(SYRIA):SARKAAL SARE OO CIQAABAY CARUUR OO LA SOO QABTAY.
(SAWIRKA)-CAADHIF NAJIIB.
(DAMASCUS-SYR)-Wararka laga helaayo dalka Suriya ayaa sheegaayo in Ciidamadda dalkaasi ey soo xireen Caadhif Najiib oo ey ilmo Habreed yihiin Madaxweynihii hore ee dalka Suriya Bashaar AL-Asad ee xilka laga tuuray, Caadhif Najiib ayaa horay u ahaan jiray Madaxa Amniga Siyaasadda ee magaaladda Darca’a ee dalka Suriya, Waxaane loo hasytaa dembiyo ka dhan ah dadka Rayidka ah oo ey ku jiraan Caruur,sida ey sheegtay Wakaaladda Wararka u faafiso dalka Suriya ee SANA Jimcaha maanta ah. Xariga Caadhif Najiib ayaa waxaa xaqiijiyey G/dhexe.Mustafa Kanifaati oo ah Agaasimaha Waaxda Amniga Dadweynaha ee AL-Laadiqiyah ee Waqooyi-Galbeed Suriya. “Hawlgalka uu la beegsaday Agaasinka Amniga Dadweynaha AL-Laadiqiyah oo kaashanaayo ciidamadda Mileteriga ayaa si guul ah ku soo qabtay Gen.Caadhif Naaji oo ahaa Madaxii hore ee Laanta Amniga Siyaasadda ee Darca’a”ayuu yiri Mustafa Kanifaati. Talaabadaan waxa ey qeyb ka tahay dadaaladda socdo ee masuuliinta si ey ula xisaabtamaan dembiileyaasha sameeyey xadgudubyo ka dhanka ah dadka rayidka ah ee Suriya iyo xoojinta Amniga iyo xasilloonidda Gobolka”ayuu raaciyey hadalkiia,sarkaalka la qabtay ayaa lagu wareejiyey hayadaha ku shaqada leh si ey u soo taagaan Maxkamad. Sida laga soo xigtay Warbaahinta Maxaliga ah oo uu ku jiro Tv-ga Suriya iyo saxafiyiin,Siyaasiyiin caan ah,Najiib ayaa ah nimeey ilmo Abti yihiin Bashaar AL-Asad,waxa uu ku dhashay magaaladda Xeebeedka AL-Jabaleh. Caadhif Naaji,waxa uu ka qalin jebiyey Akadeemiyadda Ciidamadda ka hor inta uusan ku biirin Sirdoonka,isagoo xilal kala duwan ka soo qabtay Xukuumaddi Bashaar AL-Asad,waxa uuna ahaa Hogaamiyihii hore ee qabta Xafiiska Laanta Siyaaasadda ee Darca’a. Waxa lagu eedeeyey inuu ka mid ahaa kuwii ugu horeeyey ee geystay xadgudubyo ka dhan ah dadka Rayidka ah bilawgii kacdoonkii 2011-kii. Waxaa kaloo lagu eedeeyey Xariga iyo Jirdil loo geystay Caruur ku nooleed magaaladda Darca’a kuwaaso gidaaradda ku qoray erayo ka dhan ah Nidaamka Bshaar AL-Asad,dhacdadaas oo mudaaharaadyo bilaw ah ka bilawday dalka Suriya. Ka dib markii 8-dii bishii Disembar-2024-kii la riday Nidaamkii Bashaar AL-Asad, waxaa bilawday hawgallo mileteri oo xarumihii askarta dawladda looga saaray,waxaan la amray iney hubkooda wareejiyaan. Caadhif Najiib ayaa dhashay sannadkii 1960-kii,waxa uuna ku dhashay magaalo Xeebeedka Jableh ee Gobolka AL-Laadiqiyah ee dhacda Xeebta Badda dhexe ee cad, waxa uuna ka qalin jebiyey kulliyadda dagaalka ee Xumus,waxa eyna ilmo habreed yihiin Ex.MW-Bashaar AL-Asad,Hooyadiis waxaa la yiraahdaa Faduma Makhluuf halka Bashaar AL-Asad Hooyadiis la yiraahdo Aniisa Makhluuf. Xilalka uu Caadhif soo qabtay waxaa ka mid ah:
(1)-Waaxda Amniga Siyaasadda ee Darca’a 2008 ilaa 2011-kii.
(2)-Madaxa Amniga Siyaasadda ee Laanta AL-Feyxaa ee Caasimadda Dimishiq.
(3)-Madaxa Waaxda Baarista iyo Ilaaladda Caasimadda Dimishiq.
(4)-Taliyaha Laanta Amniga ee Sheekh Muxyadiin ee caasimadda Dimishiq.
(5)-Ku-Xigeenka Taliyaha Nabad Sugidda Booliska,ka dibne waxa auu noqday Ku-Xigeenka Madaxa Waaxda Maamulka Gobolka ee Amniga Caasimadda Dimishiq.
ISHA-WAKAALADDO.
ZAKARIYE ZUBEYDI HALYEY KA YAABSADAY ISRA’IIL.
(SAWIRKA)-ZAKARIYE ZUBEYDI.
(RAMALLAH)-Isra’iil ayaa maanta oo Khamiis ah sii deysay Zakariye Zubeydi oo ah Hogaamiye Sare ee Dhaqdhaqaaqa AL-Fatax ee reer Falastiin,isla markaasne ahaa Taliyaha Garabka Hubeysan ee AL-Fatax ee Guutooyinka Shuhadada AL-Aqsa’a ee Daanta Galbeed Zakariye ayaa qeyb ka ahaa dufcadii seddexaad ee Xabad joojinta Marinka Gaza iyo Heshiiskii Maxaabiis Isdhaafsiga ee Xarakadda Xamaas iyo Isra’iil. Zakariye Zubeydi waxaa lala sii daayey 109-kale oo Maxaabiis reer Falastiin ah iyadoo lagu bedeshay Maxaabiista reer Isra’iil ee kala “Arbel Yehoud, Agam Berger, iyo Gadi Mozes”.
WIILKA XERADA QAXOOTIGA EE JENIN:
Zakariye Zubeydi oo hore uga tirsanaan jiray Golaha Kacaanka ee Fatax,ayaa ka soo jeedo Xerada Qaxootiga Jenin ee ku taallo Waqooyiga Daanta Galbeed ee dhulka reer Falastiin,taaso ey si joogta ah uga hawlgalaan Muleteriga Isra’iil tan iyo 21-kii bishaan Janaayo-2025-ka. Zakariye Zubeydi, oo 49-jir ah ayaa ka mid ahaa dadkii ugu caansanaa Falastiiniyiinta ee ku xiran Xabsiyadda Isra’iil. Waxa uu isku sifeeyey kuna tilmaamay Buugiisa Masrat-ka inuu yahay”Maskii Weynaa ee ka adkaaday kii ugaarsanaayey”.
