IMAARAATKA OO KU KHASAARAY KA BIXIDA YEMAN.
(SAWIRKA)ASKARTA IMAARAATKA EE YEMAN.
(RIYAD/KSA)-Saxafi u dhashay dalka Boqortooyadda Sacuudiga Xuseen AL-Gaawi ayaa shaaca ka qaaday xiriiro badan oo Imaaraadka Carabta ay la lahaayeen qaybo kala duwan oo Yemen ah, oo ku yaal dhulka iyo badda, kuwaas oo Abu Dhabi ay lumisay ka dib markii ay ka baxday Yemen. AL-Gaawi, oo aad ugu dhow dowladda Sacuudiga, ayaa sheegay in Imaaraadka Carabta uu waayay Jasiiradda Mayuun (Perim), oo ka soo horjeeda marin biyoodka Bab AL-Mandab, muddo toddobaad gudaheed ah, marka laga soo tago inay soo afjartay joogitaankeeda milatari ee halkaas. Shabakadaha Isgaarsiinta iyo ilaalada badda ayaa sidoo kale ku lumay Jasiiradda Suqatra’a, iyo sidoo kale saldhig milatari oo ku yaal Jasiiradda Cabdul-Kuri iyo saldhig kale oo ku yaal Jasiiradda Samaax, marka lagu daro in la qaaday calooshood u shaqeystayaal shisheeye, sida uu sheegay AL-Gaawi. Wariyaha Sacuudiga ayaa intaa ku daray in Imaaraadka Carabta ay sidoo kale lumiyeen saldhiggii Garoonka diyaaradaha ee AL-Rayaan ee Mukalla, kaas oo loo isticmaali jiray xarun hawlgal militari, xarunta Balxaaf ee Shabwa, iyo sidoo kale saldhigyo ku yaal dekedda Makha ee galbeedka Gobolka Ticis iyo saldhigga AL-Canad ee Laxj. AL-Gawi wuxuu tilmaamay in dhowr heshiis oo Dhaqaale iyo Amni ah oo lala galay Imaaraadka Carabta la joojiyay, oo ay ku jiraan heshiiskii Isgaarsiinta ee la xiriiray NX, heshiisyada Amniga ee lagu magacaabay la dagaallanka Argagixisada, heshiiskii dekedda Qishin ee AL-Mahra oo la xiriiray Macdan Qodista muddo 50 sano ah oo hal doolar halkii mitir ah, heshiisyada Sifeynta Saliidda iyo Gaaska ee Mukalla iyo meelo kale, heshiiska lagu suuq geynayo saliidda iyo gaaska Yemen muddo konton sano ah kaaso heer faa’iido oo dhan 35% iyo heshiiskii Dekedda Cadan.
XIGASHO-Q28.
