SURIYA: ISRAEL OO DHUL BEERA AH KU BUUFISAY WALXO AAN LA AQOON.

(SAWIRKA)-BEERO.

(SYRIA)-Warbixin laga soo saaray Suuriya ayaa lagu sheegay in diyaaradaha Israa'iil ay Talaadadii ku buufiyeen dhul beereed ku yaal baadiyaha koonfureed ee AL-quneydharah walxo aan la garanayn. Wakaaladda wararka Suuriya ee SANA ayaa werisay in diyaarad Israa'iil ah "ay ku buufisay walxo aan la garanayn dhulalka galbeedka beerta Abu Madaarah iyo tuulada AL-xaanuut ee ku taal baadiyaha koonfureed ee Qeydharah." Waxay xustay in diyaaradaha Israa'iil ay Axaddii ku buufiyeen walxo aan la garanayn dhulal kaymo ah, beero iyo daaqsinno ku yaal tuulooyinka Al-Asha, Kodna, Al-Asbah iyo magaalada Al-Rafid ee ku taal baadiyaha koonfureed ee gobolka. Sida ay sheegtay hay'addu, Agaasinka Beeraha iyo Deegaanka ee Quneydharah waxay ka qaadeen muunado dhulalkan si loogu sameeyo baaritaan, iyagoo uga digaya beeraleyda iyo milkiilayaasha xoolaha inay u soo dhawaadaan ama daaqaan meelaha la buufiyay ilaa laga soo saaro natiijooyinka falanqaynta. Sida laga soo xigtay hay'adda, "Israa'iil waxay sii waddaa weerarradeeda iyo jebinta Heshiiskii Ka-tagista Ciidamada ee 1974 iyadoo duullaan ku qaadaysa koonfurta Suuriya , iyo weerarrada muwaadiniinta iyada oo loo marayo weeraro, xarig iyo burburin dhul." Suuriya waxay si joogto ah u dalbanaysay in ciidamada Israa'iil laga saaro dhulkeeda, iyadoo ku andacoonaysa in "dhammaan tallaabooyinka ay Israa'iil ka qaaday koonfurta Suuriya ay yihiin kuwo aan waxba ka jirin oo aan saameyn sharci ku lahayn sharciga caalamiga ah," waxayna ugu baaqday beesha caalamka inay "qaadato mas'uuliyaddeeda, joojiso dhaqamada Israa'iil," oo ay ku qasabto inay gebi ahaanba ka baxdo koonfurta Suriya.

XIGASHO-AA.