BAXSASHADA XABSIGA HALYEYADDA:
6-dii Sebtembar-2021-KII, Zakariye Zubeydi waxa uu ka baxsaday Xabsiga Gilboa oo ah mid ka mida Xabsiyadda aadka loo ilaaliyo ee Isra’iil,isaga iyo shan kale oo ah Maxaabiis reer Falastiin ah,waxa eyna god ka qodeen qolkii ey ku xirnaayeen. Maalmo ka dib,ciidamadda Isra’iil waxa ey dib u soo qabteen lixdii nin ee Xabsiga ka baxsatay,laakinse baxsashada lagu dhiiraday ayaa si weyn loogu amaanay iney yihiin Halyeeyo ku dhex jira buslshada Falastiiniyiinta iyo Carabta. Zakariye Zubeydi waxaa markii hore xiray ciidamadda Isra’iil sannakii 2019-kii, Sarkaal sare oo ka tirsan Sirdoonka Isra’iil ayaa xilligaas si jees jees ah ugu tilmaamay Zakariye Zubeydi inuu yahay “Bisada wadooyinka taaso ugu dambeynta dabin lagu soo qaban doono”. In kastoo aan xukun rasmi ah laga soo saarin markii la xiraayey, Zakariye Zubeydi ayaa markii dambe lagu xukumay shan sano oo xarig ah ka dib markii uu ka soo baxsaday Xabsiga Gilboa,halka eedeymaha la xiriira weeraradda lala beegsado Isra’ii ey ahaayeen kuwa aan la xallin. Zakariye Zubeydi waxa uu leeyahay taariikh dheer oo dhinaca iska caabinta hubeysan ah kana dhan ah ciidamadda Isra’iil isagoo sannado badan ku soo qaatay xabsiyadda Isra’iil. Sannadkii 2007-dii, isaga iyo koox ka mid ah dagaalayahanadda reer Falastiin waxay hubkooda ku wareejiyeen maamulka Falstiin ee uu Hogaamiyo Maxamud Cabaas,taaso qeyb ka ahayd heshiis ey la galeen Isra’iil kaaso Zubeydi ku helay cafis dhinaca Isra’iil ah.
ISHA-AA.
SURIYA OO YEELATAY MADAXWEYNE KU MEEL GAAR AH.
(SAWIRKA)-AXMED SHARAC.
(DIMISHIQ)-Madaxweynaha Suriya ee ku jira Maraxaladda ku meel gaarka ah Md.Axmed Sharac ayaa khudbadiisii ugu horeysay jeediyey fiidnimada caawa oo khamiis ah. Waxa uu yiri”Suriya waa laga Xoreeyey maamulkii Dembiilaha ahaa,waxaane Suriya lagu xureeyey Nafhurnimo ey sameeyeen dadka Suriyiinta ah ee ku sugan gudaha dalka iyo dibadiisa”,waxa uu intaas raaciyey”Waxaan fureynaa Buug Cusub oo Taariikhda Suriya ah?,Ugu dambeyntiina waxa uu sheegay inuu la wareegay Masuuliyadda dalka Suriya ka dib wadatashi sharci ah”. Isaga oo hadlkiisa sii wata ayuu Axmed Sharac yiri”Waxaan reer Suriya ula hadlaa inaan ahay Madaxweynaha Jamhuuriyadda ee xilliga adag ee lagu jiro kala guurka,waxaane ula hadlaa sidii anigoo ah u adeege ee ma ihi mid iyaga Xukumaayo”. Waxa uu sidoo kale carabka ku adkeeyey in “Habsami u socodka Siyaasdeed ey Suriya u baahan tahay waa ka qeybgalka qof kasta iyadoo aan la kala saarin”,waxa uuna sharaxay in xilliga ku meel gaarka ah uu qeyb ka yahay geedi socodka Siyaasadeed oo ey ku jiraan ka qeybgalka qof walba. Axmed Sharac ayaa carabka ku adkeeyey inuu soo dhisi doono dawlad loo dhan yahay oo muujisa kala duwanaanshaha Suriya. Waxa uuna intaas ku daray oo uu yiri”Waxa aanu isu diyaarineynaa Shirweynaha Qaran oo laga soo saari doono Go’aamo dastuuri ah”, waxaanu intaas raaciyey ”Waxa aanu maalmaha soo socdo shaacin doonaa dhismaha Gudiga diyaarinta Wadatashiga Qaran”.
ISHA-AA.
RW-NAWAF SALAM OO LOOGA FADHIYO XUKUUMAD FIICAN.
(SAWIRKA)-RW-NAWAF SALAM.
(BEIRUT)-Tiro ka mid ah mawaadiniinta Lubnaan ayaa maanta oo Arbaca ah waxa ey isugu soo baxay afaafka hore ee guriga Reysal Waasaraha magacaaban ee dalka Lubnaan Nawaaf Salam gudaha magaaladda caasimadda ah ee Beyrut, si ey isaga u taageeraan ugana dalbadaan inuusan u gudbin Xisbiyadda Siyaasadeed ee ku jira hanaanka dhismaha dawladda,mawaadiniinta ka kala yimid Goboladda kala duwan ee dalka Lubnaan ayaa muujiyey taageeradda ey u hayaan Reysal Wasaare Nawaaf Salam iyo Madaxweynaha Jmhuuriyadda Lubnaan GeN.Joosef Cawn. Mawaadiniinta reer Lubnaan ayaa Reysal Salam ugu baaqay inuusan u hogaansamin dalabaadka Xisbiyadda ee ah iney saami qeybsi ku yeeshaan hanaanka dawlad dhiska Lubnaan. Waxa ey sidoo kale ka codsadeen in sida ugu dhaqsiyaha badan uu u soo dhiso Xukuumad Wasiiradeeda ey yihiin farsamo yaqaano aan Musuq Maasuq aqoon,kana fog Xisbiyadda Siyaasadda,waxaa xusid mudan in Reysal Wasaare Nawaf Salam la magacaabay 13-kii bishaan 2025-ka inuusan ilaa hadda ku guuleysan inuu soo dhiso xukuumad cusub oo taya leh. RW-Salam ayaa Madaxweyne Cawn ku booqday Qasriga Baacbad,ka dib markii ey wada kulmeen labada Masuul, ayuu RW-Salam hadal ka soo saaray waxa uuna yiri”Waxaan ka shaqeynayaa habeen iyo maalin si aan u arko Xukuumad iftiimeysa,waxa aan rajeynaa inaan u dulaqaato wararka xanta ah ee la xiriira iyo isfahanka Madaxweyne Cawn,ka noqon maayo halbeegyadii aan dhigay markii xilka la ii dhiibay,kuwaso ahaa Xukuumad ka madax banaan Baarlamaanka taaso Golaheed Wasiiradda eysan ka imaan Xildhibaanadda Baarlamaanka, Xukuumad ey salkeedu ka mid yihiin Mawaadiniin leh awood sare,Xukuumad eysan ku jirin Murashaxiin Dawladaha Hoose iyo Golaha Baarlamaanka iyo Xukuumad eysan ka mid ahayn wakiilo Xisbi”. RW-Salam oo hadalkiisa sii wata ayaa yiri”Marka aan ku xadgudbo mid ka mid ah halbeegyada aan dejiyey,aniga ayaa la igula xisaabtami doonaa,halbeegyadaasne waxaa lagu dabaqi doonaa qof kasta”. Waxa uu sidoo kale carabka ku adkeeyey inuu yahay taageere debecsanaan leh lagulana macaamilaayo qof kasta”isagoo raaciyey”Waxaan wajihi doonaa dhibaatooyin oo aan u soo bandhigi doono dawladda dhawaan,sidaas darteedna taageeradda Carabta iyo Kalsoonidda Caalamiga ah ayaa dib loo soo celin doonaa”. RW-Salam,isagoo hadalkiisa sii wata ayuu yiri”Xukuumadu waxa ey ka koobnaan doontaa 24-Wasiir, waayo xukuumad 30-Wasiir ka kooban waa Xukuumadda Midnimo Qaran iyo Baarlamaan Yar waa wax aan soconeyn,dawlad intaas ka yar ma soo dhisi karno,si Wasiir kasta uu u yeesho hal xil.
