KOOXDA M23 IYO DAWLADA KOONO OO GAARAY HESHIIS.

(SAWIRKA)-CIIDAMADDA M23.

(DOHA)-Jamhuuriyadda Dimuqraadiga ah ee Kongo(DRC) iyo kooxda daba-galka ah ee M23 ee ay Rwanda taageerto ayaa Sabtidii ku saxiixday qaab cusub oo nabadeed xaflad ka dhacday Qatar oo looga gol leeyahay in lagu soo afjaro dagaalka burburiyay bariga DRC. Qatar oo ay wehliyaan Mareykanka iyo Midowga Afrika ayaa bilihii lasoo dhaafay waday wadahadallo isdaba joog ah oo looga gol lahaa in lagu soo afjaro colaadda bariga qani ku ah macdanta DRC, halkaasoo M23 ay qabsadeen magaalooyin muhiim ah. DRC iyo M23 ayaa qalinka ku duugay heshiis xabad joojin ah iyo qaabkii hore ee imaarada Khaliijka bishii July, balse inkastoo heshiiskaasi waxaa soo baxay warar sheegaya xadgudubyo, iyadoo labada dhinac lagu eedeeyay inay jebiyeen xabad joojinta. Saxiixa heshiiska cusub ee Doha Framework for a Comprehensive Peace Agreement, ayaa lagu soo gabagabeeyay xaflad ay ka soo qeyb galeen mas’uuliyiin ka kala socday dhinacyada is haya, Mareykanka iyo Qatar. Xafladda, madaxa wada xaajoodka Qatar Mohammed AL-Khulayfi ayaa ku tilmaamay heshiiska "mid taariikhi ah", isagoo intaa ku daray in dhexdhexaadiyeyaasha ay sii wadi doonaan dadaallada lagu gaarayo nabadda dhulka. Tan iyo markii ay mar kale hubka qaateen dhamaadkii 2021, kooxda hubaysan ee M23 waxa ay qabsadeen dhul badan oo ku yaala bariga DRC iyaga oo taageero ka helaya Rwanda, taas oo dhalisay masiibo bini'aadantinimo oo isa soo taraysa. Kumanaan kun ayaa lagu dilay weerar biriqda ah oo ay qaadeen M23 bilihii Janaayo iyo Febraayo, markaasoo ay kooxdu kula wareegtay xarumaha muhiimka ah ee gobollada Goma iyo Bukavu. Heshiiskii bishii Luulyo ee lagu saxiixay Doha wuxuu daba socday heshiis nabadeed oo hore oo u dhexeeyay dawladaha Congo iyo Rwanda kaas oo lagu saxiixay Washington bishii Juun.

ISHA-AN.