IRAAN OO MAGDHAW KA DALBATAY SHAN DAL OO CARBEED.

(SAWIRKA)-BURBURKA SOO GAARAY IRAN.

(TEHRAN/IRAN)-Dalka Iraan waxa uu magdhow ka dalbaday shan waddan oo Carbeed, oo ay ku jiraan wadamada kala ah “Sacuudi Carabiya, Imaaraadka Carabta, Baxrayn, Qatar, iyo Urdun”, iyadoo ku eedeysay inay ka qayb qaateen duqeymihii Mareykanka iyo Israa'iil ay ku qaadeen Iraan. Warqad Isniintii loo diray Xoghayaha Guud ee Qaramada Midoobay Antonio Guterres iyo Madaxweynaha Golaha Amniga ee Qaramada Midoobay Jamal Fares Alrowaiei, Ergeyga Qaramada Midoobay ee Iraan Amir Saeid Irvani ayey Iran ku sheegtay in dalalkaasi "ay jebiyeen waajibaadkooda caalamiga ah" iyagoo lagu eedeeyay inay awood u siiyeen weerarrada Mareykanka iyo Israa'iil ee ka dhanka ah Iraan. Markaa, waa in mas'uul laga noqdaa oo ay magdhow ka bixiyaan khasaaraha ka dhashay dagaalka, ayuu yiri. Colaadda gobolka ayaa sii xoogeysatay ka dib markii Mareykanka iyo Israa'iil ay si wadajir ah u qaadeen weeraro ka dhan ah Iiraan 28-kii Febraayo, kuwaas oo dilay kuna dhaawacay kumanaan qof. Tehran waxay weerarro aargoosi ah ku qaadday Israa'iil, Ciraaq, Urdun, iyo waddamada Khaliijka ee martigeliya hantida militariga Mareykanka ka hor inta aan la shaacin xabbad-joojin laba toddobaad ah toddobaadkii hore. Ergada Iiraan iyo Mareykanka ayaa soo gabagabeeyay wadahadallo socday 21 saacadood oo ka dhacay Islamabad, Pakistan, Axaddii hore, iyagoo aan heshiis gaarin.

ISHA-ANADOLU.