ISHA-AA
MAXAABIIS ISRA’IIL AH OO BERRI LA SII DEYN DOON.
(SAWIRKA)-SEDDEXDA ISRA’IIL EE BERRI LA SII DEYN DOONO.
(QUDUS)-Wararka laga helaayo Marinka Gaza ee dhulka reer Falastiin ayaa sheegaayo in seddex Maxbuus oo reer Isra’iil ah kuna jira gacanta Ururka Xamaas ee reer Falastiin la sii deyn doon berri oo khamiis ah,waxaane lagu bedeshay 110-Maxbuus oo reer Falastin ah kuna xiran Xabsiyadda Isra’iil, sida uu dhigaayo heshiiska Xabad joojinta ee u dhexeeyo Xamaas iyo Isra’iil. Bayaan uu soo saaray afhayeenka Ururka Xamaas garabka hubeysan ee Guutada AL-Qasaam ayaa sheegay in seddex Isra’iiliyiin ah kalana ah “Arbel Yehoud oo 29-jir ah, Agam Bergar-askeriyad,20-jir ah iyo Gadi Moshe Mozes”. Xafiiks warbaahinta Maxaabiista ey Xamaas maamusho ayaa sheegay in 110-Maxbuus oo Falastiiniyiin ah iney sidoo kale Isra’iil sii deyn doonto maalinta berri ah ee Khamiista ah, sida lagu sheegay war qoraal ah kana soo baxay Xafiiska Warbaahinta Xamaas, dadka Falastiiniyiinta ah ee berri la sii deyn doono ayaa waxaa ka mid ah, 32-Maxbuus oo ku xukunaa Xabsi daa’in ah, 48-Maxbuus oo ku xukunaa xabsiyo dheer iyo 30-Caruur ah oo aan weli qaan gaarin,wejiga koowaad ee heshiiska ee u dhexeeyo Ururka Xamaas iyo Isra’iil ayaa qorshuhu yahay in lagu sii daayo ilaa 33-Maxbuus oo Isra’iil ah iyadoo la dhaafsanaayo ama lagu bedelanaayo Maxaabiis reer Falastiin ah kuwaaso tiradooda ey dhexeyso 1,700-qof ilaa 2-kun qof.
ISHA-AA.
XABAD JOOJINTII LUBNAN IYO ISRA’IIL OO LA KORDHIYEY.
(SAWIRKA)-BURBURKA SOO GAARAY K/LUBNAAN.
(BEIRUT-LIB)-Wararka ka imanaayo caasimadda dalka Lubnaan ee Beyruut ayaa sheegaayo in Wasaaradda Caafimaadka ee Lubnaan ey Isniinta maanta ah ey sheegtay in 24-qofood ey dileen Ciidamadda Difaac Isra’iil xilli dadka degaanka ey doonayeen iney ku soo laabtaan degaankooda oo ku yaalo Koonfurta dalka Lubnaan. War ka soo baxa Wasaaradda Caafimaadka Lubnaan ayaa intaas raacyey in lix haween ah ey ka mid yihiin dhibanayaasha halka 134-qofood oo kale ey dhaawacmeen,eyna ka mid yihiin14-dumar ah iyo 12-caruur ah. Warar hore ayaa sheegaayo in dhimashadu ey mareyso ilaa 22-qofood. Xiisadda ayaa cirka isku sii shareertay iyadoo ciidamadda Isra’iil ey ku hareen dhulka Lubnaan ka dib markii 60-maalmood oo kama dambeys ah oo ey uga baxaan Koonfurta dalka Lubnaan ey ku ekeed Axadii iyadoo la raacayo heshiis Xabad Joojin ah. Aqalka Cad ayaa Axadii shalay ahayd sheegay in Isra’iil iyo Lubnaan ey ku heshiiyeen in la kordhiyo waqtiga bixitaanka Isra’iil ilaa 18-ka Bisha Feberaayo-2025-ka. Xabad joojinta jillicsan ayaa soo bilaabat 27-11-2024-kii taaso soo afjaraysay duqeymo is daba joog ah oo u dhexeeyo Isra’iil Ururka Xizbullahi duqeymaha ayaa soo bilaabmay 8/10/2023-kii maalin uun ka dib markii Xamaas ey weerartay Isra’iil 7/10/2023-kii,waxa eyna isu bedeshay colaad balaaran 23/9/2024-kii,maamulka Lubnaan ayaa sheegay in Isra’iil ey jebisay heshiiska la gaaray ugu yaraan 660-jeer. Sida ku cad shuruudda Xabad Joojinta, Isra’iil waxaa looga baahnaa iney ciidamadeeda kala baxdo Koonfurta Khadka Buluuga ah,Xuduuda dhabta ah wejiyadooda,halka ciidanka Lubnaan la rabay in la geeyo Koonfurta Lubnaan 60-maalmood gudahood. Xogta laga helay Wasaaradda Caafimaadka Lubnaan ayaa tilmaameysa in tan iyo markii ey Isra’iil duqeymaha ka dhanka ah Lubnaan bilawday 8-ddi bishii Oktoobar-2023-kii, ugu yaraan Isra’iil ayaa dishay dad gaaraayo ilaa 4080-qof,waxaane ka mid ah Dumar, Caruur iyo shaqaale Caafimaad,halka ey ku dhaawacmeen tiro gaareyso 16753-qof.
ISHA-AA.
SURIYA OO GACANTA KU DHGTAY HUB TAHRIIB AH.
(SAWIRKA)-HUB LAGU QABTAY XUDUUDA SURIYA IYO LUBNAAN.
