay dhawaan ku dhawaaqeen inay si buuxda ula wareegeen gacan ku haynta, ayaa muhiimad istiraatiiji ah u leh xeebta galbeed, iyadoo la tixgelinayo meesha ay ku taal koonfur-bari ee Gobolka Xudeydah, oo ku taal wadada ugu weyn ee isku xirta goboladda Xudeydah iyo Ticis. Xays waxay ku taallaa goob saddex geesood ah una dhexeeysa, goboladda kala ah “Xudeydah, Ticis iyo Ibb”, waxaana isku xira shabakad ballaaran oo waddooyin waa weyn iyo kuwo labaad ah, taasoo ka dhigaysa meel muhiim u ah dhaqdhaqaaqyada militariga ee gobolka. Iyadoo waddo ay galbeed ka marto Xays una socoto magaalada AL-Khawkhah ee xeebta Badda Cas, waxay ku xirtaa koonfurta dhowr meelood oo ka tirsan Gobolka Ticiz, gaar ahaan AL-Barx, oo ah goob dagaal oo hadda jirta. Waddo kale ayaa ka baxda waddadan una gudubta Degmada Maqbanah, waqooyi-galbeed ee Ticiz, iyadoo dhex marta aagga Shamiir. Dhanka waqooyi, Xays waxaa ku xiran waddo weyn oo u socota degmada Al-Jaraxi, halkaasna waxaa looga gudbi karaa Zabiid, Beyt AL-Faqih iyo AL-Mansuriyah, iyadoo la gaaro aagga Kilo 16, oo ku taal albaabka bari ee laga galo magaalada Xudeydah. Jihada bari, shabakad waddooyin ah ayaa ka bilaabata Xays una socota degmada Jabal Ras, waxayna gaartaa meelaha ay ka tirsan tahay gobolka Ibb, taasoo magaalada siinaysa muhiimad dheeraad ah hawlgallada milatari iyo dhaqdhaqaaqyada u dhexeeya saddexda gobol.
SEDDEX DHIDIB OO HAWLGALLO AH:
Tan iyo markii ay dib ula wareegeen gacan ku haynta aaggaas, ciidamada qalabka sida ee Yemen waxay hawlgallo militari ka wadeen saddex geesood oo waa weyn. Dhinacii ugu horreeyay wuxuu u socdaa dhanka waqooyi ee degmada AL-Jaraxi, halka ciidamada qalabka sida ay xaqiijinayaan inay horumar sameeyeen oo ay la wareegeen aagga Bajil iyo meelaha dhaadheer ee Dabbaas oo ka soo horjeeda magaalada AL-Jaraxi, iyadoo lala kaashanayo dagaallo sababay dhimasho, dhaawac iyo maxaabiis maleeshiyaadka dhexdooda ah. Dhinac labaad, oo dhanka bari ah, wuxuu u janjeeraa degmada Jabal Ras iyo wadada AL-Cudayn-Ibb. Ciidamadu waxay sheegayaan inay xaqiijiyeen meelo ku dhow degmada Xays waxayna u dhaqaaqeen dhanka duleedka Jabal Ras iyo aagga Saqam ee degmada Maqbanah, halka dagaalku uu ku sii socdo jihadan. Dhanka kale, dhidibka saddexaad wuxuu u socdaa dhanka koonfureed, dhanka dhidibka AL-Barx, oo ah mid ka mid ah dhidibka dagaalka ugu caansan gobolka, iyadoo waddo is barbar socota ay u janjeerto dhanka degmada Maqbana, iyadoo dhex marta aagga Shamiir.
JOOGAGA SARE AL-MAQBANAH:
Aaggan, cutubyo wadajir ah oo ka tirsan ciidamada qalabka sida ee Yemen ayaa dagaallo ka wada gobollo dhowr ah, waxayna sheegayaan inay u dhaqaaqeen dhanka Saqam, Buuraha AL-Barashah, Dar AL-Qamuus, AL-Ramadi, AL-Qucaytiyah iyo AL-Macaabin, iyagoo gaaray AL-Dhuur iyo AL-Suwayharah oo ku yaal degmada Maqbanah. Buuraha Maqbana ayaa sii kordhaya muhiimad milatari oo dheeraad ah, maadaama maleeshiyaadku ay adeegsadaan qaar ka mid ah goobaha iyo dhufaysyada halkaas ku yaal si ay gantaallo iyo diyaarado aan duuliye lahayn ugu ridaan Mokha iyo deegaannada xeebta galbeed ee u dhexeeya Khokha ilaa Bab EL-Mandab. Ciidamada qalabka sida ee Yemen ayaa xaqiijiyay inay sii wadaan horumarka ay ka wadaan jiidan, iyagoo xusay inay ka shaqeynayaan sidii ay u qabsan lahaayeen goobo ay maleeshiyaadku ku jireen sannado badan, isla markaana ay u geysan lahaayeen khasaare bani'aadamnimo iyo mid maadi ah, halka xeebta galbeed ay sii waddo muhiimaddeeda oo ah meel ay isku xiraan gobollada Xuudeydah, Ticiz iyo Ibb.
