MARAYKANKA OO KU DHEGAN DALKA ISUTAGA IMAARATKA CARABTA.

(SAWIRKA)-WASIIR RUBIO.

(USA)-Xoghayaha arrimaha dibadda ee Maraykanka Marco Rubio ayaa Jimcihii ku baaqay xabbad joojin laga sameeyo dalka ay colaaduhu halakeeyeen ee Suudaan, isagoo baaq u diray dawladda Imaaraadka Carabta oo ay ku eedaynayso inay maalgeliso dagaalyahannada hubaysan ee kooxda RSF. Isagoo khadka taleefoonka kula xiriiray Wasiirka Arrimaha Dibadda ee Emirate-ka Carabta Sheikh Abdullah bin Zayed, Rubio “wuxuu ku nuux-nuux saday muhiimadda ay leedahay in Sudan laga gaaro xabad joojin bini’aadantinimo,” ayuu yiri af hayeenka Wasaaradda Arrimaha Dibadda Tommy Pigott. Labada dhinac ayaa sidoo kale ka wada hadlay xabbad joojinta uu Maraykanku taageerayo ee Gaza. Imaaraatka Carabta ayaa raalli ka ah Mareykanka oo ah waddan Carbeed oo naadir ah oo xiriir la leh Israa’iil. Ciidanka Suudaan oo dagaal sokeeye kula jira jabhadda Rapid Support Forces (RSF) ayaa marar badan ku eedaysay Imaaraadka inay hub iyo calooshood u shaqeystayaal ku taageeraan. Rubio ayaa Arbacadii sheegay in Maraykanku uu og yahay dalalka hubka siiya RSF-ta, wuxuuna sheegay inuu walaac ka muujin doono, inkastoo uu ka gaabsaday inuu u jeedo Imaaraadka. "Waxaan u maleynayaa in loo baahan yahay in wax laga qabto si loo gooyo hubka iyo taageerada ay RSF heleyso inta ay sii wadaan horumarkooda," ayuu yiri. RSF ayaa dhawaan qabsatay magaalada muhiimka ah ee al-Fashir ka dib go'doomin aan kala joogsi lahayn, taasoo hogaaminaysay golaha xuquuqul insaanka ee Qaramada Midoobay jimcihii si uu u amaro baaritaan ku saabsan gabood-fallada lagu eedeeyay.

XIGASHO-AA.