ICE IYO SHERIFF ISKU DHEGAN DALKA MARAYKANKA.

(MUUQAALKA)-SARAAKIISHA.

(HENNIPEN/MNN)-Mas'uuliyiinta Federaalka ayaa ku hanjabaya dacwado dambiyeed oo ka dhan ah laba sarkaal oo Sheriff oo ka kala tirsan degmooyin kuwaas oo ay sheegeen inay diideen inay wakiillada socdaalka(ICE) siiyaan marin u helidda maxaabiista la masaafuriyo, sida laga soo xigtay New York Times . Sheriff-ka Hennepin County Dawanna Witt iyo Sheriff-ka Cook County, Illinois, Tom Dart ayaa la sheegay inay heleen warqado si gacanta ah ey ugu geeyeen Wakiillada Federaalka horraantii bishii hore ee Luulyo. Wargeyska New York Times ayaa sheegay in warqadaha ay ku cadeeyeen in ku guuldareysiga soo wareejinta maxaabiista ay ICE raadineysay ay horseedi karto in shariifyada degmooyinkaas lagu soo oogo dacwad Federaal ah oo ku saabsan faragelinta markhaatiyaasha. Khubarada sharciga ayaa sheegaya in dacwadaha been abuurka ah ee markhaatiyaasha loogu hanjabay ay u badan tahay inay adkaan doonto in dacwad lagu soo oogo, sida uu ku warramay wargeyska New York Times. Shariff Witt ayaa jawaabtan soo dhigtay baraha bulshada:"Toddobaadyadii la soo dhaafay, mas'uuliyiinta Federaalku waxay bixiyeen digniino ku hanjabaya inay shaqsi ahaan ii xirayaan wax ay ku tilmaameen faragelinta markhaatiyaasha. Ma jirto sabab sharci ah oo loo maro sheegashadaas sababtoo ah xafiiskayagu wuxuu raacayaa sharciga. "Hanjabaadahaasi ma keeni doonaan inaan ka tago mas'uuliyadaha sharciga ah ama aan ixtiraamo Dastuurka. Diiraddaydu waxay ku sii jirtaa qabashada shaqadayda: ilaalinta dhammaan dadka deggan Degmada Hennepin iyo ilaalinta amniga bulshooyinkeenna. Kama leexan doono hawshaas iyadoo la wajahayo cabsi gelin.

ISHA-ABC,