HAWEENEY LOO DOORTAY INEY NOQOTO GUDOOMIYAHA BAARLAMANKA ALJEERIYA.

(SAWIRKA)-GUDOOMIYAHA BARLAMANKA ALJEERIYA.

(ALGIERS/ALGERIA)-Wararka laga helaayo caasimadda dala Aljeeriya ee ALjeris ayaa sheegaayo in Baarlamaanka Aljeeriya ayaa Talaadadii fiidkii doortay afhayeenkoodii ugu horreeyay ee haweeney ah, taasoo ka dhigaysa Khalida Boufedeche oo ah sarkaalka afraad ee ugu sarreeya dalka. Boufeche, oo ah dhakhtar xasaasiyad ku takhasusay oo matasha caasimadda Algiers, waa xubin ka tirsan Jabhadda Xoreynta Qaranka (FLN), oo ah xisbiga taariikhiga ah ee madaxbannaanida Aljeeriya isla markaana la xulufaysan dowladda hadda jirta. Xisbiga FLN wuxuu ahaa kii ugu guuleystay doorashadii baarlamaanka horraantii bishan, isagoo helay 91 ka mid ah 407 kursi ee golaha. Codbixinta waxaa lagu arkay tirada ugu yar ee abid soo baxda, 21 boqolkiiba. Boufedeche waa xubin ka tirsan guddiga dhexe ee xisbigeeda, waxayna ka soo shaqeysay siyaasadda maxalliga ah ka hor inta aysan soo gelin baarlamaanka. Waxay qabataa xilka afhayeennimada ee hay'ad ay haweenku si weyn ugu yar yihiin matalaadda, oo haysata 25 kursi oo keliya, ama lix boqolkiiba wadarta guud. Baarlamaankii hore wuxuu lahaa 38 xubnood oo haween ah, kii ka horreeyayna wuxuu lahaa 118 ka dib doorashadii 2017 oo lagu qabtay nidaamka qoondaynta.

XIGASHO-AN.