HAYADDA IFAD OO SOOMALIYA SIISAY LACAG DHAN $31.22-MILYAN OO DOOLAR.

(MUUQAALKA)-XAFIISKA REYSAL WASAARAHA.

(MUQDISHO/SOMALIA)-Sanduuqa Caalamiga ah ee Horumarinta Beeraha ayaa bilaabay barnaamij ey ku bexeyso lacag dhan $31.22 milyan ah si loo xoojiyo hab-nololeedka miyiga ee Soomaaliya, waana mashruucii ugu horreeyay tan iyo markii Soomaaliya ay dib u heshay marin buuxda oo maalgelin ah. Agaasimaha Gobolka IFAD ee Bariga Dhexe, Waqooyiga Afrika, Yurub iyo Aasiya Dhexe Naoufel Telahigue ayaa yiri Barnaamijka u adkeysiga nolosha miyiga ayaa laga bilaabay Muqdisho si loo taageero wax soo saarka beeraha, amniga cuntada iyo bulshooyinka miyiga ah. Telahigue wuxuu sheegay in maalgelinta IFAD ee Soomaaliya ay kor u kacday sanadihii ugu dambeeyay iyadoo ka kacday $10 milyan ilaa in ka badan $100 milyan.

"Wax ka yar saddex sano ka hor Soomaaliya waxay la tacaaleysay deymaha, maantana waa waddan wax ku biiriya IFAD," ayuu yiri Telahigue, isagoo uga mahadceliyay Soomaaliya kaalinta ay ka qaadatay dib u buuxinta IFAD14. Iskaashiga mustaqbalka waxaa hagi doona Barnaamijka Fursadaha Istaraatiijiyadeed ee Dalka ee IFAD, kaas oo socon doona ilaa 2030 isla markaana la jaan qaadaya Qorshaha Isbeddelka Qaranka ee Soomaaliya iyo Aragtida 2060, ayuu yiri. Wasiirka Beeraha Maxamed Khair Maareeye ayaa sheegay in dowladdu ay bixin doonto tabarucaad maaliyadeed sannad kasta saddexda sano ee soo socota taasoo qayb ka ah kheyraadka IFAD ee loo jiheeyay waddamada u baahan. IFAD waxay sheegtay in barnaamijku uu higsanayo in lagu taageero in ka badan 125,000 oo qoys oo miyiga ah iyo in la abaabulo in ka badan $100 milyan oo maalgashi ah oo loogu talagalay beeraha iyo dhaqaalaha miyiga.

ISHA-DW.