GOLAHA ISKAASHIGA KHALIIJKA OO CAAWA YEELANAYA KULAN FOGAAN ARAG AH.

(SAWIRKA)-CALAMADA GCC-DA.

(RIYADH/KSA)-Ilo wareedyo Khaliijka ah ayaa shaaca ka qaaday in Wasiirada arrimaha dibadda ee dalalka Golaha Iskaashiga Khaliijka (GCC) ay qorsheynayaan inay kulan degdeg ah ku yeeshaan shir muuqaal ah caawa si ay uga wada hadlaan horumarrada ka dhashay weerarrada Iiraan ay ku qaadayso dalalka Khaliijka. Tehran ayaa ilaa hadda bartilmaameedsatay in ka badan 370 gantaal iyo ilaa 1,000 diyaaradood oo aan duuliye lahayn, iyadoo weerarradani ay sidoo kale gaareen caasimadda Cumaan, Muscat, oo martigelisay wadahadallo dhex maray Washington iyo Tehran. Iyadoo weerarrada Iiraan ay la kulmeen cambaareyn iyo diidmo ballaaran oo ka dhan ah Khaliijka, Golaha Iskaashiga Khaliijka ayaa sheegay in howlgallada milatari ee khaa'inka ah ee Iiraan ay ka bilowday waddamada GCC ay ka tarjumayaan ujeeddooyinkeeda ku wajahan waddamada GCC iyo guud ahaan gobolka, gaar ahaan maadaama waddamada GCC ay hore u sheegeen ballanqaadyo ku aaddan in dhulkooda ama hawadooda loo isticmaali doono fulinta hawlgallo milatari oo ka dhan ah Iiraan. Isla xaaladdaas, dalalka Khaliijka ayaa xaqiijiyay in bartilmaameedsiga Iiraan ee xarumaha rayidka ay tahay xadgudub weyn oo ka dhan ah sharciga caalamiga ah, Axdiga Qaramada Midoobay, iyo xeerarka deris wanaagga.

ISHA-AA.