SARKAAL SARE OO LA SHAQEYNAYEY IMAARTKA OO U BAXSADAY JABUUTI.
(SAWIRKA)-SHALAAL SHAAYIC.
(ADEN/YEMAN)-Fiidnimadii shalay oo Arbaca ahayd, ciidamada Golaha Ku-meel-gaarka Koonfureed ee ay taageerto Imaaraadka Carabta ayaa sii daayay Sheekh Sacad AL-Farjahi, ku dhawaad maalin ka dib markii laga afduubtay Jasiiradda Suqatra’a ee Yemen. Ilo deegaanka ah ayaa sheegay in Ciidamada Ku-meel-gaarka ah ay sii daayeen Sheekh Sacad Abdullah AL-Farjahi, oo ka tirsan hoggaanka Isbahaysiga Qaranka Koonfurta, oo ku sugan degmada Qalansiyah ee gobolka Suqatra’a, maalin ka dib markii la afduubtay. Ciidamo xiriir la leh Golaha Ku-meel-gaarka ah, oo uu hoggaaminayay Gaashaanle Cimad Cali Khamis, oo loo magacaabay Agaasimaha Amniga ee Qalansiyah, ayaa Sheekh AL-Farjahi ka afduubtay gurigiisa hortiisa, waxayna geeyeen Waaxda Amniga ee degmada, iyagoo ku sababeeyay inuu calanka Qaranka Yemen ka taagay gurigiisa. Sheekh AL-Farjahi sidoo kale wuxuu u shaqeeyaa Agaasimaha Xafiiska Qorsheynta iyo Iskaashiga Caalamiga ah ee Qalansiyah iyo Agaasinka Jasiiradda Cabdul-Kuuri ee Gobolka Suqatra’a. Dhinaca kale, Ilo wareedyo ayaa maanta oo kamiis ah sheegay in taliyaha ciidamada loogu yeero la dagaallanka Argagixisada, Shalal Cali Shayic, uu dalka ka baxay isagoo sii raacay diyaarad ku sii jeeda dalka Jabuuti, waxaana la filayaa inuu ugu dambeynta u ambabaxo dalka Isutaga Imaaraadka Carabta. Madal ay leedahay Kooxda Walaaha Cadan(Sons of Aden) ayaa lagu sheegay in diyaaradda ay leedahay Shirkadda Diyaaradaha ee Djibouti Airlines ay ka kacday Garoonka Diyaaradaha ee Aadan abaarihii 11:30 subaxnimo, iyadoo ku socotay lambarka duulimaadka (304). Sida ku cad diiwaanka ay soo saartay Xeer Ilaalinta Guud, Shallal Shayic waxaa lagu eedeeyay inuu ku lug lahaa xadgudubyo halis ah oo Xuquuqda Aadanaha ah, oo ay ku jiraan kormeeridda Xabsi Qarsoodi ah, iyo sidoo kale hoggaaminta unug dil ah. Sida ku cad diiwaankaas, tiro maxaabiis ah oo kiisas la xiriira ah ayaa qirtay inay ka heleen maalgelin, hub, iyo tilmaamo toos ah isaga, sida laga soo xigtay isla isha.
XIGASHO-Q28.
