XULKA WIILASHA UAGANDHA IYO GABDHAHA TANZANIYA OO KU GUULEYSTAY….
(MUUQAALKA)-XULKA UGANDA.
(KIGALI/RWANDA)-Uganda iyo Tanzania ayaa ku guuleystay isreebreebka CECAFA ee Ciyaaraha Kubbadda Cagta Afrika ee CAF 2026. Waxay ahayd ku celiska koobka 2025 iyadoo Uganda ay ku guuleysatay koobka wiilasha halka Tanzania ay kor u qaadday koobka gabdhaha. Kooxda Uganda ayaa (1-0) kaga badisay kooxda Rwanda oo si adag u dagaalantay finalka Wiilasha, halka Tanzaniya ay (3-0) kaga badisay Kenya finalka Gabdhaha oo lagu ciyaaray garoonka Kigali Pele Sabtida maanta ah. Kennedy Okwi ayaa goolka kaliya u dhaliyay Uganda 39 daqiiqo ka dib si uu u aamusiyo kooxda martida loo ahaa. "Aad ayaan ugu faraxsanahay in kooxdaydu ay si adag u shaqeysay afar kulan isla markaana ay hal mar barbaro gashay dhammaan kulamadii aan ka ciyaarnay tartanka," ayuu yiri tababare faraxsan oo ka tirsan kooxda Uganda Richard Malinga, oo hore uga tirsanaan jiray Ugandan International. Ciyaartii kama dambeysta ahayd ee gabdhaha Salah Msagala, Eva Maiope iyo Anna Pascal ayaa dhaliyay goolal si ay Tanzania uga adkaato Kenya una sii haysato horyaalnimada. Ciyaarihii Play-off-ka si loo go'aamiyo kooxaha ku dhameysanaya kaalinta saddexaad, Uganda waxay (2-0) kaga badisay Rwanda qaybta Gabdhaha, halka Tanzania ay (2-0) ku reebtay South Sudan qaybta Wiilasha. Marka laga soo tago biladaha, kuwa ku guuleystay qayb kasta waxay heleen jeegag qiimahoodu yahay US$100,00, kaalinta labaadna US$75,000 iyo kaalinta saddexaad US$50,000. Abaalmarinnada lacageed ee ay bixisay Motespe Foundation waxaa loo qoondeeyay ujeeddooyin horumarineed oo dugsiyada kala duwan ah. Xafladda abaal-marinnada lagu guddoonsiinayay ayaa waxaa ka soo qayb-galay Guddoomiye ku-xigeenka 2-aad ee Xiriirka Kubadda Cagta Rwanda Richard Mugisha, Guddoomiye ku-xigeenka 1-aad ee Xiriirka Kubadda Cagta Uganda , Justus Mugisha, Agaasimaha Ku-meel-gaarka ah ee CECAFA Jean Sseninde iyo Wakiil ka socday Wasaaradda Isboortiga ee Rwanda, Fabrice Uway iyo xubno kale.
ISHA-CECAFA.