(SYRIA)-Wararka laga helaayo dalka Suriya ayaa sheegaayo in maamulka cusub ee Suriya uu gacanta ku dhigay shixnad hub ah oo ku sii jeeday Ururka Xizbullahi ee dalka Lubnaan,sida ey sheegtay Wakaaladda Wararka u faafisa dalka Suriya ee SANA. Shixnadaan hubka ah ayaa la doonaayey in la gaarsiiyo Ururka Xizbullahi iyadoo la sii marinaayo jid Tahriib ah iskuna xira dalalka Suriya iyo Lubnaan gaar ahaan aag magaaladda xadka ku taalo Sargaaya,hubka la qabtay oo u badnaay kuwa aadka u fudud ayaa waxaa ka mid ahaa qoriga RPG iyo rasaastiisa. Horaantii bishan,masuuliyiinta Suriya waxa ey sheegeen iney qabteen shixnad Qoryo ah,Diyaadaha aan duuliyaha leheyn oo lagu sameeyey dalka Iraan iyo hub kale oo ey sheegeen iney ku wajahnaayeen dalka Lubnaan,balse xilligaas si cad ugama eysan hadlin Ururka Xizbullahi. Dadaaladda firfircoon ee dalka Suriya ee looga hortegaayo in hub lagu wareejiyo Ururka Xizbullahi ayaa ka dhigan is bedel weyn ka dib sannado badan oo awood u siinaayey Ururka Xizbullahi inuu shixnado nuucaan ah ey soo gaaraan iyagoo kaga imaanayey nidaamkii burburay ee Bahsaar AL-Asad,in kasta oo eysan cadeyn in qabashada hubka ee ugu dambeysay iney ka dhigan tahay inuu curtay isbedel balaaran oo dhanka Siyaasadda ah. Dalka Iraan waxa uu muddo dheer hub siinaayey Ururka Xizbullahi isagoo marinaayo dalka Suriya oo uu waqtigaas xukumaaayey Bashaar AL-Asad,laakin waxaa jirtay rajo ah in tani joogsan doonto marka xukumadda cusub ey dalka la wareegto kuwaaso aan la jaan qaadi karin himilooyinka Gobolka ee Iraan. Isra’iil waxa ey ka walaacsaneed in hub ka yimid taliskii dhacay ee Bashaar AL-asad loo soo gudbiyo Ururka Xizbullahi ee Lubnaan. Ciidamadda Difaaca Isra’iil ayaa duqeymo dhawr ah ka fuliyey xuduuda u dhexeysa Suriya iyo Lubnaan si ey uga hortagaan in hub gaaro Ururka Xizbullahi ee dalka Lubnaan. Ka dib dhicitaankii Bashaar AL-Asad ee Suriya,8-dii Disembar-2024-kii,Hogaamiyaha dhabta ah ee dalka Suriya Axmed Sharac ayaa ka jawaabay walaaca Isra’iil wuxuuna soo jeediyey damaanad qaad ah in dawladda cusub ee Suriya eysan u hajabi dooonin Isra’iil ama eysan u ogolaan doonin Iraan iney dib u dhisato Suriya.
ISHA-WAKAALADO.
Dr.RASHA NAASIR AL-CALI OO LA AFDUUBAY.
(SAWIRKA)-HAYADAHA AMNIGA XUMUS.
(XUMUS-SYR)-Wararka laga helaayo dalka Suriya ayaa sheegaagyo in Waaxda Amniga ee Xumus ey beenisay fiidnimada caawa oo Sabti ah in Dr.Rasha AL-Cali la helay iyadoo la dilay,waxaane la xaqiijiyey in baadi goobkeeda uu weli sii socdo ka dib markii la helay xog sheegeysa in la afduubay. Warar la isla dhexmaraayo ayaa sheegaayo in Dr.Rasha la helay iyadoo faraha laga gooyey todobaad ka dib markii la afduubay. Si kastaba ha ahaatee Wakaaladda Wararka u faafiso dalka Suriya ee SANA oo soo xiganeysa ilo ka tirsan maamulka Amniga Xumus ayaa sheegtay in maamula Amniga Gobolkaasi uu helay “Xog ku saabsan afduubkii loo geystay Bare Sare oo Jaamicadeed Rasha Naasir AL-Cali shan maalmood ka hor,waxayna bilaabeen baaritaano,waxaane weli socdo baaritaanadda iyadoo lala kaashanaayo qoyska haweeneyda la afduubtay si loo garto kuwa geystay afduubka ka dibne cadaaladda loo horkeeno”. Isha ayaa sii wadatay waxa eyna tiri”Waxaan xaqiijineynaa in waxa la faafiyey ee ku saabsan helista Meydka Dr.Rasha Naasir AL-Cali eysan run ahayn welina baadi goobkii ayaa socda,mana jiro war sax ah oo ku saabsan Dr.Rashaa weli”. Isha ayaa ku nuuxnuuxsatay,iyadoo tiri””Waxaan xaqiijineynaa inaan ka fiirsan doono ama aan ka tegi doonin kiis kasta oo aan daba geli doono,waxaane u soo celin doonaa xuquuqda dadkii lahaa,waxaane la xisaabtami doonaa dembiileyaasha,waxaane noqon doonaa gashaanka dakeyna iyo ilaalinta xasiloonidooda. Waxaan ugu baaqeynaa dadkayaga iney kaalmeyaan hayadaha amnigeyna”. Waxaa xusid mudan in Dr.Rashaa Naasir AL-Cali ey ahayd Qoraa iyo Bare sare oo wax ka dhigta Kulliyadda Fanka ee Jaamicadda Xumus,waxa eyna ka tirsan tahay Ururka Qorayaasha Carabta. Dr.Rashaa,waxaa afduubtay rag hubeysan maalintii Isniinta ee la soo dhaafay xilli ey ka timid gurigeeda oo ku yaalo “Masaakin AL-Idkhaar”,waxa eyna ku sii jeeday Jaamicadda Xumus oo ku taalo bartamaha magaaladda Xumus. Shabakadda Xuquuqda Aadanaha ee dalka Suriya ayaa warbixin ey Arbacadii soo saartay ku cambaareysay aduubka,waxayna xustay in “ey awoodi weyday iney aqoonsato kooxda afduubka u geysatay Dr.Rashaa Naasir AL-Cali”. Dr.Rashaa AL-Cali ayaa ka soo muuqatay baraha bulshada iyadoo xaqiijisay diidmadeeda”in caado ah oo lagu soo rogaa iyada ineysan aqbali doonin”.
ISHA-AA.
XAMAAS OO SII DEYSAY AFAR GABDHOOD OO ASKARA AH.
(SAWIRKA)-AFARTA GABDHOOD EE AH ASKARTA ISRAEL EE LA SII DAAYEY.
