IMAARATKA OO LAGU EEDEEYEY INUU HUBSIYO XUUTIYIINTA.
(SAWIRKA)-XUUTI IYO IMAARAAT.
(RIYAD/KSA)-Salman al-Ansari, oo ah u ololeeye Sacuudiyaan ah oo ku sugan Mareykanka, ayaa ku eedeeyay Abu Dhabi inay ku amartay "macmiilkeeda," Ceydurus AL-Zubaydi, madaxa Golaha Ku-meel-gaarka ah ee Koonfurta Yemen, inuu hubka iyo qalabka militariga u wareejiyo maleeshiyada Xuutiyiinta ee ay taageerto Iiraan. Sida laga soo xigtay AL-Ansari, qoraal uu ku qoray barta Twitter-ka ee X, xaqiijinta eedeymahan waxay horseedi kartaa cunaqabateyn caalami ah oo ka dhan ah Imaaraadka Carabta, taasoo ka dhigaysa mid la mid ah Iiraan oo ah waddan la cunaqabateeyay. AL-Ansari wuxuu intaas ku daray in tallaabadan, haddii la caddeeyo, aan loo arki doonin tallaabo hal dhinac ah, isagoo tilmaamaya saameynta ay ku yeelan karto xaaladda gobolka. Dhanka kale, AL-Ansari wuxuu eedeymo dheeraad ah u jeediyay Imaaraadka Carabta, isagoo sheegay in Bisha Cas ee Imaaraadka ay xarunteeda ku taal Cadan u adeegsanayso kaydinta hubka iyo walxaha qarxa. Wuxuu ugu baaqay dalalka martigeliya howlgallada Bisha Cas ee Imaaraadka inay sameeyaan baaritaanno deg deg ah oo ku saabsan eedeymahan. AL-Ansari wuxuu sidoo kale tilmaamay kala qaybsanaan ka dhex jirta hoggaanka Golaha Ku-meel-gaarka ah ee Koonfurta oo ka dhan ah Abu Dhabi, isagoo ku eedeeyay AL-Zubaydi inuu fududeeyay shixnadaha hubka ee loo diro Xuutiyiinta. Wuxuu ku tilmaamay falalka Imaaraatka ee Yemen "kicin" Sacuudi Carabiya, isagoo ku andacoonaya in Sacuudi Carabiya iyo Masar ay yihiin "labada tiir ee amniga qaranka Carabta," isagoo si dadban u tilmaamaya in la faquuqayo doorka Imaaraatka. Waxaa la xusay in Golaha Ku-meel-gaarka ah uu hub badan ka wareejiyay Cadan una wareejiyay AL-Dhaalic, halka warbixinnadii hore ay tilmaamayeen in heshiisyo hub oo badan oo ay lahaayeen Xuutiyiinta lagu soo gudbiyay Golaha Ku-meel-gaarka ah, gaar ahaan dekedda Cadan, xilligii Golaha ku meel gaarka ah uu maamulaayey magaaladda cadan.
XIGASHO-Q28.
