XIRIIRKA KUBADDA CAGTA AFRIKA OO KORDHIYEY ABAALMARINADDA.
(SAWIRKA)-ASTAANTA XIRIIRKA K/CAGTA AFRIKA.
(KINSHASA/DRC)-Wararka laga helaayo caasimadda Dalka Jamhuuriyadda Dimuqaraadiga Koongo ee Kinshasa ayaa sheegaayo in Xiriirka Kubadda Cagta Afrika (CAF) uu Isniinta maanta ah ku dhawaaqay faa'iido saafi ah oo ka badan $9 milyan oo doolar sanad maaliyadeedka 2023-2024, taasoo u dhiganta faa'iidadii ugu horeysay ee la sheego muddo sannado ah. Warbixinnada maaliyadeed ayaa lagu dhawaaqay intii uu socday shirkii 47-aad ee caadiga ahaa ee Midowga Afrika, kaasoo ka dhacay magaalada Kinshasa ee caasimadda Jamhuuriyadda Dimuqraadiga ah ee Kongo, iyadoo uu goob joog ka ahaa Madaxweynaha Midowga, Patrice Motsepe. Xiriirku waxa uu sheegay in dakhligoodu gaarayo 166.42 Milyan oo Doollarka Maraykanka ah, isla markaana waxyaabaha mudnaanta u ah kharashkooda ay ka mid yihiin in la kordhiyo Abaal-marinada tartanka oo la gaarsiiyo 81 Milyan oo Doollar, kordhinta Miisaaniyadda qaban-qaabada tartanka oo laga dhigay 19 Milyan oo Doollar, marka lagu daro 35 Milyan oo Doollar oo loogu talo-galay Horumarinta kubadda cagta, iyo 21 Milyan oo Doollar oo loogu talogalay Maamulka. CAF waxay sheegtay in afar sano ka hor, markii Xiriirka Kubbadda Cagta Afrika (CAF) ay soo food saartay dhaqaale yari weyn iyo caqabado badan, oo ay ku jiraan muranno sharci oo badan, Madaxweyne Motsepe wuxuu bilaabay qorshe istiraatijiyadeed oo isbeddel ah oo looga golleeyahay in Xiriirka iyo kubbadda cagta Afrika laga dhigo mid caalami ah oo tartan iyo dhaqaale ahaan waara. Xogta ayaa daaha ka qaaday in lacagta abaal-marinta CAF Champions League ay kor u kacday boqolkiiba 60 ilaa $4 milyan, halka wadarta guud ee lacagta abaal-marinta ay korodhay 41 boqolkiiba ilaa $17.6 milyan. Qiimaha taageerada wareegyada hordhaca ah ee tartamada Qaaradaha ayaa sidoo kale kor u kacay, laga bilaabo 2025-2026, iyadoo kooxaha u soo baxay Confederation Cup iyo Champions League ay heleen $100,000 midkiiba. Lacagta abaal-marinaha ee CAF Women’s Champions League ayaa kor u kacday boqolkiiba 52 ilaa $600,000 ee kuwa ku guulaysta, iyada oo kooxaha heerka guruubyada ay sidoo kale ka faa'iidaysanayaan qoondaynta la kordhiyay. Abaalmarinta Abaalmarinta Koobka Qaramada Afrika ee 2024 ayaa kordhay 32 boqolkiiba ilaa $10.5 milyan. Abaalmarinta CAF Super Cup ayaa kor u kacday boqolkiiba 150 ilaa $500,000, halka guud ahaan abaal marinta koobka Qaramada Afrika ee haweenka ay korodhay 45 boqolkiiba ilaa $3.475 milyan. Koobka Qaramada Afrika ee 2023-ka ee ka socda Côte d'Ivoire ayaa sidoo kale kor loo qaaday abaal-marintooda, iyadoo qofkii ku guulaysta uu helay 7 milyan oo doolar, taasoo ah koror boqolkiiba 40 ah, taaso ka dhigeysa wadarta lacagta abaalmarinta $32-milyan.
ISHA-AA.
