SOOMAALIYA OO MARKII UGU HOREYSAY XUBIN KA NOQOTAY GOLAHA NABADDA IYO AMNIGA AFRIKA.

(SAWIRKA)-GUDOOMIYAHA URURK MIDAWGA AFRIKA.

(ADDIS ABABA)-Guddoomiyaha Guddiga Midowga Afrika, Mudane Maxamuud Cali Yuusuf, ayaa caawa xafladda Rakibaadda Calanka Saddexaad ee Golaha Nabadda iyo Amniga ee Midowga Afrika (PSC) ku qabtay Xarunta, isagoo si rasmi ah u daahfuray waajibaadka kooxdooda 16-aad & isagoo xaqiijiyay ballanqaadka wadajirka ah ee Midowga ee ku aaddan Horumarinta Nabadda, Amniga, iyo Xasilloonida Qaaradda oo dhan, iyadoo la raacayo waajibaadka Golaha ee ku xusan Xeerka Dastuurka Midowga Afrika iyo hab-raacyada khuseeya. Xubnaha cusub ee la doortay waa Jamhuuriyadda Benin, Gabon, Soomaaliya, & Koonfur Afrika, iyo Boqortooyada Lesotho, & Marooko, oo ay weheliyaan xubnaha dib loo doortay oo ay ku jiraan Eyfar Koosti, Jamhuuriyadda Dimuqraadiga ah ee Congo, Siiralyoon, & Ugandha, Soomaaliya waxay markii ugu horreysay la wareegtay kursigeeda Golaha. Khudbaddiisa, Guddoomiye Yuusuf wuxuu hambalyo diiran u diray Xubnaha soo socda, isagoo hoosta ka xariiqay mudnaanta iyo mas'uuliyadda ku jirta ka mid noqoshada Golaha. Wuxuu ku nuuxnuuxsaday in xubinnimada PSC ay leedahay waajib adag oo ah in si go'aan qaadasho leh, wadajir ah, iyo si buuxda ula jaanqaado mabaadi'da asaasiga u ah Dhismaha Nabadda iyo Amniga Afrika. Wuxuu sidoo kale ku boorriyay Golaha inuu ku adkeysto diblomaasiyadda ka hortagga ah, maaraynta khilaafaadka, iyo inuu awood u yeesho inuu saadaaliyo dhibaatooyinka, uu si midnimo iyo go'aan leh uga jawaabo, isla markaana uu nabadda ku ilaaliyo si ka tarjumaysa himilooyinka dadka Afrika. Guddoomiyuhu wuxuu xaqiijiyay taageerada buuxda ee Guddiga uu u hayo Golaha si uu u guto waajibaadkiisa.
ISHA-AU-PSC.