WADAMADDA KHALIIJKA OO KU KULANSAN DALKA BAXRAY.

(SAWIRKA)-FADHIGA WADAMADA KHALIJKA.

(BAHRAIN)-Shir Madaxeedka 46-aad ee Golaha Iskaashiga Khaliijka (GCC) ayaa maanta oo Arbaca ah ka furmay magaalada Manama, ee ah caasimadda dalka Boqortooyadda Baxrayn iyadoo uu shir Guddoominayo Boqorka dalka Baxrayn Xamad Bin CIISA AL-Khalifa.

Boqor Xamad oo khudbad ka jeedinayay fadhiga furitaanka, ayaa ku baaqay in la dhammaystiro fulinta qorshaha Madaxweyne Donald Trump ee lagu soo afjarayo dagaalka Gaza, isaga oo ku tilmaamay "tallaabo wanaagsan oo loo qaaday dhimista xaaladda sii xumaanaysa," Telefishanka dawladda Bahrain ayaa sheegay. Shir-madaxeedka ayaa tilmaamaya in Suldaan Haytam bin Dhaariq uu ka soo muuqdo shir madaxeedka GCC tan iyo 2020, taasoo ka dhigan ka qayb galka heerka ugu sarreeya ee Cumaan muddo 14 sano ah. Musqat ayaa sida caadiga ah Wasiirro u diray shirarkii hore. Amiirka Kuwayt Mishcal AL-Axmad AL-Jaber AL-Sabah, Madaxweyne ku xigeenka Imaaraadka Carabta Mansour bin Zayed Al Nahyan, Dhaxal sugaha Sacuudiga Moxammed bin Salman iyo Raysal Wasaaraha Qatar Moxammed bin Abdulraxman Al Thani ayaa sidoo kale ku soo biiray shirka. Ajandaha waxaa ka mid ah isuduwidda difaaca iyo siyaasadda, horumarinta siyaasadda dhaqaalaha iyo horumarinta iyo in la is waafajiyo mowqifka Khaliijka ee arrimaha gobolka iyo caalamka. GCC wuxuu ka kooban yahay Sacuudi Carabiya, Qadar, Imaaraadka Carabta, Kuwayt, Baxrayn iyo Cuman. Waxaa la aasaasay May 25, 1981, waxayna xarunteedu tahay Sacuudi Carabiya.

XIGASHO-AA.