DAWLADDA LIBIY OO SHAN QOF U SOO XIRTAY WEERARO KA DHACAY TRIPOLI.
(MUUQAALKA)-CIIDAMADDA AMNIGA LIBIYA.
(TRIPOLI/LIBYA)-Mas'uuliyiinta galbeedka Liibiya ayaa xiray shan qof oo ay ku jiraan Ajaanib kuwaaso lug lahaa weerarro taxane ah oo loo adeegsaday diyaaradaha aan duuliyaha lahayn ay ka geysteen xarun weyn oo tamarta ah, sida ay sheegtay dowladda fadhigeedu yahay Tripoli Axadda maanta ah. Mas'uuliyiintu waxay sheegeen in kooxdu ay qayb ka ahayd "unug wax burburiya" oo sidoo kale qorsheynayay inay weeraraan xarun koronto oo ku yaal koonfurta Tripoli, iyo sidoo kale xarumo kale oo muhiim ah. Dowladdu waxay sheegtay in xarigga uu soo bandhigay "shirqool ballaaran" waxayna weerarrada ku tilmaantay inay qayb ka yihiin olole isku xiran. Bishii hore, kayd shidaal oo weyn oo ku yaal Zawiya ayaa dab qabsaday intii lagu jiray weerar diyaaradeed oo aan duuliye lahayn oo lagu qaaday xarun shidaal oo weyn oo u dhow Tripoli, sida ay sheegtay shirkadda saliidda ee dowladda Liibiya ee NOC. Kaydka shidaalka ayaa qayb ka ah warshadda labaad ee ugu weyn Liibiya, iyadoo leh awood sifeyn oo ah 120,000 oo fuusto maalintii. Weeraro kale oo diyaaradaha aan duuliyaha lahayn ayaa ka dambeeyay dhismaha Zawiya, kaasoo ku yaal qiyaastii 45 kiiloomitir (28 mayl) galbeedka Tripoli. Khamiistii, weerar kale oo lagu qaaday haamaha shidaalka ee ka baxsan Tripoli ayaa la fashiliyay, sida ay sheegtay NOC. Mas'uuliyiintu ma aysan aqoonsanin dadka la xiray iyo jinsiyadahooda. Liibiya waxay leedahay kaydka saliidda ugu badan Afrika laakiin waxaa hareeyay rabshado iyo xasillooni darro tan iyo markii la riday Mucammar Qaddafi sanadkii 2011. Laba dowladood ayaa hadda ku tartamaya awoodda: maamulka ay Qaramada Midoobay aqoonsan tahay ee Tripoli oo uu hoggaamiyo Ra'iisul Wasaare Cabdulxamid Dbeibah iyo mid ka soo horjeeda bariga oo uu taageerayo taliyaha militariga Khalifa Xaftar.
ISHA-AN.
