CIIDAMADDA LUBNAAN OO QABTAY SARAAKIIL HORE OO SUURIYAAN AH.
(MUUQAALKA)-CIIDAMADDA LUBNAN.
(BEIRUT/LUBNAN)Iyadoo mas'uuliyiinta dalka Lubnaan ay si isdaba joog ah u xaqiijiyeen inay ka go'an tahay inay xiriir wanaagsan la yeeshaan Dimishiq, haddana ilo xog ogaal ah oo Lubnaani ah ayaa shaaca ka qaaday in ciidamada amniga Lubnaan ay burburiyeen shabakad dagaalyahanno ka tahriibinaysay xeebaha Suuriya si ay u tababaraan Xizbollah. Ilo wareedka ayaa u hadlay Tv-ga AL-Carabiya Arbacada maanta ah waxa eyna sheegeen iney jiraan shabakado tahriibiyo ay maamulaan sarkaal hore oo Suuriyaan ah oo ka yimid Moscow kuwasoo aad ugu dhawaa hoggaamiyihii hore ee nidaamka Suuriya, Bashar aL-Assad. Wuxuu sidoo kale sharraxay in Laanta Warfaafinta ee Ciidamada Amniga Gudaha ee Lubnaan ay burburisay shabakadda dhowr maalmood ka hor. Wuxuu shaaca ka qaaday inay diyaarisay qorshe loogu talagalay in lagu carqaladeeyo amniga Lubnaan iyo Suuriya.
XARIGA SUURIYAAN IYO LUBNAANI:
Intaa waxaa dheer, ilo-wareedku wuxuu tilmaamay in laba Suuriyaan ah iyo laba Lubnaani ah la xiray iyagoo ku hawlan tahriibinta dagaalyahannada ka soo galaya xeebta Suuriya una gudbaya gudaha Lubnaan iyagoo maraya marin sharci darro ah oo ku yaal gobolka waqooyi. Wuxuu tilmaamay in eedeysanuhu uu dagaalyahanno ka keenay xeebta Suuriya una gudbiyay Lubnaan, ka dibna uu u gudbiyay xaafadaha koonfureed ee Beyrut, ka dibna uu u gudbiyay xero tababar oo Xizbollah ku leedahay gobolka Bacalbek-Hermel ee bariga Lubnaan. Wuxuu sidoo kale xaqiijiyay in dadka la xiray uu ka mid ahaa kornayl sirdoon Suuriyaan ah oo lagu magacaabo Manaaf Cali Saafi, iyo sidoo kale afar qof oo kale. Wuxuu intaas ku daray in kooxda ay tababar ka qaadanayeen macallimiinta Xisbullah, isla markaana laga qabtay qoryaha darandooriga u dhaca, bambooyinka gacanta, qoryaha toogashada, iyo walxaha qarxa. Wuxuu ku soo gabagabeeyay isagoo xusay in hay'adaha amniga ay ilaa hadda aqoonsadeen 3 magac oo ka mid ah tababarayaashan isla markaana ay ka shaqeynayaan sidii loo xiri lahaa. Ilo xog ogaal ah ayaa shaaca ka qaaday sannadkii hore in laba ka mid ah ragga ugu dhow Assad, S/Gaas. Kamal Xasan iyo Bilyaneer-ka ay ilma adeersa yihiin Rami Makhluufi, ay isku dayeen inay maleeshiyo ka sameeyaan xeebta Suuriya iyo gudaha dhulka Lubnaan oo ay ku jiraan xubno ka tirsan kooxda Calawiyinta oo qoyska Assad ka tirsan yihiin, sida ay qortay Reuters waqtigaas. Waxaa xusid mudan in Beirut iyo Dimishiq labaduba ay si isdaba joog ah u xaqiijiyeen inay ka go'an tahay inay bogga ka rogaan wixii hore ee hadheeyay xiriirka labada dal ee xukunka Assad. Waxay xoogga saareen furitaanka cutub cusub oo xiriirkooda laba geesoodka ah, oo ku salaysan ixtiraam labada dhinac ah iyo faragelin la'aanta arrimaha gudaha ee midba midka kale, gaar ahaan maadaama nidaamka Assad uu sannado badan maamulayay masraxa siyaasadda Lubnaan. Dhanka kale, faragelinta Xisbullah ee dagaalka Suuriya ee dhinaca nidaamkii hore ayaa sii xoojisay nabarrada u dhexeeya labada waddan ee deriska ah.
ISHA-AA.
