URURKA CAAFIMAADKA ADDUUNK EE WHO OO KA DIGAY CUDURKA…..

(SAWIRKA)-DADKA UU SOO RITAY DAACUUNKA EE DALKA YEMAN.

(YEMAN)-Wararka laga helaayo dalka Yeman ayaa sheegaayo in Yeman laga diiwaan geliyey in ka badan 87,000 xaaladood oo cusub oo ah Cudurka daacuun ah tan iyo bilowgii sanadkana 2025-ka. Ururka Caafimaadka Adduunku(WHI) wuxuu ku sheegay warbixinteeda "Global Epidemiological Update" in 87,566 looga shakisan yahay kiisaska Daacuunka iyo shuban biyoodka laga diiwaan geliyay Yemen intii u dhaxaysay Janaayo 1 iyo Oktoobar 26. Daacuun cusub oo ka dillaacay deegaannada Xuutiyiinta Yemen ka taliyaan...iyo digniin Qaramada Midoobay. Warbixintu waxa ay tilmaantay in dhimashada la xiriirta cudurka faafa ee Yemen ay gaadhay 237 xaaladood isla muddadaas, iyada oo la diiwaan geliyay heerka saddexaad ee dhimashada ugu badan caalamka oo dhan 260 dhimasho ah 100,000 caabuq, ka dib South Sudan (636) iyo Afghanistan (446). Sida laga soo xigtay xogta Hay'adda caafimaadka adduunka ee WHO, Yemen ayaa kaalinta labaad kaga jirta adduunka daacuunka dillaacay ka dib Afgaanistaan, oo diiwaangelisay 145,907 xaaladood oo cusub sannadkan. Warbixintu waxa ay tilmaantay in Yemen laga diiwaan geliyay heerka labaad ee ugu sarreeya heerka caabuqa daacuunka ee bariga Mediterranean-ka ka dib Afgaanistaan, iyo tirada labaad ee ugu badan ee dhimashada ka dib Sudan (1,704 dhimasho ah). Tirada guud ee kiisaska cusub ee gobolka tan iyo bilowgii sanadka waxay gaartay 329,208, iyadoo 2,022 ay dhinteen. Ururka Caafimaadka Adduunka ayaa shaaca ka qaaday in tirada looga shakisan yahay cudurka daacuunka iyo shuban biyoodka ee laga soo sheegay Yemen intii lagu jiray bishii Oktoobar ay gaareen 6,377 xaaladood oo cusub, waana heerka labaad ee ugu sarreeya caalamka marka laga reebo Afgaanistaan ​​(17,128 xaaladood). Tani waxay ka dhigan tahay 29% hoos u dhac marka loo eego bishii hore (Sebtembar), taas oo la diiwaangeliyay 8,929 xaaladood. Warbixinta ayaa lagu sheegay in dhimashada la xiriirta daacuunka ee Yemen bishii Oktoobar ay hoos u dhacday 52%, iyadoo la diiwaan geliyay 12 dhimasho ah halka 25 ay dhinteen bishii Sebtembar. Ururka Caafimaadka Adduunka ayaa xaqiijiyay in wadarta guud ee kiisaska la soo sheegay Janaayo 1 ilaa Oktoobar 26 ay gaarayaan 565,404 xaaladood oo cusub oo daacuun iyo shuban biyood ah oo ka dhacay 32 waddan oo ku kala yaalla shanta gobol ee WHO adduunka oo dhan, iyadoo 7.074 ey u dhinteen. Cudurka Daacuun Caloolka ayaa hadda fara ba’an waxa uu ku haayaa wadamadda Soomaaliya deriska la ah sida Yeman, Itoobiya iyo qeybo ka mid ah dhulka Kenya ee dhinaca Xuduuda ah,lama yaqaano sababta waqtigaan keentay in Cudurka Daacuun uu kor uga kaco tiradii horay looga diiwaangeliyey mandiqadaan.

XIGASHO-AL-CARABIYA.