(USA)-Dawladda Maraykanka ayaa Sabtida maanta ah sheegtay in sii wadida Dhaqangelinta Xabad Joojinta Marinka Gaza ey tahay mid “MUHIIM AH”,ka dib markii Xamaas ey sii deysay afar haween ah oo ka tirsan Ciidamadda Difaac Isra’iil,waxa eyna Xamaas ku bedelatay 200-Maxbuus oo reer Falastiin ah. “Waxaa aad muhiim u ah iney sii socoto dhaqangalka Xabad Joojinta iyo in dhammaan Maxaabiista Xamaas ey sii deyso oo si nabad ah loogu celiyo dadkooda”ayaa lagu yiri war ka soo baxay Wasaaradda Arrimaha Dibadda dalka Maraykanka. Bayaanka ka soo baxay Wasaaradda Arrimaha Dibadda iyo Aqalka Cad ee dalka Maraykanka ayaa lagu soo dhaweeyey sii deynta Haweenka askarta Isra’iil ka tirsan,balse ma eysan soo hadal qaadin Maxaabiista reer Falastiin ey Isra’iil sii deysay. Wasaaradda Arrimaha Dibadda Marayanka ayaa intaas ku dartay”Maraykanku waxa uu u dabaal degayaa sii deynta afarta gabdhood ee Maxaabiista Isra’iil ah ka dib 477-Maalmood oo ey xirnaayeen”. Heshiiska Xabad Joojinta ee Marinka Gaza ayaa dhaqan galay horaantii todobaadkii hore,maalin ka hor Caleema saarka Madaxweynaha Maraykanka Donald Trump kuna beegneed 20/1/2025-ka. Madaxweyne Dolad Trump ayaa ku amaanay Ergaygiisa Bariga Dhexe Steve Witkoff inuu gaaray Heshiis Xabad Joojin ah ka dib wada hadallo socday muddo bilo ah eyna garwadeen ka ahaayeen Maraykanka,Masar iyo Qadar. Madaxweyne Trump ayaa ka hor Caleema saarkiisa ka digay in “Albaabadda Naarta ey si weyn u furmi doonaan”haddii aan la sii deyn Maxaabiista ey Xamaas ku haysato Marinka Gaza. Xarakadda Xamaas ayaa soo qafaashatay Maxaabiis reer Isra’iil ah oo gaaraayo ilaa 250-Maxbuus,ka dib markii ey weerar ku qaadeen magaalooyin ku yaalo Koonfurta Isra’iil, waxaane weerarkaasi ku dhintay dad dhan ilaa 1200-qofood,sida ey sheegtay Isra’iil,weerarkaas ayaan sababay inuu dhaco dagaalka Marinka Gaza kaaso ey ku dhinteen dad gaaraayo ilaa 47-kun. Dagaalka Marinka Gaza waxa uu Isra’iil u horseeday in Caalamka u soo jeediyo Eedeymo aad u culus laguna soo oogo dacwad ka dhan ah Bani’adanimada iyo in Isra’iil ey geysatay xasuuq wadareed,dagaalka ayaa sababay oo kale in dad fara badan ey ka qaxaan guryahooda iyo dhibaato cunto yari ah.
ISHA-AA.
XAMAAS OO SII DEYN DOONTO AFAR ASKERI OO…
(SAWIRKA)-GABDHAHA XAMAAS SII DEYN DOONTO BERRI OO SABTI AH.
(QAAHIRA)-Reysal Wasaaraha Isra’iil Benjamin Netanyahu ayaa fiidnimada maanta oo Jimcaha go’aansaday inuu la tashado Madaxda laamaha Amaanka iyo inuu horay u sii wado liiska haweenka Maxaabiista ee la qorsheeyey in la sii daayo Sabtida berri ah sida ey soo gudbisay Xamaas. Sida laga soo xigtay Kanaalka-12-aad ee Isra’iil,ka qeybgalayaasha kulanka ayaa si wadajir ah waxay u go’aansadeen in Xamaas ey jebisay qeyb ka mid ah Heshiiskii, Xadgudubkana uusan ahayn mid halis ah waxaane inagu filan oo kaliya in nuska Maxaabiis isdhaafsiga uu yahay dhammaad,sida uu qoray Wargayska The Times Of Isra’iil. Sida uu qabo Wargayska Isra’iil ee The Times Of Isra’iil heshiiska ayaa dhigaayo in marka hore la sii daayo dumarka aan askarta ahayn,ka dib dumarka askarta ah,ka dib dadka da’ada ah,ugu dambeyntana kuwa Xanuunsan. Isra’iil ayaa dawaladdaha Masar,Qadar iyo Maraykanka oo ah kuwa ku jiray dhexdhexaadinta Isra’iil iyo Xamaas u sheegtay in liiska afatra gabdhood ee Maxaabiista ah ey Xamaas sii deyneyso maanta Sabti ah uusan waafaqsaney Heshiiskii la gaaray Xamaasne ey jebisay qodob ka mid ah. Sida uu dhigaayo heshiiska la gaaray Dumarka rayidka ayaa ka horeeyo dumarka Ciidamadda ah ayey Isra’iil ku doodeysaa. Dhinaceeda,”Madasha Qoysaska Maxaabiista Isra’iil”ayaa daabacday caawa magacyadda afarta gabdhood ey Xamaas sii deyneyso Sabtida,waxa eyna qeyb ka yihiin Maxaabiis isdhaafsiga Xamaas iyo Isra’iil qeybtiisii labaad. Madasha ayaa soo saartay bayaan ey ku soo dhaweyneyso sii deynta gabdhaha kala ah”Liri Albag oo 19-jir ah,Daniella Gilboa oo 20-Jir ah,Karina Ariev oo 20-Jir ah iyo Naama Levy oo 20-Jir ah”gabdhahaan ayaa gacanta Xamaas ku jiray muddo dhan 477-maalmood. Gabdhahaan ayaa laga afduubay qeybta ilaaladda ee Ciidamadda Difaaca Isra’iil ee saldhiga ciidanka Nahal OZ intii uu socday weerarkii ey kooxda Xamaas ugu magaca dartay DUUFAANTII AL-AQSA’A, 7/10-2023-KII. Mid ka mid ah askarta la afuubay ayaa la soo badbaadiyey halka mid kalane la soo heley meydkeeda,shanta gabdhood ee la afduubay ee ilaaladda ahayd ayaa Agam Berger oo 21-jir ah laga reebay liiska gabdhaha berri la sii deyn doono,waxaane jira laba dumara ah oo rayid ah kuna jira liiska asalka ah ee 33-Maxbuus kuwaaso lagu wado in lagu sii daayo wejiga koowaad ee Xabad joojinta.
ISHA-WAKAALADO.
SHAQAALIHII MARKABKII GALAXY LEADER OO LA…
(SAWIRKA)-SHAQAALIHII LA SOCDAY MARKABKII GALAXY LEEADER OO LA SII DAAYEY.
(MASQAT-OMAN)-Xuutiyiinta Yeman ayaa sii daayey shaqaalihii la socday Markabkii Galaxy Leader kaaso u afduubnaay Xuutiyiinta muddo 14-bilood ah ka dib markii Markabkaan laga qafaashay Xeebaha Galbeed ee dalka Yeman,sida ey sheegtay warbaahinta Arbacada maanta ah. Telefishinka ey maamulaan Kooxda Xuutiyiinta ee AL-Masiirah ayaa sheegay in shaqaalaha Markabka Galaxy Leader lagu wareejiyey dalka ey Yeman jaarka yihiin ee Cumaan iyadoo lala kaashanaayo Xarakadda Xamaas,ka dib markii uu dhacay heshiiskii Xabad joojinta ee kooxda Falastiin ey la gashay Isra’iil,kaaso dhaqan galay Axadii la soo dhaafay. Markabka ayaa waxaa ka babanaayey calanka Bahamas,waxa uuna u kireysnaay Nippon Yusen oo laga leeyahay dalka Japan,waxaana Xuutiyiinta ey 19-kii Noofembar-2023-kii ey ka qafaasheen Badda Cas ee Xeebta Xudeydah. Xuutiyiinta ayaa cadeystay iney qabsanayaan Maraakiibta iyo iney weeraro la beegsanayaan Maraakiibta ku sugan Badda Cas,waxa eyna ku tilmaameen ficil iska caabin ah oo lagu taageeraayo Falastiiniyiinta reer Gaza oo Isra’iil duqeymo ku heyso.
ISHA-MEE.
TALIYE SARE OO XAMAAS AH OO NOOL,SABAB?
