SOOMAALI LA SHAQEYSANAYEY MAGEFAYAASHA LIIBIYA OO LAGU QABTAY TALYAANIGA.
(SAWIRKA)TAHRIIBAYAAL AFRIKAAN AH.
(GERMANY)-Dalka Jarmalka ayaa lagu xiray nin lagu eedeeyay in uu jirdil u geystay dad tahriibayaal ah iyo in uu wiil dhalinyaro ah ku dilay dalka Liibiya. Eedeysanaha oo Talyaanigu si weyn u baadi-goobayay, ayaa lagu eedeeyay inuu ka howlgalayay Xarumo ku yaalla Waqooyiga Libya, halkaasoo isaga iyo dad kale oo la sheegay inay ku xirnaayeen Tahriibayaal doonayay inay ka gudbaan Badda Mediterranean-ka. Muwaadin Soomaaliyeed oo ay Dowladda Talyaanigu si weyn u baadi goobayaan, ka dib markii lagu eedeeyay inuu jirdil u geystay dad Tahriibayaal ah oo ku sugnaa Xarun ay ku nool yihiin dadka Tahriibiya oo ku yaalla dalka Libya, ayaa lagu xiray dalka Jarmalka, ka dib amar lagu soo xirayo Yurub. Eedeysanaha ayaa sidoo kale lagu eedeeyay inuu jirdil iyo dil u geystay wiil aan qaan-gaarin, sidoo kalena ahaa muwaadin Soomaaliyeed. Eedeysanaha oo 29-jir ah ayaa xabsiga la dhigay Arbacadii lasoo dhaafay (30-kii July) iyadoo la raacayo amarka lagu xirayo Yurub ee gobolka Rhineland-Palatinate, sida ay sheegtay Wakaaladda Wararka ee dpa oo soo xiganeysa xafiiska dacwad oogaha guud ee Jarmalka. Xiritaanka 29-jirkan ayaa daba socday baaritaan ay sameeyeen baarayaal ka dhan ah maafiyada Talyaaniga taasoo ka dhalatay cabasho uu soo gudbiyay qof soo galooti ah ka dib markii uu ka degay Lampedusa, sida lagu sheegay War -saxaafadeed dhanka internetka ah oo ay booliiska Palermo soo saareen Khamiistii (31-kii July). Sida laga soo xigtay dpa , goobjoogeyaal lagu hayo isla xarun ku taal Liibiya ayaa tan iyo markaas taageeray qaybo muhiim ah oo ka mid ah akoonka muhaajiriinta Soomaalida ah.
EEDEYMAHA AFDUUBKA, JIRDILKA IYO BAADDA:
Baarayaasha ku sugan magaalada Palermo ee caasimadda Jaziirada Sicily ee dalka Talyaaniga ayaa rumeysan in Eedeysanaha uu ka howlgalayey Xabsi ku yaalla magaalladda Bani Walid ee dalka Libya, taasi oo ku taalla meel 150-KM dhanka Koonfur-bari kaga beegan caasimadda Tripoli. Halkaa, isaga iyo dhowr qof oo gacan saar la leh oo aan la aqoonsan ayaa la sheegay inay ku haysteen muhaajiriin doonayay inay ka gudbaan badda Mediterranean-ka. Ninkan ayaa la rumeysan yahay in uu ka mid ahaa dadka jirdilka iyo baadda uga geysan jiray dadka tahriibayaasha ah ee ku sugan xaruntaasi. Eedeysanaha ayaa la sheegay in loo xil saaray ilaalinta Amniga xarunta iyo fulinta awaamiirta Mukhalasiinta Liibiyaanka ah. Baarayaasha Talyaanigu waxay sidoo kale ku eedeeyeen tuhmanaha inuu dilay ilmo aan qaan-gaarin, kaasoo iska caabiyay isku day kufsi. Booliska ayaa ku andacoonaya in ninkan uu doonayay in uu muuqaal ka duubo weerarka, si uu u madmadowgaliyo qoyskiisa si ay u bixiyaan qarashka lagu sii dayn lahaa xarunta.
CINWAANKA IP-GA AYAA SHAACA KA QAADAY MEESHA LAGA SHAKISAN YAHAY:
29-jirkan ayaa waxaa ku socda baaritaan lagu soo oogay eedeymo la xiriira urur dambiyeedyo caalami ah oo uu galay dambiyo ka dhan ah dadka, oo ay ku jiraan dil, jirdil iyo afduub iyo sidoo kale soo galitaanka sharci darrada ah ee Midowga Yurub. Ninkan ayaa ka soo safray dalka Liibiya isagoo ku sii jeeday dalka Talyaaniga ka hor inta uusan gaarin Jarmalka, sida ay sheegeen saraakiisha Talyaaniga iyo Jarmalka. Booliska Jarmalka ayaa la sheegay in ay u suurtagashay in ay ku raad-joogaan tuhmanaha iyaga oo kaashanaya baarayaal Talyaani ah, kuwaas oo la sheegay in ay ku guulaysteen in ay soo helaan, iyaga oo falanqeeyay ciwaannada IP-ga ee ku xiraan bartiisa Facebook-ga.
ISHA-IM.
