GANACSATADA SOOMAALIY IYO KUWA SHIINAHA OO WADA GAARAY HESHIIS.

(SAWIRKA)-RW-XAMSE OO JOOGA SHIINAHA.

(YINCHUAN)-Wararka laga helaayo magaaladda Yinchuan ee dalka Shiinaha ayaa sheegayo in Raysal Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, oo khudbad ka jeediyay shir muhiim ah oo looga hadlayay Isku-xiridda Ganacsiga Soomaaliya iyo Shiinaha, Reysal Wasaaraha ayaa sharaxay Siyaasadaha Maalgashiga ee Dowladda iyo fursadaha khayraadka dabiiciga ah ee Soomaaliya. Waxa uu sidoo kale soo bandhigay Qorshaha Isbeddelka Qaranka (NTP) iyo muhiimadda uu dalka u leeyahay. Raysal Wasaaraha ayaa u sheegay Ganacsatada Shiinaha in Soomaaliya ey diyaar u tahay in ey soo dhoweyso, isaga oo ku casuumay iney si toos ah u sahmiyaan fursadaha waa-weyn ee dalka ka jira. Raysal Wasaare Xamsa ayaa xusay meelaha mudnaanta leh ee iskaashiga Soomaaliya iyo Shiinaha, kuwaasoo ay kamid yihiin: Horumarinta tamarta iyo khayraadka dabiiciga ah,Kobcinta beeraha iyo dhaqaalaha xoolaha, iyo Horumarinta kaabeyaasha dhaqaalaha. Shirka oo ey si wadajir ah u soo qabanqaabiyeen Safaaradda Soomaaliya ee Shiinaha iyo Ismaamulka Gobolka Ningxia, ayaa lagu magacaabay “Shirka Isku-xiridda Ganacsiga Soomaaliya iyo Shiinaha ee Ningxia, Waxaana isugu yimid in ka badan boqol Shirkadood oo Soomaali iyo Shiineeys ah, iyadoo ujeeddadu ahayd in la xoojiyo iskaashiga dhaqaale iyo maalgashi ee labada dhinac, eyna Soomaaliya noqoto xarun muhiim ah oo Ganacsiga iyo isku xirka Carabta,Afrika iyo Aasiya.

ISHA-SNTV.