(SAWIRKA)-XUSEEN FAYAAD.
(GAZA)-Xuseen Faayaad,waxa uu ahaa Taliye ka mid taliyeyaasha Xamaas ee ka dagaalamaayey Marinka Gaza muddadii shanta iyo tobanka bilood ahayd,Ciidamadda Difaaca Isra’iil ayaa horay waxa ey u sheegeen iney dileen Xuseen Fayaad bishii Maayo-2024-kii,Xuseen ayaa waxa uu ka soo muuqday muuqaal cusub oo la soo dhigay baraha bulshada,sida ey sheegtay warbaahinta Falastiiniyiinta ee Arab48. Muuqaalka oo Arbacada maanta ah si weyn loogu faafiyey baraha bulshada ayaa muujinaya nin u ekaa Xuseen Fayaad oo ka hadlaaya Aas ka dhacaayey Waqooyiga magaaladda Gaza,waxa uuna Xuseen iyo ragii la jiray ey dhex taagnayeen burburka dhismayaal ku burburay duqeyntii ciidamadda Isra’iil,waxa eyna dhegeysanaayeen hadalka Xuseen Fayaad. Xuseen Fayaad ayaa ahaa taliyaha Guutada Beyt Xanuun ee Xamaas. Beyt Xanuun waxay ahayd mid ka mid ah gooobihii ugu horeeyey ey Isra’iil beegsato sannadkii 2023-kii. Xuseen Fayaad ayaa khudbadiisa ku amaanay iska caabinta ey sameeyen reer Gaza taaso ka dhan ahayd weerarada ciidamada Isra’iil,waxa uuna Xuseen Fayaad goobta ka yiri”Marka kuwa Xooga leh ey gaari waayaan Hadafkooda,waa jabeen,laakin kuwa daciifka ah ee ka hor istaagay kuwa xooga leh iney gaaraan yoolkooda,waa guleysteen”.
ISHA-MEE.
HALKAN KA SI AKHRI.
WEERAR MINDI LOO ADEEGSADAY OO KA DHACAY…
(SAWIRKA)-TEL AVIV.
(TEL AVIV)-Wararka laga helaayo caasimadda Isra’iil ee Tel Aviv ayaa sheegaayo in afar qof la dhaawacay ka dib markii lagu weeraray Mindi maanta oo Talaada ah magaaladda caasimadda ah ee Tel Aviv,halka dembiilihii geystay weerarka la dilay. Adeega baabuurta Gargaarka adeg dega ah ee Megan David Adom ayaa sheegay in laba qof ey soo gaareen dhaawacyo dhexdhexaada ah,halka labada kale ey soo gaareen dhaawacyo fudud. Warbaahinta Isra’iil ayaa ku warantay in ninka weerarka geystay uu u dhashay dalka Marooko uuna jiray 29-sano,waxa uuna haystay deganaanshaha rasmiga ah ee dalka Maraykanka ee loo yaqaano GREEN CARD,waxa uuna Isra’iil soo galay seddex maalmood ka hor. 18-kii Janaayo,nin Isra’iili ah ayaa si xun loo dhaawacay ka dib markii lagu Tooreyey Tel Aviv sida laga soo xigtay ilo caafimaad,halka dembiilaha la toogtay lagu dhawaaqay inuu geeriyooday. Booliskka Isra’iil ayaa sheegay in qod rayid ah oo hubeysan oo meesha ka ag dhawaa uu rasaas ku ku furay ninka dadka mindiyeeyey waane uu dilay. Warbaahinta oo soo xiganeysa Booliska Isra’iil ayaa sheegtay in nin mindi sitay uu soo galay Maqaayad ku taalo wadada Levontin,weerarkaan ayaa dhacay habeen hore ey dhaqangashay Xabad joojinta Marinka Gaza.
ISHA-AH.
XILDHIBAANADA KHALIDA JARRAR OO LA SII DAAYEY.
(SAWIRKA)-KHALIDA JARRAR.
(GAZA)-Tan iyo markii la sxiixay heshiiskii Xabad joojinta una dhexeeyo Xarakadda Xamaas iyo Isra’iil,heshiiska ayaa la gaaray 15-ka bishaan Janaayo-2025-ka,balse waxaa jiray ismari waa la xiriira qaabka loo fulinaayo Heshiiska. Wadamada hawshaan garwadeenka ka ahaa kalana ah”Maraykanka,Masar iyo Qadar” ayaa ku guuleystay in ugu dambeyntii la gaaro heshiis Xabad joojin ah iyo in la soo daayo Maxaabiista ey kala haystaan labada dhinac. Khalida Jarrar waxa ey ahayd Maxbuusad reer Falastiin ah kuna jirtay gacanta ciidamadda Isra’iil,waxaane Xabsiga laga soo daayey maalintii shalay oo Axad ahayd, deysmadeeda ayaa qeyb ka ah Maxaabiis isdhaafsi u dhexeeyo Xamaas iyo Isra’iil. Kahlida Jarrar, waa 61-jir ahne Xildhibaanad,waxa eyna u doodaa Xuquuqda Maxaabiista, Khalida waxaa lagu haayey xabsi u gaar ah Siyaasiyiinta kaaso Isra’iil u ogolaanaayo iney cidda ey doonaan isaga soo xirtaan iyagoo aan Maxkamad horgeyn,Khalida ayaa la soo xiray taariikhdu markeey ahayd 26/12/2023-kii,waxaane xarigeeda la cusbooneysiiyey dhawr jeer. Naadiga Maxaabiista reer Falastiin ayaa qabo in Xildhibaanad Khalida Jarrar la geeyey meel cidla ah si loo ciqaabo,waxaane lagu haayey qol cabirkiisu yahay 1MX1.5M oo ku yaalo Xabsiga Ayalon ee Raamalah.
ISHA-MEE.
WEJIGA KOOWAAD EE HESHIISKA OO DHAQAN GALAY.
(SAWIRKA)-BURBURKA GAARAY GAZA.
(GAZA)-Wararka ka imanaayo dhulka reer Falastiin ayaa sheegaayo in qeybtii ugu horeeysay ee Maxaabiis reer Falastiin ah laga sii daayey Xabsiyadda Isra’iil taaso qeyb ka ah heshiiska Xabad joojinta ah ee dhexmaray Xamaas iyo Isra’iil. Xafiiska Warfaafinta ee maamulka Falastiin ayaa sheegay maanta oo Axad ah in dad laga soo daayey Xabsiyadda Isra’iil ey soo gaareen qoysaskooda oo ku sugan Bariga Qudus,ilaa iyo hadda ma jiro war rasmi ah oo ka soo baxay dhinaca Isra’iil. Waxaa lagu wadaa ilaa 900-qofood oo reer Falastiin ah in la sii daayo maanta oo Axad ah,saacado ka dib markii Xamaas ey sii deysay seddex Dumara oo reer Isra’iil ah kuwaaso lagu haystay Marinka Gaza tan iyo markii uu dhacay weerarkii Xamaas ee 7/10/2023-kii,wejiga koowaad ee heshiiska ayaa dhigaya in 33-Maxbuus oo Isra’iil ah in lagu bedesho 1,904-Maxbuus oo reer Falastiin ah. Axada maanta ah,Xamaas waxa ey Hayadda Laanqeerta Cas ku wareejisay qeybtii ugu horeysay ee Maxaabiista ku xirneed Marinka Gaza tan iyo weerarki dhacay 7/10/2023-kii,taaso iyadana ku wareejisay Ciidamada Isra’iil seddex haween ah oo reer Isra’iil ah. Maxaabiista Dumarka ah ee reer Isra’iil ayaa gaaray dhulka Isra’iil,waane qeybtii ugu horeysay oo ka kooban 33-Maxbuus oo la soo daayey inta lagu guda jiray wejiga koowaad ee heshiiska Xabad joojinta ee lixda todobaad ah. Inta lagu guda jiro mudadaan ku dhawaad 1,900-Maxbuus oo Falastiiniyiin ah ayaa sidoo kale laga sii deyn doonaa Xabsiyada Isra’iil,sida uu dhigaayo Heshiiska waxaa joogsan doono hawlgaladda dagaalka,ciidamada Isra’iil waxa ey isaga bixi doonaan goobaha ey dadku ku badan yihiin.
