IRAAN OO WEERARO DHINACA CIRKA AH KU QAADAY KUWEYT IYO IMAARAATKA.
MUUQAALAKA)-GENTAALADDA IRAAN.
(DOHA/QATAR)-Iiraan ayaa Khamiista maanta ah duqeymo gantaallo iyo diyaarado aan duuliye lahayn ku qaadday saldhigyada militariga Mareykanka ee Kuwayt iyo Imaaraadka Carabta, sida ay xaqiijiyeen ciidankeeda. War qoraal ah oo ay soo saareen, ciidanku waxay ku sheegeen in duqeymaha la fuliyay horraantii Khamiistii iyagoo qayb ka ah wejiga 31-aad ee Hawlgalkooda Saciqeh si ay uga aargutaan weerarradii dhawaan Mareykanka uu ku qaaday Iiraan. Waxay sheegtay in gantaallo iyo diyaaradaha aan duuliyaha lahayn ee drones-ka ay ku dhaceen nidaamyada isgaarsiinta dayax-gacmeedka, bakhaarrada qalabka iyo hangaryada diyaaradaha dagaalka ee saldhigga cirka ee Axmed AL Jabir ee Kuwayt. Ciidanku waxay sheegeen in duqeymaha ay waxyeello u geysteen nidaamyada isgaarsiinta iyo hangaryada diyaaradaha dagaalka ee saldhigga. Imaaraadka Carabta, militariga Iiraan waxay sheegeen in gantaallo iyo diyaarado aan duuliye lahayn ay bartilmaameedsadeen saldhigyada ciidamada Mareykanka iyo nidaamyada raadaarka ee saldhigga cirka ee AL Minhad. Ciidanka Iiraan ayaa wacad ku maray inay sii wadi doonaan weerarrada si ay uga jawaabaan hawlgallada milatari ee Mareykanka ee ka dhanka ah Iiraan. Khamiistii hore, Kuwayt waxay sheegtay in difaaca cirka ay ka jawaabayaan weerarrada gantaalada Iiraan iyo kuwa aan duuliyaha lahayn, halka Wasaaraddu ay cambaareysay weerarrada cusub iyagoo ku tilmaamay "xadgudub cad" oo ka dhan ah madaxbannaanida dalka. Weeraradii ugu dambeeyay waxay dhaceen maalin ka dib markii Iiraan ay duqeymo ka geysatay xarumaha militariga Mareykanka ee Kuwait. Ciidamada Ilaalada Kacaanka Islaamiga ah ee Iiraan (IRGC) ayaa Arbacadii sheegay inay bartilmaameedsadeen xarunta iyo hoyga taliyaha Mareykanka ee Saldhigga Cirka ee Cali AL Salem. Iiraan ayaa sidoo kale bartilmaameedsatay xarumaha militariga Mareykanka ee ku yaal dhowr waddan oo gobolka ah iyadoo qayb ka ah aargoosigeeda duqeymihii dhawaan Mareykanka ka geystay gudaha Iiraan. Xiisadda ugu dambeysay ayaa bilaabatay ka dib markii duqeyn uu Mareykanku ka geystay Jasiiradda Larak ee dalka Iiraan Axaddii uu soo afjaray hakad ku yimid dagaal toos ah oo socday muddo bil ah oo u dhexeeyay Tehran iyo Washington.
ISHA-AA.
