DALKA TALYAANIGA IYO ISRA’IIL OO EY KA DHEXTAFAN TAHAY,SABABTA?

(MUUQAALKA)-ASKARTA ISRA’IIL.

(ROMA/ITALY)-Wasiirka Arrimaha Dibadda ee Talyaaniga Antonio Tajani ayaa Jimcaha maanta ah dalbaday in si deg deg ah loo sii daayo shan haween ah oo Talyaani ah oo ay ciidamada Israa'iil ku xireen Daanta Galbeed ee la haysto, isagoo ku tilmaamay xarigooda mid aan la aqbali karin. "Annaga Talyaaniga waxaan dalbaneynaa in si deg deg ah loo sii daayo shanta haween ee Talyaaniga ah ee ay qabteen ciidamada Israa'iil," ayuu yiri Tajani, sida laga soo xigtay wakaaladda wararka ee Talyaaniga ANSA. "Waxaan rajeyneynaa in dib loogu celin karo Talyaaniga saacadaha soo socda. Waxa dhacay waa wax aan la aqbali karin, wax dambi ah ma aysan gelin," ayuu raaciyay. Wasaaradda Arrimaha Dibadda ee Talyaaniga ayaa Khamiistii sheegtay in dad u dhaqdhaqaaqa xuquuqda aadanaha oo Talyaani ah lagu xiray tuulada AL-Bweyb, oo ku taal koonfurta Hebron, iyagoo la socda beeraleyda Falastiiniyiinta ah ee guranaya saytuun. Waxaa la xiray iyaga iyo dad kale oo u dhaqdhaqaaqa xuquuqda aadanaha caalamiga ah, sida ay wasaaraddu sheegtay. Safaaradda Talyaaniga ee Tel Aviv iyo Qunsuliyadda Guud ee Qudus ayaa isla markiiba la xiriiray mas'uuliyiinta Israa'iil si ay u helaan caddayn deg deg ah oo ku saabsan duruufaha xarigga iyo xaaladda muwaadiniinta Talyaaniga. Wasaaradda ayaa Khamiistii sheegtay in mas'uuliyiinta Israa'iil ay xaqiijiyeen in afar haween ah oo Talyaani ah lagu hayo saldhig boolis. Tajani ayaa khudbaddiisa Jimcihii ku soo hadal qaaday shan haween ah. Safaaradaha diblomaasiyadeed ee Talyaaniga ayaa xiriir la lahaa mas'uuliyiinta Israa'iil si loo helo xal degdeg ah, sida ay wasaaraddu sheegtay.

ISHA-AA.