ISHA-AA.
DAGAALKA MARINKA GAZA YAA KU ADKAADAY?
(SAWIRKA)-REER GAZA OO FARAXSAN CAAWA.
(LONDON)-Ka dib 15-bilood oo duqeymo aan kala joogsi lahayn oo sababay dhimasho iyo burbur aan horay loo arag Marinka Gaza, falanqeeyayaasha ayaa sheegay in Isra’iil ey aad uga fog tahay iney Guul Gaarto. In kasta oo ey awood xad dhaaf ah iyo taageero Caalami ah,hadane Isra’iil waxa ey ku guul dareysatay iney gaarto dhawr ka mid ah ujeedooyinkeeda muhiimka ah ee dagaallka Marinka Gaza,kaaso soo bilawday 7/10/2023-kii ka dib markii weerar Xamaas ey Hogaamineysay uu ka dhacay Koonfurta Isra’iil. Fashilkaan ey wehliso kharashka weyn ee bani’adanimo ee Marinka Gaza ayaa muujineyso xiisad qoto dheer oo ka dhex jirta Mileteriga Isra’iil iyo Istaraatiijiyadda Siyaasadeed,ayuu yiri Sami Orabi. Inuu dhaco weerarkii Xamaas 7-dii Okt.2023-kii ayaa fashal muuhjinaayo in Isra’iil ey ku guul dareysatay Istaraatiijiyad,Mileteri,Sirdoon,iyo mid Ciidameed oo ey wax kaga qabtaan damacooda hubeysan.
ISHA-MEE.
FALCELIN KA DHALATAY HESHIISKA XAMAAS IYO ISRA’IIL.
(SAWIRKA)-DAGAALKA MARINKA GAZA.
(QATAR-EGY)-Wararka laga helaayo caasimadda dalka Qadar ee Dooxa ayaa sheegaayo in halkaasi maanta oo Arbaca ah ey heshiis ku gaareen Xarakadda Xamaas iyo Isra’iil,heshiiska la gaaray ayaa ka kooban ilaa iyo sideed Qodob oo ey wada aqbaleen labada dhinaca lana faafiyey. Reysala Wasaaraha dalka Qadar isla markaasne ah Wasiirka Arrimaha Dibadda Sheekh Maxamed Bin C/raxmaan AL-Thani ayaa shir jaraa’id uu ku qabtay Dooxa ka dib markii dhinacyada ey ogolaadeen Heshiiska ayaa sheegay in la gaaray Heshiis uuna dhaqan geli doono Axada soo socoto,Heshiiska ayaa ah mid caalamka nabadda jecel ey wada sugaayeen waayo dagaalka Marinka Gaza ayaa ah midkii ugu xumaay ee soo mara dadka reer Falastiin. Hadaba,dagaalka Gaza ayaa maanta galay maalintiisii 465-aad waxa uuna soo bilawday 7/10/2023-kii,waxaa ku dhintay dad gaaraayo ilaa 46,707-Qof, kuwaaso 18,858-qof ey yihiin Caruur, 11,046-qof ey yihiin Dumar, waxaa dhaawacmay dad gaaraayo ilaa 110,265-qof, waxaane nolol iyo geeri lagu la’ayahy ilaa hadda dad gaaraayo ilaa 11-kun qof. Heshiiskaan ayaa waxaa laga bixiyey Falcelino kala duwan waane sidaan: (1)-Qaramadda Midoobe waxa ey sheegtay in loo baahan yahay Taageero deg deg ah. (2)-Madaxweynaha la doortay ee dalka Maraykanka Donald Trump ayaa yiri”Ma jirto meel ey Argagixiasadu ku gabadaan”. (3)-Madaxweynaha Xilka kasii degaayo ee dalka Maraykank Joe Biden ayaa yiri’”Waan ku faraxsanahay”. (4)-Midawga Yurub ayaa isagana yiri”Dhaqan gelin buuxda”. (5)-Dalka Turkiga ayaa isagana yiri”Xasilooni joogta ah” (6)-Masar oo qeyb ka ahayd dalalka wedey in dagaalka la joojiyo ayaa iyadana tiri”Dedejinta gaarsiinta Gargaarka”. (7)-Boqortooyada Sacuudiga ayaa tiri”Wax ka qabashada Aas aaska Khilaafka”. (8)-Ciraaq, waa in gargaarka yimaadaa isla markiiba. (9)-Urdun,ayaa tiri’Waa in la qaadaa tallaabo caalami ah oo deg deg ah”. (10)-Faransiiska ayaa sheegay in la ixtiraamo heshiiska lana gaaro xal Siyaasadeed. (11)-Jarmalka ayaa isagana sheegay in hesiisku furay Albaabka Xabad joojin waarta. (12)-Ingiriiska ayaa sheegay in Heshiiska yahay mid ey in mudda ah ey sugaayeen shacabka reer Falastiin iyo kan Isra’iil. (13)-Talyaaniga ayaa sheegay in heshiisku yahay talaabo loo qaaday dhinaca Nabadda. (14)-Isbeyn ayaa heshiiska u tixgelisay tallaabo aan laga maarmi karin oo ah wada loo maraayo xalka labada Dawladood. (15)-Kanada ayaa soo dhaweysay Heshiiska,waxa eyna sheegtay iney taageeri doonto dhammaan dadaaladda la doonaayo in lagu dhaqan geliyo. (16)-Wakiilka Sare ee Qaramada Midoobe ee Xuquuqul Aadanaha ayaa muujiyey Nafis Qoto dheer ku dhawaaqidda wejiga koowaad ee heshiiska. (17)-Hayadda Caafimaadka Adduunka ee WHO ayaa heshiiska ku tilmaantay”Nabaddu iney tahay Daawadda ugu fiican”. (18)-Hayadda Cuntada Adduunka ee WFP ayaa heshiiska ku sheegtay in “Xabad Joojintu tahay Bilaw eysan ahay Dhammaad”.
ISHA-WAKAALADO.
DALKA KUWEYT OO XUKUMAY WASIIR MUSUQ SAMEEYEY.
(SAWIRKA)-SHEKH TALAAL KHALID.
