SOOMAALIYA OO HAWADEEDA U DIIDAY DIYAARADDA ARKIA EE ISRA’IIL.

(SAWIRKA)-DIYAARADDA ARKIA EE ISRAEL.

(TEL AVIV/ISRAEL)-Shirkadda diyaaradaha ee Israa'iil ee Arkia ayaa sheegtay inaysan helin dib u cusboonaysiin ruqsadda ay ku duuli karto hawada Soomaaliya, taasoo dhammaanaysa dhammaadka Janaayo, sidaas darteedna lagu qasbi karo inay beddesho waddadeeda duulimaad ee Thailand. "Iyada oo qayb ka ah habraacyada duulista hawada ee caalamiga ah, shirkadaha diyaaradaha waxay soo gudbiyaan codsiyo joogto ah oo ku saabsan ruqsadaha gaadiidka hawada ee waddooyin kala duwan," ayey Arkia ku tiri bayaan ey soo saaray. "Ilaa hadda, Arkia weli ma helin cusboonaysiinta ruqsadda joogtada ah ee gaadiidka hawada ee Soomaaliya bisha Febraayo." "Haddii aan la helin oggolaanshaha bilowga Febraayo, shirkaddu waxay duulimaadyada u leexin doontaa waddo kale, iyada oo aan wax isbeddel ah lagu sameyn waqtiyada duulimaadka iyo iyada oo aan waxyeello loo geysan rakaabka," ayey tiri shirkadda diyaaradaha. Tallaabadan ayaa timid iyadoo ay jiraan Mucaaradad xooggan iyo dibadbaxyo waa-weyn oo ka socda guud ahaan Soomaaliya oo ka dhan ah Aqoonsiga ay Israa'iil dhawaan siisay Gobolka Gooni u Goosadka ah ee Somaliland. Shirkadda Arkia waxay sheegtay in arrinta ay gacanta ku hayaan mas'uuliyiinta Israa'iil, oo ay ku jiraan Hay'adda Duulista Rayidka iyo Wasaaradda Arrimaha Dibadda. Sida laga soo xigtay bogga wararka ee Ynet, cusboonaysiinta ruqsadaha ee El Al lama qaban doono ilaa Maarso.

XIGASHO-THE TIMES OF ISRAEL.