200-TAHRIIBAYAAL ITOOBIYAAN AH OO GAARAY DALKA YEMEN.

(SAWIRKA)-TAHRIIBAYAAL.

(SHABWA/YEMEN)-Wararka laga helaayo dalka Yemen ayaa sheegaayo in Booliska Gobolka Shabwa ayaa Khamiistii ku dhawaaqeen imaatinka ilaa 200 oo Muhaajiriin Afrikaan ah kuwaaso soo gaaray Xeebta AL-Ceyn ee Degmada Radhum ka dib markii doon tahriibin ah ay ku dejisay xeebta koox cusub oo socdaal aan joogto ahayn oo ka imanaya Geeska Afrika una socda Yemen. Booliisku waxay sheegeen in dhammaan muhaajiriintu ay ahaayeen muwaadiniin Itoobiyaan oo Rag wada a ah,, iyagoo xusay inay bilaabeen inay qaadaan tallaabooyin sharci ah si ay wax uga qabtaan dhacdadan una yareeyaan saameynta ka dhalan karta qulqulka muhaajiriinta aan caadiga ahayn iyo khataraha amniga iyo bani'aadamnimada ee ka dhalan kara. Xeebaha koonfureed iyo bariga Yemen, gaar ahaan gobollada Shabwa, Xadramawt, iyo Abyan, waxaa si joogto ah u soo gaaraya muhaajiriin ka imanaya Itoobiya iyo Soomaaliya iyagoo adeegsanaya shabakadaha tahriibka ee ka shaqeeya Gacanka Cadan iyo Badda Carabta. Iyadoo ay sii xumaanayso xaaladda amniga iyo dhaqaalaha ee Yemen oo ay ugu wacan tahay dagaalka socda ee 10-ka sano ah, haddana waddanku wuxuu weli yahay meel muhiim ah oo ay maraan muhaajiriinta doonaya inay gaaraan waddamada Khaliijka. Ururrada caalamiga ah waxay ka digayaan khatarta ay muhaajiriintu la kulmaan inta lagu jiro safarka badda iyo goobaha colaadaha ee gudaha dalka.

XIGASHO-XARAF-28