(KUAWIT)-Wararka laga helaayo dalka Kuweyt ayaa sheegaayo in Maxkamadda Wasiiradda dalka Kuweyt iney 14-sano oo Xarig ah ey ku xukuntay Wasiirkii hore ee Wasaaradda Arrimaha Gudaha Sheekh Talaal AL-Khaalid,ka dib markii lagu eedeeyey inuu musuq-maasuqay Kharaashaadka Wasaaradaha G/dhiga iyo Arrimaha Gudaha,waxaane lagu xukumay inuu soo celiyo lacag ku dhaw toban milyan oo Diinaarka Kuweyt ah una dhiganta ($32,399,262.59) oo doolarka Maraykanka ah iyo inuu bixiyo Ganaax dhan labaatan milyan oo Diinaarka dalka Kuweyt ah una dhiganta ($64,798,525.19) oo doolarka Maraykanka ah. Xukunka ey maxkamadu ka soo saartay kiiskii ugu horeeyey ee ku saabsan Kharashaadka Wasaaradda G/dhiga ee lagu soo eedeeyey Wasiir Talaal Khaalid iyo Qof Ajnabi ah(Qurbojoog),ayaa waxaa ka mid ahaa in Wasiir Talaal Khaalid lagu Xukumay 7-sano oo Xarig ah isla markaasne inuu soo celiyo lacag dhan shan boqol oo kun oo Diinaarka Kuweyt ah una dhiganta ($1,619,963.13) oo doolarka Maraykanka ah iyo inuu bixiyo Ganaax lacgeed oo dhan hal Muilyan oo Diinaarka dalka Kuweyt ah una dhiganta ($3,239,926.26) oo doolarka Maraykanka ah iyo xilka oo laga qaado. Waxaa kaloo ey Maxkamadda Xukuntay eedeysanaha labaad waxaane lagu xukumay 4-sano oo xarig ah,waxaane lagu ganaaxay lacag dhan 294-kun oo Diinaarka Kuweyt ah una dhiganta($952,538.32) oo doolarka Maraykanka ah iyo in dalka laga Musaafuriyo marka uu xukunka dhammaysto. Kiiska labaad ee ku saabsanaa Kharashaadka Wasaaradda Arrimaha Gudaha waxay Maxkamadu xukuntay 7-sano oo Xariga Sheekh Talaal Khaalid ah iyo hawl adag,waxa eyna Sheekha ku xukuntay inuu soo celiyo sagaal Milyan oo Diinaarka dalka Kuweyt ah una dhiganta($29,159,336.33) oo doolarka Maraykanka ah,waxaane lagu ganaaxay sagaal iyo toban Milyan oo Diinaarka Kuweyt ah una dhiganta($62,564,582.87) oo doolarka Maraykanka ah iyo in lala wareego baabuurtiisa.
ISHA-SA.
XAMAAS IYO ISRA’IIL OO GAARI DOONO XABAD JOOJIN.
(SAWIRKA)-MARINKA GAZA.
(DOHA-QATAR)-Kanaalka 12-aad ee Isra’iil ayaa shaaca ka qaaday maanta oo Isniin ah faahfaahin ku saabsan suurtagalnimada in la gaaro Xabad joojin iyo in Maxaabiis is-dhaafsi uu dhexmaro Isra’iil iyo Xarakadda Xamaas ee reer Falastiin. Heshiiska ayaa la sheegay inuu ka kooban yahay seddex weji iyadoo marka hore uu socon doono ilaa 42-maalmood,waxaane ku jirta sii deynta 33-Maxbuus oo Isra’iil ah. Wafdi ka socdo Isra’iil, Reysal Wasaaraha dalka Qadar Maxamed Bin C/raxmaan AL-Thani iyo dhexdhexaadiyeyaasha Masar,Qadar iyo Maraykanka ayaa sugaayo go’aanka kama dambeysta ah ee Hogaamiyaha Xarakada Xamaas Maxamed Sinwaar oo ku saabsan qoraalka qabyada ah ee heshiiska,Kanaalka Isra’iil ayaa sidaas laga soo weiyey,dhexdhexaadiyeyaasha ayaa Xarakada Xamaas ka codsaday iney ka soo jawaabaan saqda dhexe ee Isniinta maanta ah. Sidaoo kale Reysal Wasaaraha Isra’iil Netanyahu ayaa arrintaan kala tashanaayo Saraakiisha Amaanka sida uu sheegay Kanaalka 12-aad. Wejiga hore ayaa loo yaqaan ‘Wejiga Bani’adanimada”waxaane lagu wadaa inuu socdo ilaa 42-maalin,waxaane ka mid ah sii deynta 33-Maxbuus oo reer Isra’iil ah kuwaaso isugu jira kuwa nool iyo kuwa dhintay,iyadoo diiradda la saaray Haweenka,Waayelka iyo dadka Xanuunsan. Midaas dabadeed,Mileteriga Isra’iil ayaa isaga bixi doono inta badan Goobaha ey hadda gacanta ku hayaan ee Marinka Gaza. Warka ayaa sheegay in Geber kasta oo Askeriyad Israa’iil ah ee la sii deeyo in bedelkeeda la sii deyn doono 50-Maxbuus oo reer Falastiin ah kuwaaso isugu jira 30-Maxbuus kuna xukuman Xabsi Daa’in iyo 20-Maxbuus oo ku xukuman Xabsi muddo dheer ah.
ISHA-AA.
LUBNAAN OO YEELATAY REYSAL WASAARE CUSUB.
(SAWIRKA)-RW-NAWAF SALAAM.
(BEIRUT)-71-Jirkaan,oo ilaa hadda ah Gudoomiyaha Maxkamadda Caalamiga ah ee Cadaaladda ee Hague ayaa ka soo jeedo Qoys Siyaasadeed oo caan ah oo reer Beyruut ah. Horay ayaa loo soo bandhigay inuu Gole Wasiiro u soo dhiso dalka sida qotada leh u kala qeybsan ee ku yaalo Miditeraaniyaanka laakinse Ururka Xizbullahi ey taageerto Iraan ayaa si is daba jooga uga soo horjeestay,iyadoo kooxaha ka soo horjeeda ey rejeynayaan in Nawaf Salam inuu dib u habeyn ku sameeyo Hayadaha Dawliga ah ee baaba’asan una baahan gacan ku hayn. Ururka Xizbullahi ayaa tan iyo markii si xun loogu wiiqay dagaalkii ey la galeen Isra’iil eyna lumiyeen saaxibo muhiim ah oo gobolka ah sida Madaxweynihii hore ee dalka Suriya Bashaar AL-Asad ayey suurtagal u noqotay in Madaxweynaha cusub ee dalka Lubnaan Joesph Cawn inuu Isniinta maanta uu u xil saaro Nawaf Salam inuu soo dhiso Xukuumadda Cusub uu yeesho dalka Lubnaan. Ururka Xizbullahi iyo xulafadiisa ayaa mar kale kasoo horjeestay magacaabista Salaam laakinse markii ugu horeysay Xisbiyo kale oo Siyaasadeed oo hore ula midoobay dhaqdhaqaaqa Shiicada ayaa taageeray magacaabidda Salaam.
ISHA-FP