BEESHA CAALAMKA OO AAN SIDII LA RABAY UGA FALCELIN XASUUQA EL-FASHER.

(SAWIRKA)-XERADA BARAKACAYAASHA DHAWILA.

(EL-FASHER/SUDAN)-Xubnaha beesha caalamka ayaa sheegay in  dagaalka ka socda Sudan uusan helin feejignaan ku filan maadaama tobanaan kun oo qof ay halis soo wajahday ka dib markii uu dhacay Xasuuqii EL-Fasher. In ka badan 65,000 oo qof ayaa ka qaxay magaalada EL-Fasher ee Darfur ka dib markii ay qabsadeen ciidamada gurmadka deg dega ah (RSF) 26-kii Oktoobar, sida ay sheegtay Qaramada Midoobay, laakiin qaar kale oo badan ayaa weli halis ugu jira gudaha magaalada. "Sudan gabi ahaanba waa xaalad aakhiro," ayuu Wasiirka Arrimaha Dibadda ee Jarmalka Johann Wadephul ka sheegay wadahadalka Manama ee Baxreyn Sabtidii.

GARGAARKU MA XALLIN DOONO DHIBAATADA -XOGHAYAHA ARRIMAHA DIBADDA EE UK.

Dalka Suudaan waxaa ka socday dagaallo u dhexeeya ciidamada milateriga iyo kuwa ay isbahaysigoodii hore ee RSF, tan iyo sannadkii 2023-kii, Imaaraadka Carabta ayaa lagu Eedeeyay inay sii hurinayso xiisadda dalkaas ka taagan oo ay ku taageerto hub iyo taageero kale. Baxrayn, Wasiirka Arrimaha Dibadda ee UK Yvette Cooper ayaa yiri: "Ma jirto wax gargaar ah oo xallin kara xasaradaha intan le'eg ilaa ay qoryaha ka aamusaan." “Daldalaad wadareedyo, Gaajo iyo Kufsiga sida xun loogu isticmaalo hub dagaal, iyadoo Haweenka iyo Caruurta ay dusha u riteen dhibaatadii bini’aadantinimo ee ugu weyn Qarnigan 21-aad,” ayuu Cooper ku daray. "Muddo dheer, iskahorimaadkan xun waa la dayacay, halka dhibaatadu ay si fudud u sii korodhay."

BEESHA CAALAMKA “AAMUS BADAN AMA HA YARAATO”.

Wasiirka Arrimaha Dibadda ee Urdun Ayman Safadi ayaa sidoo kale sheegay in dagaalka sokeeye ee ka socda Suudaan uusan helin dareen ku filan. "Dhibaatooyin bini'aadantinimo oo ka baxsan bini'aadantinimada ayaa ka dhacday halkaas," ayuu ka sheegay Baxreyn. Hay’adda Caafimaadka Adduunka ee WHO ayaa sheegtay in beesha caalamku ay tahay inay wax badan ka qabato sidii looga hortegi lahaa tacaddiyada ay geystaan ​​RSF-ta, oo ay ka mid yihiin dil wadareed, kufsi iyo soo qabashada ragga isku daya inay baxsadaan. "Tani waa wax aan naqaanay muddo bilo ah, haddaysan ahayn sannado, beesha caalamkuna way ka aamustay ama ka yara aamustay," afhayeenka WHO Christian Lindmeier ayaa u sheegay DW.

MSF WAXA EY SHEEGTAY IN DADKA RAYIDKA AH EE KA CARARAYA EY HALIS WEYN KU JIRAAN.

Dhakhaatiirta aan xuduuda lahayn (MSF) ayaa sheegtay in dadka ku sugan EL-Fasher ay weli ku jiraan "khatar weyn" iyadoo dagaalyahannada RSF ay ka hortagayaan inay ka baxsadaan magaalada. Laakiin NGO-ga caafimaadku wuxuu sidoo kale ka baqayaa dadka ka qaxay magaalada. MSF waxa ay sidoo kale sheegtay in 5,000 oo qof ay u suurtagashay in ay badbaado ku gaaraan Dhawila, oo ah deegaan 70 kiiloomitir (40 mayl) galbeed ka xiga EL-Fasher kaasoo gebi ahaanba ku hareeraysan dhulka ay RSF maamusho. Tiradani aad ayey uga yar tahay tii lagu qiyaasay 65,000 ee ka qaxday EL-Fasher. Madaxa xaaladaha deg-dega ah ee MSF, Michel Olivier Lacharite, ayaa sheegay in tiradu "aysan waxba soo kordhinayn, iyadoo xisaabaadka gabood-fallada waa weyn ay sii kordhayaan." "Aaway dhammaan dadkii la la'aa ee horay uga badbaaday abaar iyo qalalaase ka dhacay EL-Fasher?" ayuu yiri. "Waxa ay u badan tahay, in kastoo cabsi badan, jawaabtu waa in la dilayo, la xannibay oo la ugaarsanayo markii ay isku dayayaan inay baxsadaan."

XIGASHO-DW.