TOOGASHO KA DHACDA DURHAM/NC OO HAL QOF KU DHINTAY.

(MUUQAALKA)-BOOLISKA DURHAM/NC.

(DURHAM/NC)-Booliska Degmada Durham ee Gobolka Waqooyiga Karolayna ee dalka Maraykanka ayaa baaraya dil ka dib markii toogasho ka dhacday bariga Durham subaxnimadii Jimcaha ayna ku dhimatay haweeney iyo nin si xun ugu dhaawacmay. Saraakiishu waxay ka jawaabeen abbaare 12:38 subaxnimo Jimcaha maanta ah warbixin ku saabsan dhaawac rasaas ah oo ka dhacay baloogga 900 ee E. Main Street. Markii ay yimaadeen, booliisku waxay heleen nin iyo haweeney oo qaba dhaawacyo rasaas ah. Labada qof ee dhibanayaasha ah ayaa loo qaaday isbitaal iyagoo qaba dhaawacyo halis gelinaya noloshooda. Booliisku waxay sheegeen in haweeneydu ay markii dambe u geeriyootay dhaawacyadii soo gaaray. Xaaladda ninka lama shaacin. Toogashadu waxay ka dhacday meel u dhow Durham Hosiery Mill Apartments, halkaas oo baarayaashu ay ku qaateen inta badan subaxnimadii Jimcaha iyagoo baaraya goobta. Cajaladda goobta dambiga ayaa ku wareegsanayd aagga iyadoo baarayaashu ay raadinayeen caddayn. Xarun taliska guurguura ayaa sidoo kale la keenay iyadoo qayb ka ah baaritaanka. Booliisku ma shaacin aqoonsiga dhibanayaasha ama macluumaad ku saabsan qof laga shakisan yahay. Durham ayaa ah degmo ey inta badan ka dhacaan toogasho u dhexeyso dhallinyaro is raadsaneysa una badan bulshada Madawga ah.

ISHA-WTVD.