CIIDAMADDA DAWLADDA YEMEN OO LA WAREEGAY AAGA BAAB EL MANDAB.

(MUUQAALKA)-BAB EL MANDAB.

(ADEN/YEMEN)-Ciidamada dowladda Yemen ayaa la wareegay aagga istaraatiijiga ah ee Bab el-Mandeb oo ay Xuutiyiinta ka qabsadeen, iyadoo qayb ka ah howlgalka milatari ee socda, "Dawn of Yemen," ayay ciidanku sheegeen Isniintii. Afhayeenka militariga G/le.Dhexe. Majid Cabdullah AL-Nuzayli ayaa sheegay in ciidamada taageersan dowladda ee Southern Giants Brigades iyo Nation's Shield ay "si guul leh ula wareegeen gacan ku haynta Bab EL-Mandeb." Hadallo taxane ah oo laga sii daayay baraha bulshada ee Mareykanka ee X, al-Nuzayli wuxuu sheegay in ciidamada dowladdu ay sidoo kale la wareegeen garoonka diyaaradaha ee Dhubab isla markaana ay jareen wadada u dhaxaysa Dhubab iyo Mokha. Wuxuu sheegay in boqolaal dagaalyahan oo Xuutiyiin ah lagu hareereeyay aagga Dhubab, wuxuuna ugu baaqay inay is dhiibaan, isagoo intaa ku daray in dagaalyahanno Xuutiyiin ah ay markii dambe doon ku baxsadeen iyagoo maraya badda. Bab EL-Mandeb waa marin biyood muhiim ah oo istiraatiiji ah oo isku xira Badda Cas iyo Gacanka Cadan iyo Badda Carabta waana marin muhiim u ah maraakiibta caalamiga ah.

ISHA-AA.