MADAXWEYNE XASAN SHEEKH OO GAARAY LAASCAANOOD.

(SAWIRKA)-MW-XASAN SHEEKH.

(LAASCAANOOD)-Wararka laga helaayo caasimadda Dawlad Goboleedka Waqooyi-Bari Soomaaliya ee Laascaanood ayaa sheegaayo in Madaxweynaha Jamhuuriyadda Federaalka Soomaaliya Mudane Xasan Sheekh Maxamuud maanta si diirran loogu soo dhaweeyey magaalada Laascaanood ee xarunta Dowlad-goboleedka Waqooyi Bari ee Soomaaliya, halkaas oo uu kaga qeybgalayo munaasabadda caleemo-saarka Madaxweynaha Waqooyi Bari iyo ku-xigeenkiisa. Madaxweynaha iyo wafdigiisa waxaa garoonka ku soo dhaweeyey masuuliyiin ka tirsan heerarka kala duwan ee maamulka Waqooyi Bari, dhaqanka, waxgarad, haween iyo dhalinyaro, kuwaas oo muujiyey farxad iyo soo dhoweyn ballaaran oo ku aaddan booqashadan taariikhiga ah. Booqashada Madaxweynaha ee Laascaanood ayaa astaan u ah adkeynta midnimada iyo dadaalka Dowladda Federaalka ee ku aaddan xoojinta wadajirka dhuleed ee dalka iyo dadka Soomaaliyeed. Madaxweynaha Jamhuuriyadda Federaalka Soomaaliya ayaa inta uu ku sugan yahay Waqooyi Bari waxa uu kulmmo la qaadan doonaa hoggaanka iyo hormuudka Waqooyi Bari, si loo xoojiyo nabadda, dib u heshiisiinta iyo dowlad-dhiska. Labadii jeer uu xilka Madaxweynaha qabtay Dr.Xasan Sheekh Maxamud waxa uu dhidibadda u aasay maamul Goboleedyadda kala ah” Galmudug, Hirshabeele, Koonfur Galbeed iyo Jubalnad”.

XIGASHO-SNTV.