CIIDAMADDA XUKUMADDA YEMEN OO SOO SAARAY DIGNIIN AAD U ADAG EE DAGAALKA.
(MUUQAALKA)_CIIDAMADDA XUKUMADA YEMEN.
(ADEN/YEMEN)-Ciidamada qalabka sida ee Yemen ayaa Khamiistii ku dhawaaqay inay bilaabi doonaan adeegsiga "dhammaan hubka" si ay u baabi'iyaan dhaqdhaqaaq kasta oo milatari oo ay maleeshiyaadka Xuutiyiinta ka wadaan deegaannada ku hareeraysan Mocha, xilli ciidamada dowladdu ay bilaabeen dib-u-dejin iyo xoojinta howlgalkooda xeebta galbeed, taasoo ku soo beegantay horumar degdeg ah oo ka socda goobo dagaal oo dhowr ah. Bayaan ay soo saareen, Ciidamada Qalabka Sida ee Yemen ayaa ugu baaqay dadka rayidka ah inay ka fogaadaan isticmaalka wadada Ticiz-Mokha ilaa amar dambe, isla markaana ay ka fogaadaan isu imaatinka Xuutiyiinta, walxaha qarxa iyo gawaarida ku sugan aagga. Tani waxay imaanaysaa iyadoo Madaxweyne Ku-xigeenka Golaha Hoggaanka Madaxweynaha Yemen, Jeneraal Tariq Saleh, uu faray ciidamada qalabka sida ee ku sugan xeebta galbeed inay dib u habeeyaan safkooda, iyadoo la eegayo horumarradii ugu dambeeyay ee ka dhacay goobaha dagaalka ee ay la galeen Xuutiyiinta. Saalax wuxuu sheegay in tilmaamaha uu bixiyay ay sidoo kale ku jiraan sameynta xarun kale oo talis ah oo ku taal goob uu ku tilmaamay mid ammaan ah, iyadoo ujeedadu tahay in dib loo abaabulo ciidamada iyo abaabulka hawlgalladooda.
HORUMARKA GOOBAHA DAGAALKA:
Ilo wareedyo ayaa sheegaya in ciidamada dowladdu ay bilaabeen dib u dajin xeebta galbeed, iyagoo xusay in ciidamada qalabka sida ay ciidamo gurmad ah ka soo direen magaalada Mocha una soo jeesteen aagga Dhubab ee Gobolka Ticiz. Dhanka kale, ciidamada dowladda Yemen ayaa duqeeyay ciidamo xoojin ah oo ka tirsan maleeshiyada Xuutiyiinta, kuwaas oo ka soo ambabaxay Gobolka Sanca, iyagoo sii maraya isgoyska Farhat Nahm iyo AL-Jawf, una socday jiidaha dagaalka ee waqooyiga Gobolka Ma’arib. Ilo wareedyo militari ah ayaa u sheegay wariyaha Al-Arabiya/Al-Hadath in diyaaradaha dagaalka ee ciidamada qalabka sida ee Yemen, oo ay weheliyaan madaafiicda, ay bartilmaameedsadeen ciidamo xoojin ah oo Xuutiyiinta ah oo ku sugan aagga Madghal, taasoo keentay burburka tiro gaadiid dagaal ah iyo dhimashada iyo dhaawaca tiro ka mid ah xubnaha kooxda ee saarnaa.
ISHA-AA.
